KAINGKUALAN 12:2 - Tanou Moonsoi Timugon

² “Bulan ragitio masauk ra bulan kasaa' tayar ru bilor ra kalendar min.

KAINGKUALAN 12:2 Iomraidhean Croise

ESTER 3:7

Paat ra bilor koopor am ruo ra pamarintaan ru Raja' Agaswiros, paat ra sila' kasaa', iono sila' Nisan, nanusub i Gaman maa' raginio ulun magugundi' (ondo' sabiton ra “purim”) koson mangaru' ra orou am sila' ondo' maaya' koson manugut ra inatangan malaat no. Pupus no, ondo' inaru' iono orou koopor am talu ra sila' koopor am ruo, iono sila' Adar.

KAINGKUALAN 12:1

Indagu Tuhan ri Musa am i Arun giu' ra pagun ru Misir,

KAINGKUALAN 12:18

Musiti' kau mangakan ra ruti' kalo linatakan ra ragi, intoron ra rondom ru orou ra koopor am apat sila' kasaa' saboi ra rondom ru orou ra karuo ngoopor am rondo'.

KAINGKUALAN 12:3

Posoboyo' noyo susuban ti ra ngaangai' ulun ru Israil: Paat orou koopor ra bulan ragitio moonong ungkuyon musiti' mampili' sanginan anak domba kapoam anak kambing akanon magulung ra sasambaloi nano.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 13:4

Nangiruan kau ra Misir ra orou raiti', paat ra bulan Abib, iono bulan ra kasaa'.

KAINGKUALAN 23:15

Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

KAINGKUALAN 34:18

“Iantakon Pangiantakan ra Ruti' Kalo Linatakan ra Ragi. Koson ra nanusuban Kuno ramuyun, pangakan ra ruti' kalo linatakan ra ragi buoi katuluan ra bulan Abib, sabap ra bulan raginio akau nangiruan ra Misir.

KAINGKUALAN 40:17

Ginio ra orou kasaa' ra bulan kasaa', bilor karuo kalupus ilo nangiruan ra Misir, binaal Kim ru Tuhan.

YEHEZKIEL 45:18

Indagu Tuhan Raja', “Paat ra orou kasaa', sila' kasaa', musiti' kau mamasau ra Baloi Kuno ra mampataak ra sanginan sapi' gawayan mamulok ondo' kalo najamaran.

YEHEZKIEL 45:21

“Paat ra orou koopor am apat, sila' kasaa', musiti' kau mangiantak ra Pangiantakan Paska. Buoi ru pangiantakan no tulu' ngoorou, ngaangai' ulun musiti' mangakan ra ruti' kalo linatakan ra ragi.

IMAMAT 23:5

Pangiantakan Paska, ondo' iantakon koson mangurumat ra Tuhan, intor ra paat mato ru orou tumolop, paat ra orou koopor am apat sila' kasaa'.

UNTABAN 28:16

Pangiantakan Paska ra tayar mangurumat ra Tuhan musiti' paugaron paat ra orou koopor am apat ra sila' kasaa'.

SAGULION 16:1

“Urumato' noyo Tuhan i Aki Kapuuno' min ra mangiantak ra Paska paat ra sila' Abib sabap ra paat sila' raginio, paat ra rondom, akau binayag ru Tuhan i Aki Kapuuno' min intor ra Misir.