KAINGKUALAN 12:51 - Tanou Moonsoi Timugon

⁵¹ Paat orou raginio magibit Tuhan ra ngaangai' bansa' ru Israil mingkual intor ra Misir.

KAINGKUALAN 12:51 Iomraidhean Croise

KASAUKAN 50:24

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

1 RAJA'-RAJA' 6:1

Kopongo 480 ngambilor ulun ru Israil nangiruan ra Misir, paat ra bilor kaapat ra pamarintaan ru Raja' Salomo, paat ra sila' Jib, iono sila' karuo, Raja' Salomo tumalimpuun mambaal ra Baloi ru Tuhan.

2 TUNUNG RU BANSA' ISRAIL 14:12

Paat ra Raja' Asa am saujor ru Jiuda namulunsar, kinala ru Tuhan saujor ru Itiopia. Nagigiru' ilo,

MAZMUR 114:1

Paat ra ulun ru Israil miningkual intor ra Misir, bulintok ru papag ri Jakub mangiruan ra tana' suai no,

MAZMUR 136:11

Tiningganai No ulun ru Israil mingkual intor ra Misir; togom Nano mantilayun.

KAINGKUALAN 12:41

Kaukop bilor ra ka 430, ngaangai' bansa' intor ra ulun ru Tuhan nangiruan ra pagun ru Misir.

KAINGKUALAN 12:50

Ngaangai' ulun ru Israil gumagaya' ra kaulayan no am mambaal ra atan ondo' nanusuban ru Tuhan ri Musa am i Arun.

KAINGKUALAN 13:1

Indagu Tuhan ri Musa,

KAINGKUALAN 16:1

Ngaangai' ulun ru Israil minugar intor ra Ilim. Paat ra orou koopor am limo ralalom sila' karuo intor ilo nangiruan ra Misir, nakasaboi ilo ra tana' kaagisan Sin nangkilolot ra Ilim am Sinai.

KAINGKUALAN 19:1

Iruani' boo ru ulun ru Israil Rapidim. Paat ra orou kasaa' sila' katalu ra ilo nakaingkual intor ra Misir, nakasaboi ilo ra tana' kaagisan Sinai. Nangkim ilo ra giu' no, lonson toojo ru Gunung Sinai.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 6:26

I Arun am i Musa noyo ondo' sinusub ru Tuhan koson magibit ra ulun ru Israil mingkual intor ra Misir.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

IMAMAT 23:43

maa' raginio papag mino makapandai ra nanusub Tuhan ra ulun ru Israil mayan giu' ra kalukub ru raun, paat Io nagibit risilo miningkual intor ra Misir. Io noyo Tuhan i Aki Kapuuno' min.

AMOS 2:10

Inibit Takamin noyo miningkual intor ra Misir am naningganai ramuyun nansail ra tana' kaagisan buoi 40 ngambilor. Pinataak Ku noyo pagun ru ulun ru Amori ramuyun maa' raginio masauk ra pagun min galama'.

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

UNTABAN 23:22

Naningganai i Aki Kapuuno' risilo miningkual intor ra Misir, Nangayou i Aki Kapuuno' ra tayar nilo koson ra sapi' masigo.

UNTABAN 33:1

Kopongo ulun ru Israil nangiruan ra Misir, ralalom barisan sumugut ra bansa' ru sigagama' tiningganai ri Musa am i Arun, nangkim ilo ra kukula' intok.

RINALATAN 13:17

Nangaru' i Aki Kapuuno' ra kinamatuaan takali masauk ra bansa' kauligan toojo, paat ra ilo pinaayan giu' ra Misir koson ra ulun bansa' ru bokon. Ra kuasa' maayo Nano, nampalabus i Aki Kapuuno' risilo intor ra Misir i.

SAGULION 16:1

“Urumato' noyo Tuhan i Aki Kapuuno' min ra mangiantak ra Paska paat ra sila' Abib sabap ra paat sila' raginio, paat ra rondom, akau binayag ru Tuhan i Aki Kapuuno' min intor ra Misir.

SAGULION 4:37

Sabap ra motogom Io ra kinamatuaan min, nampili' Io ramuyun; am ra kuasa' Nano ondo' maayo, Io galama' nagibit ramuyun miningkual intor ra Misir.

JOSUA 24:5

Aku pana nanusub ri Musa am niayuk i Arun, am naparatong Aku ra kalaatan maayo ra Misir, kaa' naningganai Aku ramuyun miningkual intor ra intok raginio.

JUDAS 1:5

Napandayan min noyo ngaangai' ru gitio. Kaa' masaga' aku poyo mampakara' ramuyun ati kulaan Tuhan namayag ra bansa' ru Israil intor ra pagun ru Misir, kaa' nopongo raginio, pinuso No niayuk ulun intor risilo ondo' kalo nangintopot Riso i.