KAINGKUALAN 12:6 - Tanou Moonsoi Timugon

⁶ Musiti' min alungin bibiag no saboi orou ra koopor am apat sila' raginio. Tampilon ra mai' ti orou raginio, ngaangai' ulun ru Israil manimbalui ra bibiag raginio.

KAINGKUALAN 12:6 Iomraidhean Croise

2 TUNUNG RU BANSA' ISRAIL 35:1

Nangiantak Raja' Josia ra Paska giu' ra Jirusalim koson mangurumat ra Tuhan. Paat ra orou koopor am apat ru sila' kasaa', nanimbalui ilo ra domba koson ra pangiantakan no.

IJRA 6:19

Ilo ondo' minuli' noyo intor ra pamatiran no nangiantak ra Paska paat ra orou koopor am apat ra sila' kasaa' ru bilor ra siminunu' no.

KAINGKUALAN 12:14

Musiti' kau mangiantak ra orou raginio koson pangiantakan ra Tuhan, koson mapakara' ramuyun ra atan ondo' baalon Kuno. Iantakon noyo orou raginio moonong bilor, ra sabuoi-buoi no.”

KAINGKUALAN 12:17

Iantakon noyo Pangiantakan Ruti' Kalo Linatakan ra Ragi, sabap ra paat ra orou raginio magibit Aku ra bansa' mino mingkual intor ra Misir. Iantakon noyo orou raginio koson pangiantakan ra moonong bilor koson ra sabuoi-buoi no.

KAINGKUALAN 12:18

Musiti' kau mangakan ra ruti' kalo linatakan ra ragi, intoron ra rondom ru orou ra koopor am apat sila' kasaa' saboi ra rondom ru orou ra karuo ngoopor am rondo'.

KAINGKUALAN 12:47

Ngaangai' ulun ru Israil musiti' mangiantak ra pangiantakan ti.

KAINGKUALAN 16:1

Ngaangai' ulun ru Israil minugar intor ra Ilim. Paat ra orou koopor am limo ralalom sila' karuo intor ilo nangiruan ra Misir, nakasaboi ilo ra tana' kaagisan Sin nangkilolot ra Ilim am Sinai.

KAINGKUALAN 16:12

“Naining Ku noyo butok ru ulun ru Israil. Ragui' ilo, ra tampilon ra mai' ti makaalap ilo ra kual ra akanon, am tampilon ra susuab ti makaalap ilo ra ruti' masuang ondo' gogoton nilo. Ginio ra makapandai ilo ra Aku noyo Tuhan i Aki Kapuuno' nilo.”

KAINGKUALAN 19:1

Iruani' boo ru ulun ru Israil Rapidim. Paat ra orou kasaa' sila' katalu ra ilo nakaingkual intor ra Misir, nakasaboi ilo ra tana' kaagisan Sinai. Nangkim ilo ra giu' no, lonson toojo ru Gunung Sinai.

KAINGKUALAN 29:39

Musiti' sanginan anak domba pataakon tampilon ra susuab ti am sanginan poyo tampilon ra mai' ti.

KAINGKUALAN 29:41

Pataakon boo anak domba ondo' karuo tampilon ra mai'. Pabayaan ra anak domba no, pataakon tapung gandum, umau jaitun am wain ondo' suang no nogondo' koson ra tampilon ra susuab ti. Ginio noyo taak akanon Raki', Tuhan am owou no mapabansuk ra guang Kuno.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

YEHEZKIEL 45:21

“Paat ra orou koopor am apat, sila' kasaa', musiti' kau mangiantak ra Pangiantakan Paska. Buoi ru pangiantakan no tulu' ngoorou, ngaangai' ulun musiti' mangakan ra ruti' kalo linatakan ra ragi.

IMAMAT 23:5

Pangiantakan Paska, ondo' iantakon koson mangurumat ra Tuhan, intor ra paat mato ru orou tumolop, paat ra orou koopor am apat sila' kasaa'.

UNTABAN 28:16

Pangiantakan Paska ra tayar mangurumat ra Tuhan musiti' paugaron paat ra orou koopor am apat ra sila' kasaa'.

UNTABAN 28:18

Paat ra orou kasaa' ru pangiantakan no, akau musiti' tumimung am sumambayang; pai' pangandoi ra maagat.

UNTABAN 9:11

makapangiantak io raginio malupus sansila', paat palunggai' ru orou koopor am apat sila' karuo. Musiti' io mangiantak raginio ra mangakan ra domba paska am ruti' kalo linatakan ra ragi am niayuk sayur mangapait.

MATIUS 27:20

Kaa' tingganai-tingganai imam Jaudi am tingganai-tingganai ru ulun ru Jaudi nanusuk ra ulun masuang maa' raginio i Barabas palabuson am i Jisus ukumin ra potoyon.

MATIUS 27:25

Ngaangai' ru ulun no timinaam, “Polosoo' noyo akai am anak maino balasin ukumin sabap ra pinatayan Nano.”

MARKUS 15:1

Ra iosuabon, tingganai imam Jaudi, tingganai ru ulun ru Jaudi, mangingila' ra Ukum ri Musa am ulun Majlis Ugama ra bokon, nagindibok nansusunur. Rantayo' nilo i Jisus, paumaa' am pataaki' nilo Io ra gabenor Pilatus.

MARKUS 15:11

Kaa' tingganai-tingganai imam Jaudi no nanusuk ra ulun masuang koson manusub ri Pilatus mampalabus ri Barabas risilo.

MARKUS 15:25

Nanalipan Riso no paat jam kasiam ra iosusuab.

MARKUS 15:8

Ratong ulun masuang ri Pilatus am makitaak ilo ra palabuson sangulun inaput koson ra kaindalaman.

LUKAS 23:1

Ngaangai' ulun ru Majlis Ugama i miningkakat am ibito' nilo i Jisus muma' ri gabenor Pilatus.

LUKAS 23:18

Giminolok ulun masuang no, “Potoyo' Io am palabuso' ramon i Barabas!” (

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

RINALATAN 3:14

I Jisus noyo matulai am moonsoi, kaa' kalo inapu min Io, am kinitaak min i Pilatus nampalabus ra sangulun mamamatoi.

RINALATAN 4:27

Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.

JOSUA 5:10

Paat ra ulun ru Israil nangkim giu' ra Gilgal giu' ra tana' marata' maar ra bandar Jiriko, nangiantak ilo ra Paska paat ra palunggai', paat orou koopor am apat sila' raginio.