KAINGKUALAN 13:3 - Tanou Moonsoi Timugon

³ Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 13:3 Iomraidhean Croise

KASAUKAN 15:16

Masuku' papag kaapat muno, sumaguli' ilo ragiti sabap kalo paugaron Ku ulun ru Amori ra ilo kalo poyo lumaat kaga' saboi ilo ukumin.”

1 TUNUNG RU BANSA' ISRAIL 16:12

Akau papag ri Jakub, ulipon ri Aki Kapuuno', akau papag ru Israil, ulun pinili' ri Aki Kapuuno', karaa' noyo kaimuagan ondo' binaal ri Aki Kapuuno', pai' liliani' kapatasan ondo' tinaakan Nano.

NIGIMIA 1:10

Iou Tuhan, ilo ti ulipon Muno, ulun Muno galama'. Binayag Mu noyo ilo ra kuasa' am ikang Muno ondo' maayo.

NIGIMIA 9:10

Nambaal Kou ra kaimuagan ondo' makaimuag, koson manggal ra raja', pagawai am mamagun ru raja', sabap ra Okou nakapandai ati kulaan ulun Muno inimbolo' nilo. Ginio ra inggalan Muno maayo kaga' saboi orou raiti'.

MAZMUR 105:5

Akau papag ri Abragam, ulipon Nano, am papag ri Jakub, ulun pinili' Nano, karaa' noyo kaimuagan binaal ri Aki Kapuuno', pai' liliani' ragu kapatasan ra pinataak Nano.

MAZMUR 114:1

Paat ra ulun ru Israil miningkual intor ra Misir, bulintok ru papag ri Jakub mangiruan ra tana' suai no,

MAZMUR 136:11

Tiningganai No ulun ru Israil mingkual intor ra Misir; togom Nano mantilayun.

MAZMUR 136:12

Ngaangai' no binaal ru kalindu' Nano ondo' maikang kaga'; togom Nano mantilayun.

MAZMUR 89:14

Mapara' piboo gayo ru kuasa' Muno, am mapara' piboo gayo ru kinaikang Muno!

KAINGKUALAN 12:15

Indagu Tuhan, “Buoi katuluan kalo makaakan kau ra ruti' linatakan ra ragi. Mangakan ayuk ra ruti' kalo linatakan ra ragi. Paat ra orou kasaa' musiti' kau mamatir ra ngaangai' ragi ondo' soroi ralalom baloi min. Amon ru mokoondo' sasangulun mangakan ra ruti' linatakan ra ragi buoi katuluan no, kalo boo karaan ulun no ra ulun Kuno.

KAINGKUALAN 12:17

Iantakon noyo Pangiantakan Ruti' Kalo Linatakan ra Ragi, sabap ra paat ra orou raginio magibit Aku ra bansa' mino mingkual intor ra Misir. Iantakon noyo orou raginio koson pangiantakan ra moonong bilor koson ra sabuoi-buoi no.

KAINGKUALAN 12:19

Buoi katuluan, kalo paulion ragi ra baloi min, sabap ra osoi ayuk mangakan ra ruti' linatakan ra ragi, io no ulun bansa' ru bokon kapoam ulun ru Israil, kalo boo karaan io ra ulun Kuno.”

KAINGKUALAN 12:2

“Bulan ragitio masauk ra bulan kasaa' tayar ru bilor ra kalendar min.

KAINGKUALAN 12:41

Kaukop bilor ra ka 430, ngaangai' bansa' intor ra ulun ru Tuhan nangiruan ra pagun ru Misir.

KAINGKUALAN 12:42

Rondom raginio nararayus Tuhan nantamung koson magibit risilo mingkual intor ra pagun ru Misir. Rondom raginio pinatimpok toojo ra Tuhan koson sabuoi-buoi no koson ra rondom paat ra musiti' ulun ru Israil mantamung.

