KAINGKUALAN 13:9 - Tanou Moonsoi Timugon

⁹ Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas mino, koson mapakara' ramuyun ra musiti' kau marayus-rayus mindagu am mintutun ra Ukum ru Tuhan, sabap ra nagibit noyo Tuhan ramuyun miningkual intor ra Misir ralalom ru kuasa' Nano ra maayo.

KAINGKUALAN 13:9 Iomraidhean Croise

NIGIMIA 1:10

Iou Tuhan, ilo ti ulipon Muno, ulun Muno galama'. Binayag Mu noyo ilo ra kuasa' am ikang Muno ondo' maayo.

MAZMUR 136:11

Tiningganai No ulun ru Israil mingkual intor ra Misir; togom Nano mantilayun.

MAZMUR 136:12

Ngaangai' no binaal ru kalindu' Nano ondo' maikang kaga'; togom Nano mantilayun.

MAZMUR 89:13

ralayo am rabugus inangun Mu; Gunung Tabor am Gunung Girmon magigindii mongompor Rirun.

KAINGKUALAN 12:14

Musiti' kau mangiantak ra orou raginio koson pangiantakan ra Tuhan, koson mapakara' ramuyun ra atan ondo' baalon Kuno. Iantakon noyo orou raginio moonong bilor, ra sabuoi-buoi no.”

KAINGKUALAN 12:41

Kaukop bilor ra ka 430, ngaangai' bansa' intor ra ulun ru Tuhan nangiruan ra pagun ru Misir.

KAINGKUALAN 13:14

Paat ra orou matong, paat ra mangkuot anak ungkuyon mino ra arati' ru ngaangai' ti, musiti' min taamon koson ragitio, ‘Ralalom ru kuasa' ondo' maayo, inibit takau ru Tuhan miningkual intor ra Misir, intok itakau inulipon.

KAINGKUALAN 13:16

Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas takau, koson mapakara' ritakau ra inibit takau ru Tuhan mingkual intor ra Misir ralalom ru kuasa' Nano ondo' maayo.’ ”

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 3:20

Kaa' mamakai Aku ra kuasa' Kuno am mangukum ra ulun ru Misir am mambaal ra sauk ondo' makalalaa' ra giu' no. Mopongo raginio paugaron no akau.

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

AMSAL 1:9

sabap ra pangilaan nilono mamparuang ra kaansayan muno koson ra sapak ru ulu am sisigot koson mamparuang ra kinantalur muno.

AMSAL 3:21

Alii ra anak kuno, guuto' kapintaran am pangaratian, pai' igogondo' labusi',

AMSAL 7:23

sangkinolor poyo anak ru panah mansabut ra pusu' nano. Buayoi no koson ra susuit mansiab jumuung ra landak. Kalo natutunan no ra painawo nano ralalom kapaganan.

RIMBAI PANGAMPARAN 8:6

Sauko' aku ra ambai muno; pai' ganggol ra bokon ondo' ak am aku, sabap ra lumaai no koson ra kinaikang ru kapatayan, am saga' ru guang galama' manguasa' koson ra patayan. Simbula' nano koson ra simbula' ru apui, ondo' bibilak ra makalalaa'.

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

JISAYA 40:10

Tuhan Raja' matong koson mamarinta am makakuasa', Ibiton No ulun ondo' binayag Nano.

JISAYA 44:5

“Moonong ulun mindagu, ‘Aku ti longgom ru Tuhan.’ Mararatok ilo ra ulun ru Israil. Moonong ulun tulisin nilo longon nano; Longgom ru Tuhan, am niayuk ilo galama' manabit ra inan nilo koson ra ulun ri Aki Kapuuno'.”

JISAYA 49:16

Jirusalim, masalok Aku mangkara' rirun; inggalan muno tinulisan Ku ra palar ru kalindu' Kuno.

JISAYA 51:9

Luat noyo Tuhan, indangano' akai, bayago' akaino ra kuasa' Muno. Luat noyo koson ra galing i bulintok ra Okou nanutuk ra Ragab, am nonobok ra tambuakal ru raat no saboi minatoi.

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

JIRIMIA 22:24

Indagu Tuhan ra Raja' Joyakin anak ungkuyon ru Raja' Joyakim, intor ra Jiuda, “Ralalom ru inggalan Kuno, i Aki Kapuuno' ondo' maayag, mambala' Aku toojo ra kabalu' pana ra koson kou ra sinsing ru tatandu' ra kalindu' pamiris Kutu, kaa' paguson Tokou,

DANIL 9:15

“Nanulu' Kou ra kuasa' Muno bulintok ra Okou nagibit ra ulun Muno miningkual intor ra Misir, iou Tuhan, i Aki Kapuuno' mai. Lakat mai poyo makara' kuasa' Muno. Makatula akai noyo am nambaal ra kasalaan.

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

MATIUS 23:5

Ilo mambaal ngaangai' ragitio makikiilong ayuk ra ulun: Ilai' ayuk gayo ru pambulian ra tayar ru Buuk Kitab ondo' pinabangkos ra ulu am longon nilono; Ilai' ayuk gawar ru rumbai ru bayang nilono!

ROMA 10:8

Kon poyo ru Buuk Kitab, “Ragu ri Aki Kapuuno' mamaar ramuyun, masabit min am maguang min.” Gitio noyo tanou ondo' pabalaan mai; musiti' kau mangintopot ri Aki Kapuuno'.

SAGULION 30:14

Pai' pangkuot koson raginio sabap susuban no soroi ramuyun. Nakapandai kau noyo am makaindagu raginio; mambaal kau ayuk raginio.

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.

SAGULION 6:21

Balain ilo boo, ‘Galing i ulipon takau ru raja' ru Misir, kaa' napalabus Tuhan ritakau ra kuasa' Nano ondo' maayo.

SAGULION 6:6

Pai' lingonon liliani' ukum ondo' taakin kuno ramuyun ra orou raiti'.

SAGULION 6:8

Pobongkoso' ukum raginio ra kalindu' min am pobongkoso' ginio ra rabas min koson ra tatandu' pangkaraan.

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”