KAINGKUALAN 12:23 - Tanou Moonsoi Timugon

²³ Paat ra liputon ru Tuhan titikop ru pagun ru Misir koson mamatoi ra ulun ru Misir, makito ru Tuhan raraa' ra lugu' ru kulobon am angob ru kulobon ru baloi min, sumail Io am kalo mangiou ra Malaikat ru Kapatayan mumpos ra baloi mino koson mamatoi ramuyun.

KAINGKUALAN 12:23 Iomraidhean Croise

2 SAMUIL 24:16

Malaikat ru Tuhan nakasaboi noyo ra intok pangagikan ra gandum longgom ri Arauna, ulun ru Jibusi. Paat ra Tuhan nakakito ra nakatampos noyo malaikat no mamuso ra Jirusalim, kulawo' ru Tuhan kapatasan Nano koson mangukum ra ulun raginio. Indagu Io ra malaikat ondo' tatanga' mamatoi ra ulun raginio, “Sama'! Langgai'!”

AYUP 14:13

Moogot aku maa' raginio pasibunion Mu aku giu' ra intok ru ulun minatoi. Polosoon aku pasibunion saboi ra Okou kalo boo sumangit. Mopongo raginio aruo' orou koson mangkara' raki' saguli'.

KAINGKUALAN 11:4

Indagu boo i Musa ra raja', “Gitio noyo rinagu ru Tuhan, ‘Olo'-olo' ra tanga' rondom, ongoyon Ku liputo' pagun ru Misir.

KAINGKUALAN 12:7

Musiti' ilo mangalap koborok ra raraa' ru bibiag no am pakupilon ra karuruo lugu' ru kulobon am ra angob ru kulobon ru baloi, intok ilo mangakan ra bibiag no.

JISAYA 26:20

Subol kano ra baloi mino, akau bansa' kuno, am angabi' kulobon. Pansibuni sangkinolor, saboi sangit ru Tuhan luminos.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

YEHEZKIEL 9:6

Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.

1 KORINTUS 10:10

Pai' takau bubutok sumangit ri Aki Kapuuno' koson ra binaal ru santayaran nilai ragili, saboi pinatoi ilo ru Malaikat Kapatayan.

IBRANI 11:28

Sabap ra pangintapatan noyo, nangimpuun io ra pangiantakan ra Paska. Sinusub no ulun ru Israil nampatakis ra raraa' ra kulobon ru baloi nilai, maa' raginio malaikat ondo' inanian ra kuasa' mamatoi, kalo makapamatoi ra anak katuaan nilai ra ungkuyon.

IBRANI 12:24

Mininggaar kau ri Jisus ondo' nampasauk ra nabantuan nakabagu ti, am pinatayan Nali magibit ritakau mobonsoi ri Aki Kapuuno', sala' ka koson ra pinatayan ri Abil ra galing i ondo' makimambalos.

PINAINTALANG 7:3

Indagu malaikat no, “Pai' poyo lunsayo' lantur, raat kapoam puun-puun tataun saboi tinatanduan takau noyo rabas ru ulipon-ulipon ri Aki Kapuuno'.”

PINAINTALANG 9:4

Ilo ti binalaan ra kalo mampalunsai ra sakot, puun tataun kapoam tutuu' ra tinanom no. Mampasinduol ilo ayuk ra ulun ondo' kolondo' tatandu' ri Aki Kapuuno' ra rabas nilono.