KAINGKUALAN 12:8

Tampilon ra rondom no, kual ru bibiag no musiti' patunuon am akanon ra sayur mapait am niayuk ruti' kalo latakin ra ragi.

KAINGKUALAN 13:14

Paat ra orou matong, paat ra mangkuot anak ungkuyon mino ra arati' ru ngaangai' ti, musiti' min taamon koson ragitio, ‘Ralalom ru kuasa' ondo' maayo, inibit takau ru Tuhan miningkual intor ra Misir, intok itakau inulipon.

KAINGKUALAN 13:9

Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas mino, koson mapakara' ramuyun ra musiti' kau marayus-rayus mindagu am mintutun ra Ukum ru Tuhan, sabap ra nagibit noyo Tuhan ramuyun miningkual intor ra Misir ralalom ru kuasa' Nano ra maayo.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 20:8

“Iantako' noyo orou Sabat am urumato' orou raginio koson orou ondo' matulai.

KAINGKUALAN 23:15

Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

KAINGKUALAN 3:20

Kaa' mamakai Aku ra kuasa' Kuno am mangukum ra ulun ru Misir am mambaal ra sauk ondo' makalalaa' ra giu' no. Mopongo raginio paugaron no akau.

KAINGKUALAN 34:18

“Iantakon Pangiantakan ra Ruti' Kalo Linatakan ra Ragi. Koson ra nanusuban Kuno ramuyun, pangakan ra ruti' kalo linatakan ra ragi buoi katuluan ra bulan Abib, sabap ra bulan raginio akau nangiruan ra Misir.

KAINGKUALAN 6:1

Indagu Tuhan ri Musa, “Raino makakito kou ra atan ondo' baalon Kuno ra raja' ru Misir. Jajalin Ku io mapaugar ra ulun Kuno. Sotopot no mampajajal Aku riso mapagiru' risilo mingkual intor ra pagun nano.”

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

JIRIMIA 34:13

i Aki Kapuuno' ru Israil, nanusub raki' minindagu ra ulun raginio, “Nakimabantu' Aku ra kinamatuaan min paat ra Aku nagibit risilo miningkual intor ra Misir am nampalabus risilo intor ra pangulipanan. Nambala' Aku risilo ra

DANIL 9:15

“Nanulu' Kou ra kuasa' Muno bulintok ra Okou nagibit ra ulun Muno miningkual intor ra Misir, iou Tuhan, i Aki Kapuuno' mai. Lakat mai poyo makara' kuasa' Muno. Makatula akai noyo am nambaal ra kasalaan.

MATIUS 10:12

Paat ra akau sumubol ra rondo' baloi, indagu no, ‘Kaansayan ramuyun.’

LUKAS 22:19

Kopongo ragili alapo' No boo ruti', paringkuanang Io ri Aki Kapuuno', pipilango' am tatayaro' No risilo, liliwa' minindagu, “Gitio noyo inan Kutu, ondo' pataakon ramuyun. Baalo' min gitio koson ra pangkaraan min Raki'.”

1 KORINTUS 11:24

am pakaparingkuanangan Io ri Aki Kapuuno' raginio, pipilango' No ruti' i liliwa' minindagu, “Gitio noyo inan Kutu ondo' pataakin ramuyun. Akano' min gitio koson pangkaraan min Raki'.”

1 KORINTUS 5:8

Ginio poyo, ibok iantako' takau bunsag ra Ruti' Kalo Linatakan ra Ragi no, ioginio kapasawan ru guang am ondo' kasagain ri Aki Kapuuno'. Pai' takau iantako' bunsag no ra ruti' ondo' linatakan ra ragi nakalair, ioginio makatula am kalaatan.

IPISUS 1:19

Am niayuk ra makapandai kau ra mumpara' boo gayo ru kuasa' Nano ondo' mangandoi ra guang takau.

SAGULION 13:10

Bobolo' noyo io saboi matoi! Kuminam io mapainggalur rirun intor ra Tuhan i Aki Kapuuno' min, ondo' namayag noyo ramuyun intor ra Misir, intok min inulipon ragili.

