KAINGKUALAN 14:7 - Tanou Moonsoi Timugon

⁷ Ugar raja' ra ngaangai' kurita' kuda nano, nakaaya' onom ngaatus kurita' kuda ra moonsoi kaga' ondo' sinakayan ru panglima ru saujor no.

KAINGKUALAN 14:7 Iomraidhean Croise

KASAUKAN 50:9

Sampulalai nangkurita' kuda am nangkuda niayuk minaya' saboi ilo ti masuang kaga'.

MAZMUR 20:7

Raino nakapandai aku ra Tuhan nanaak ra kamanangan ra raja' ondo' pinili' Nano; intor ra suruga' Nano ra matulai no nangiou Tuhan ra kitaakon nali. Ralalom kuasa' ru Tuhan, raja' nakaalap ra kamanangan maayo.

MAZMUR 68:17

Kua intor ra tampak muno ra masuang no tontong muno sumolon ra Bulur Sion ondo' pinili' ri Aki Kapuuno' koson ayanan Nano? Sabuoi-buoi no Tuhan mayan ra giu'.

KAINGKUALAN 14:23

Ulun ru Misir nabaya' ra kuda, kurita' kuda am mapaugar ra kurita' kuda nangilou ra ulun ru Israil saboi ra tanga' ru raat.

KAINGKUALAN 14:6

Panampos raja' ra kurita' kuda nano koson mangayou, am niayuk saujor nano.

KAINGKUALAN 14:8

Nangkinibit Tuhan ra bambalingatan raja', saboi nangilou raja' ra ulun ru Israil ondo' tatanga' pangkiralanan mangiruan ra intok no ra kamanangan.

KAINGKUALAN 15:4

Namatir Io ra saujor ru Misir am kurita' kuda nilo ralalom ru raat; pagawai ru saujor ondo' moonsoi kaga' nolosor giu' ra Raat Galaga.

JISAYA 37:24

Nanusub kou ra kukula' ngaulun koson lumimbau ri saang Kuno, pangkaraan muno kurita' kuda muno makapanguasa' ra gunung-gunung mangasawat giu' ra Libanon. Ragu muno ayuk maayo ra tinagar mu kunu' puun ru tataun sidar ondo' masawat kaga', am puun ru sipris ondo' moonsoi kaga', am naliput mu kunu' kataunan ru Libanon ondo' makapal no.

TINGGANAI RU BANSA' 4:15

Paat i Barak am saujor nano namulunsar ri Sisira, napaubong Tuhan ri Sisira nabaya' ra ngaangai' saujor am kurita' kuda nano. Tuun i Sisira intor ra kurita' kuda nano, am pagiru'.

TINGGANAI RU BANSA' 4:3

Raja' Jabin mokoondo' ra siam ngaatus kurita' kuda intor ra basi'. Namarinta io ra ulun ru Israil ra malaat am mamatoi buoi ruo ngoopor ngambilor. Ulun ru Israil pana nampiau boo nakiindangan ra Tuhan.