KAINGKUALAN 15:10 - Tanou Moonsoi Timugon

¹⁰ Kaa' ra rondo' ayuk paminawo Muno, iou Tuhan, nolosor ulun ru Misir, nolosor ilo koson ra timah ralalom libut ru timug ra makalalaa' kaga'.

KAINGKUALAN 15:10 Iomraidhean Croise

KASAUKAN 8:1

Kalo napalilian i Aki Kapuuno' ri Nuu am ngaangai' bibiag ondo' nababaya' riso ralalom ru kapal no. Pinagangin No saboi miniit rosob.

2 SAMUIL 18:8

Pangayawan no nakaralat ra titikop ru intok raginio, am masuang poyo ulun ondo' minatoi naaput giu' ra ralalom ru kataunan intor ra minatoi ra tatanga' ru pangayawan.

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 135:7

Intor ra pompor ru tana' ti porotongon No gaun masait, pasaukon No timpalak mabaya' ra rasam, am niayuk susubon No angin mingkual intor ra namulian Nano.

MAZMUR 147:18

Sabap ra ragu Nano, timug kiminotog no timinunang; sampuyon No angin, am timug no tumilis.

KAINGKUALAN 14:21

Patutuyo' ri Musa kalindu' nano rasawat ru raat, am mangkinibit Tuhan ra angin sirangon sumiob ra mapuor saboi lumugut timug ru raat. Nagangin buoi ru rondom am nangulau ra raat nasauk ra tana' mapua'. Nalapak timug ru raat,

KAINGKUALAN 15:5

Raat ondo' napalinjob risilo, nolosor ilo ra lonor ru raat koson ra batu.

AMSAL 30:4

Osoi kia nakaili' nagaloi am timinuun ra suruga'? Osoi kia nakaili' nompogonggom ra angin, kapoam mompolopot ra timug no ra konoon, kapoam mangaru' ra balitan-balitan ru tana' ti? Osoi kia inggalan nano, am osoi kia anak nano? Maaru' nakapandai kou.

JISAYA 11:15

Tuhan mapalasak ra Teluk Suez. Pasiobon No angin malasu' saboi Sungoi Iprat masauk tulu' ngantaun sungoi boborok ondo' maitik, am osoi-osoi pana makasandaup ra monggolob.

JIRIMIA 10:13

Maya' ra susuban Nano timug giu' ra limbowon mokobolos; Magibit Io ra gaun intor ra pompor ru tana' ti. Mangkinibit Io ra ganit mainbilak ralalom ru rasam, am mangator ra angin intor ra intok pambulian.

JIRIMIA 46:17

Anii' raja' ru Misir ra inggalan ondo' bagu: ‘Ulun Masuang Ragu Ondo' Nampalabus ra Kaluagan.’

AMOS 4:13

Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.

MATIUS 8:27

Ilo ngaangai' pana nangimuag. Konilo, “Atan ra ulun Io ti saboi bagiu' am kinulun pana gumagaya' ra susuban Nano!”

SAGULION 11:4

Nakito min noyo ati kulaan Tuhan namuso ra titikop saujor ru Misir nababaya' ra kurita' kuda nilo, am ra kinalom ngaangai' no giu' ralalom ru Raat Galaga paat ra ilo nangilou ramuyun.