SAGULION 13:11

Kopongo raginio ngaangai' ulun ru Israil mokorongog ra baal ondo' masauk, am mangalaa' ilo. Sangulun pana kalo boo mambaal ra koson kinalaat raginio.

SAGULION 13:5

Kaa' potoyo' noyo nabi kapoam mambala' ra inupi ondo' nanusub ramuyun gumuor ra Tuhan ondo' namayag ramuyun intor ra Misir, intok min inulipon ragili. Ulun koson raginio malaat am kuminam mapalayau ramuyun intor ra kaayagan ondo' mapabansuk ra guang ru Tuhan. Musiti' potoyon ulun no, maa' raginio mairu' kalaatan intor ra gino ngai' min.

SAGULION 13:6

Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 16:1

“Urumato' noyo Tuhan i Aki Kapuuno' min ra mangiantak ra Paska paat ra sila' Abib sabap ra paat sila' raginio, paat ra rondom, akau binayag ru Tuhan i Aki Kapuuno' min intor ra Misir.

SAGULION 16:12

Gagaya' noyo ra susuban-susuban ragitio ra matanda'. Karaa' noyo ra inulipon kau giu' ra Misir ragili.”

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.

SAGULION 24:18

Karaa' noyo, nakaili' kau nasauk ra ulipon giu' ra Misir am pinalabus kau noyo ru Tuhan i Aki Kapuuno' min. Ginio sabap ra nanaak aku ramuyun ra aturan ragitio.

SAGULION 24:22

Pai' toojo makalilian ra nakaili' kau nasauk ra ulipon giu' ra Misir. Ginio noyo sabap ra nanaak aku ramuyun ra aturan ragitio.

SAGULION 26:8

Ra kuasa' am kaikangan Nano ondo' maayo namayag Io ramon intor ra Misir. Nambaal io ra kaimuagan, am baal makaimuag, am niayuk baal ondo' makalalaa'.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.

SAGULION 5:6

‘Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok akau sinauk ra ulipon.

SAGULION 6:12

pagilalain maa' raginio kalo malilianan min Tuhan ondo' nagibit ramuyun miningkual intor ra Misir, intok min inulipon ragili.

SAGULION 6:21

Balain ilo boo, ‘Galing i ulipon takau ru raja' ru Misir, kaa' napalabus Tuhan ritakau ra kuasa' Nano ondo' maayo.

SAGULION 7:8

Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

SAGULION 8:14

tutuno' noyo maa' raginio kalo malilimbau kau, am kalo lilianin Tuhan i Aki Kapuuno' min ondo' nagibit noyo ramuyun miningkual intor ra Misir, intok min inulipon ra galing i.

SAGULION 9:12

Kopongo raginio indagu Tuhan raki', ‘Kataki' noyo tuun giu' ra lonson toojo ru gunung, sabap ulun ondo' tiningganai muno miningkual intor ra Misir no nambaal noyo ra malaat. Timinalikur ilo noyo intor ra susuban Kuno, am nambaal noyo ra rondo' sinungkalalaing tayar nilo galama'.’

JOSUA 24:17

Tuhan i Aki Kapuuno' takau napalabus noyo ra kinamatuaan takau am itakau galama' intor ra pangulipanan giu' ra Misir, am nakatainu takau noyo ra kaimuagan-kaimuagan ondo' binaal Nano. Nangampin Io ritakau ralalom ngaangai' pangkiralanan takau nansail ra pagun-pagun ru bansa' ra bokon.

TINGGANAI RU BANSA' 6:8

Ginio ra nanusub Tuhan ra sangulun nabi risilo. Indagu nabi no, “Koson ragitio ragu ru Tuhan i Aki Kapuuno' ru Israil, ‘Namayag Aku ramuyun intor inulipon giu' ra Misir.