KAINGKUALAN 14:13 - Tanou Moonsoi Timugon

¹³ Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

KAINGKUALAN 14:13 Iomraidhean Croise

2 TUNUNG RU BANSA' ISRAIL 20:17

Kalo pana mangayou kau ralalom ru pangayawan ti. Alapo' noyo intok min am paginaa no. Makakito kau ra Tuhan mangani' ramuyun ra kamanangan. Pai' no kalaa' kapoam pagantangan, akau mamagun ru Jiuda am Jirusalim! Uma' kano ra pantula'; Tuhan mabaya' ramuyun!”

2 TUNUNG RU BANSA' ISRAIL 20:15

Kon ri Jagajiil, “Okou raja' am ngaangai' mamagun ru Jiuda am Jirusalim, minindagu Tuhan ra akau pai' kalawo guang am malaa' makauma' ra pulalai ondo' maayo ti, sabap ra ondo' mangayou sala' ka akau, kaa' i Aki Kapuuno'.

KAINGKUALAN 14:30

Paat ra orou raginio, namayag Tuhan ra ulun ru Israil intor ra ulun ru Misir. Nakito ru ulun ru Israil baangkai ru ulun ru Misir nakaasak ra nagas.

2 RAJA'-RAJA' 6:16

Kon ri Ilisa, “Pai' kalaa', ondo' bala takau masuang poyo intor risilo no.”

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

SULABOI 3:26

Ginio ra moonsoi inaani' takau Io ra tumaan guang, saboi Io mamayag ritakau.

GOSIA 13:4

Indagu Tuhan, “Aku noyo Tuhan, i Aki Kapuuno' min ondo' naningganai noyo ramuyun miningkual intor ra Misir. Kolondo' i Aki Kapuuno' min kaa' Aku ayuk. Aku noyo rorondo' mamamayag ramuyun.

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

JISAYA 43:11

“Aku ayuk Tuhan, Aku ayuk makapamayag ramuyun.

SAGULION 20:3

‘Rongogo' noyo, ulun ru Israil kau ngai'! Orou raiti' mangayou kau. Pai' kalaa' ra pantula', pai' katatak ambiluo am pai' pagalabo.

UNTABAN 14:9

Pai' guor ra Tuhan, am pai' kalaa' ra mamagun ru tana' raginio. Makapangala takau risilo ra maluoi. Tuhan mabaya' ritakau, am nakapangala Io noyo ra mangampin risilo; ginio ra pai' no kalaa'.”

KASAUKAN 49:18

“Maginaa aku ra pamayagan Muno Tuhan.

JIRIMIA 3:23

Banangan ayuk akai sumamba ra sinungkalalaing giu' ra tampak-tampak ru bulur! Pangindangan ra Israil matong ayuk intor ra Tuhan, i Aki Kapuuno' mai.

NIGIMIA 9:9

“Nakakito Kou ra kinamatuaan mai naimbolo' giu' ra Misir; Nokorongog Kou ra piau nilo makiindangan giu' ra Raat Galaga.

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

MAZMUR 3:8

Bayago' aku no, iou Tuhan, i Aki Kapuuno' kuno, ukumi' noyo am ngaangai' ru pantula' kuno sauko' ra lamumu'.

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

MATIUS 28:5

Indagu malaikat no ra ruandu'-ruandu' no, “Pai' kau kalaa'! Nakapandai aku maguyum kau ri Jisus ondo' sinalip i.

JISAYA 30:15

Tuhan Raja', i Aki Kapuuno' ru Israil, i Aki Kapuuno' ondo' matulai, mindagu ra ulun Nano, “Saguli' kano Raki' am pangintopot kano Raki' ralalom kalinuos ru guang. Akau pana ikangon Ku am bayagon Ku.” Kaa' kalo masaga' kau.

1 TUNUNG RU BANSA' ISRAIL 11:14

kaa' io am ulun-ulun nano siminoroi ayuk giu' ra tatanga' ru umo no am minanggal ra ulun ru Palistin. Kopongo raginio nangani' Tuhan ra Israil ra kamanangan ondo' maayo paat ra orou raginio.

ABAKUK 3:8

Sungoi kia nangkinibit Rirun siminangit, iou Tuhan? Raat kia nangkinibit Rirun siminangit? Sinakayan Mu gaun am siminakoi ra gaun ru rasam maawas, paat ra Okou matong koson mangani' ra kamanangan ra ulun Muno.

GOSIA 13:9

Mamuso Aku ramuyun, ulun ru Israil kau! Osoi kia makapangindangan ramuyun?

KASAUKAN 46:3

Kono, “Aku noyo i Aki Kapuuno' sambaan ri ama' muli, pai' kalaa' mongoi ra Misir. Saukon Ku papag muno rondo' bansa' maayo ra giu' no.

KAINGKUALAN 20:20

Taam i Musa, “Pai' kalaa'; i Aki Kapuuno' matong koson mangkinam ayuk ramuyun, maa' raginio rumayus kau gumagaya' Riso am maa' raginio kalo makatula kau.”

1 SAMUIL 11:13

Kaa' indagu Raja' Saul, “Kolondo' sangulun pana potoyon ra orou raiti', sabap paat ra orou raiti' namayag Tuhan ra ulun ru Israil.”

1 SAMUIL 12:16

Raino ti, rongogo' kano toojo! Ilai' min toojo baal maayo ondo' baalon ru Tuhan ra talupak ru mato mino.

JISAYA 7:4

Susubo' io tumampos am pai' kalingas. Kalo pana malaa' io kapoam magalabo. Sangitan ru Raja' Rijin am ulun ru Siria am niayuk Raja' Pika kalo makalalaa' ka lisun intor ra ruo polompor ru luton.

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

MAZMUR 68:21

I Aki Kapuuno' takano Tuhan ondo' mamayag; Io noyo mapalabus ritakau intor ra kapatayan.

MAZMUR 78:53

Kalinuos No ayuk mangitang risilo saboi ilo kalo malaa', kaa pantula' nilono nolosor ra raat am minatoi.

MAZMUR 91:8

Pulolowon mu libung muno am makito mu ulun malaat ukumin.

GOSIA 1:7

Kaa' makaasi' Aku ra bansa' ru Jiuda. Aku, Tuhan, i Aki Kapuuno' nilo mamayag risilo, kaa' sala' ka ra pamulunsaran – sala' ka ra ilang, kapoam busur am panah, kapoam kuda am ulun mangura' nano.”