KAINGKUALAN 14:16 - Tanou Moonsoi Timugon

¹⁶ Kakato' jujuga' muno am patutuyo' ra rasawat ru raat. Timug ru raat malapak, am makaugar ulun ru Israil mansail ra raat rasawat ru lonor no ondo' mapua'.

KAINGKUALAN 14:16 Iomraidhean Croise

2 RAJA'-RAJA' 4:29

Ponontong i Ilisa ri Gigaji am indagu, “Ribaki'! Ibito' jujuga' kuli am ugar no. Pai' uog manabi' ra osoi ayuk pana. Amon ru mokoondo' ulun manabi' rirun, kalo pana balasin. Ongoi rampus ra baloi nano am pabantaa' jujuga' kuno ra inan ru anak no.”

KAINGKUALAN 14:15

Indagu Tuhan ri Musa, “Kua pampalaa kou makiindangan? Susubo' noyo ulun ru Israil marayus mugar.

KAINGKUALAN 14:26

Indagu Tuhan ri Musa, “Patutuyo' noyo kalindu' muno ra rasawat ru raat, am sumaguli' timug no am mompolosor ra ulun ru Misir am kurita' kuda am niayuk mapaugar ra kurita' kuda nilo.”

KAINGKUALAN 17:5

Indagu Tuhan ri Musa, “Piawo' kukula' ngaulun tingganai ulun ru Israil am baya' risilo mugar sumigulu ra ulun raginilo. Ibito' niayuk jujuga' ondo' pinalamba' muno ra Sungoi Nil.

KAINGKUALAN 17:6

Migor Aku ra saang mino rasawat ru rondo' batu maayo giu' ra Gunung Sinai. Lambaa' batu no, am mingkual timug ra inumon ru ulun.” Baalo' ri Musa ginio ra saang ru tingganai ulun ru Israil no.

KAINGKUALAN 4:17

Ibito' jujuga' ti am pakayon mu mambaal ra kaimuagan.”

KAINGKUALAN 4:2

Ginio ra pangkuot Tuhan ri Musa, “Atan kia ginuut muno?” “Jujuga',” taam ri Musa.

KAINGKUALAN 4:20

Ginio ra nagibit i Musa ra andu' am anak-anak nano am posokoyo' no ilo ra kaladai am ongoi ra Misir. Inibit niayuk ri Musa jujuga' nano sumugut ra susuban ri Aki Kapuuno' riso.

KAINGKUALAN 7:19

Indagu Tuhan ri Musa, “Susubo' i Arun mangalap ra jujuga' nano am patutuyo' ra rasawat ru ngaangai' sungoi, babayaan ru timug am kulam ra Misir. Makulau timug sumauk ra raraa', am titikop ru pagun pana makararaa', kaa' niayuk ralalom ru tuung tataun am rarapu' batu.”

KAINGKUALAN 7:9

“Amon ru makitaak raja' no ramuyun mambaal ra kaimuagan koson ra inono', susubo' i Arun mangalap ra jujuga' nano am patirin ra saang ru raja'. Makulau jujuga' no sumauk ra kukuo.”

JISAYA 10:26

Aku, Tuhan Ondo' Maayo Kaga' Kuasa', mampalapos risilo ra pitol lalapos koson ra Aku nampalapos ra ulun ru Midian giu' ra Batu Orib ra galing i. Ukumin Ku Asyur koson ra Aku nangukum ra Misir.

ABAKUK 3:8

Sungoi kia nangkinibit Rirun siminangit, iou Tuhan? Raat kia nangkinibit Rirun siminangit? Sinakayan Mu gaun am siminakoi ra gaun ru rasam maawas, paat ra Okou matong koson mangani' ra kamanangan ra ulun Muno.

UNTABAN 20:11

Kakato' boo ri Musa jujuga' no am palambaa' induo ra bulur batu no. Miningkual timug bubuluak saboi ngaangai' ulun am bibiag tinambiag nilono nakainum.

JOSUA 8:18

Tuhan pana mindagu ri Josua, “Patuluo' tutura' muno tampilon ra bandar Ai; pataakin Ku rirun ra bandar no.” Baalo' boo ri Josua ginio.