KAINGKUALAN 12:22 - Tanou Moonsoi Timugon

²² Alap sabangkos Isop am pososopon ralalom mangkuk ondo' makasuang ra raraa' ru bibiag no, am pakupilon ra lugu' ru kulobon am angob ru kulobon ru baloi mino. Kolondo' sangulun pana paingkualon intor ra baloi saboi ra susuab ti.

KAINGKUALAN 12:22 Iomraidhean Croise

MAZMUR 51:7

Malaat aku no intor poyo ra aku inanak; makatula aku no intor poyo ra aku tininai'.

KAINGKUALAN 12:7

Musiti' ilo mangalap koborok ra raraa' ru bibiag no am pakupilon ra karuruo lugu' ru kulobon am ra angob ru kulobon ru baloi, intok ilo mangakan ra bibiag no.

JISAYA 26:20

Subol kano ra baloi mino, akau bansa' kuno, am angabi' kulobon. Pansibuni sangkinolor, saboi sangit ru Tuhan luminos.

UNTABAN 19:18

Tayar ru baal ondo' kasaa', iono paat mokoondo' ulun matoi giu' ralalom ru kim, sangulun ondo' kalo majamol no musiti' mangalap ra satanggayan Isop am pososopon ginio ra timug no, am patakison boo ginio ra kim am niayuk ngaangai' kuliamos am ra ulun ondo' soroi giu' ralalom ru kim. Tayar ru baal karuo, iono paat sasangulun nangambong ra baangkai, lobong kapoam bungul ru ulun minatoi, sangulun ondo' kalo majamol no musiti' mapatakis ra timug no ra ulun ondo' majamol ra ralan ondo' nogondo' niayuk.

MATIUS 26:30

Kopongo ilo narimbai ra rimbai mongompor ri Aki Kapuuno', ugar ilo ongoi ra Bulur Jaitun.

IBRANI 11:28

Sabap ra pangintapatan noyo, nangimpuun io ra pangiantakan ra Paska. Sinusub no ulun ru Israil nampatakis ra raraa' ra kulobon ru baloi nilai, maa' raginio malaikat ondo' inanian ra kuasa' mamatoi, kalo makapamatoi ra anak katuaan nilai ra ungkuyon.

IBRANI 12:24

Mininggaar kau ri Jisus ondo' nampasauk ra nabantuan nakabagu ti, am pinatayan Nali magibit ritakau mobonsoi ri Aki Kapuuno', sala' ka koson ra pinatayan ri Abil ra galing i ondo' makimambalos.

IBRANI 9:1

Nabantuan kasaa' i mokoondo' kaulayan sambayang am mokoondo' niayuk ra Kim Sambayangan ondo' binaal ru ulun.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

IBRANI 9:19

Pakapambala' i Musa ra ngaangai' ukum ri Aki Kapuuno' ra ulun ru Israil, alapo' no tutuu' Isop ondo' pinabangkos no ra bulu malia' ru domba, am pososopo' no boo ra raraa' ru sapi' am raraa' ru kambing ondo' pinaratok no ra timug, am patakiso' no galing ra Kitab ru Ukum ri Musa i am bagu no ra ngaangai' ulun ru Israil.

JOSUA 2:19

Osoi intor risilo ondo' mingkual intor ra baloi ti, patayan nano sala' ka akai ra sala, ginio kasalaan nano galama'. Kaa' amon ru sasangulun ondo' soroi ra baloi mutu mapilatan, akai noyo ondo' mansaan ra kinibit no.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.