KAINGKUALAN 12:16 - Tanou Moonsoi Timugon

¹⁶ Paat ra orou kasaa', am igondo' poyo paat ra orou katulu', musiti' kau tumimung koson sumambayang. Paat ra orou-orou raginio kalo pongondoyon kau ra atan pana, kaa' akanon matampos min.

KAINGKUALAN 12:16 Iomraidhean Croise

KAINGKUALAN 16:23

Kon ri Musa risilo, “Nanusub Tuhan ra susuab no orou tangusan, orou matulai patimpokon Riso. Paat orou raiti' solobo' atan ondo' masaga' min solobon, am tonoko' atan ondo' masaga' min tonokon. Ondo' suwo no, moonsoi pasuayon am buliin tayar ru susuab no.”

KAINGKUALAN 16:29

Karaa' noyo ra Aku, Tuhan nangani' ramuyun ra orou tangusan. Ginio sabap ra paat ra orou ra koonom mangani' Aku ramuyun ra akanon ondo' sama' koson karuaan. Paat ra orou ra katulu' musiti' moonong ulun mayan ra intok ru sigagama', am kalo iruanin baloi nano.”

KAINGKUALAN 16:5

Paat ra koonom ngoorou, musiti' ilo manimung ra akanon no induo ruli' suang no am manampos raginio.”

KAINGKUALAN 20:10

kaa' orou ra katulu' iono orou tangusan ondo' patimpokon Raki'. Paat ra orou raginio sangulun pana kalo pongondoyon: okou, anak muno, ulipon muno, bibiag tinambiag muno kapoam ulun bansa' ru bokon ondo' minayan ra pagun muno.

KAINGKUALAN 34:18

“Iantakon Pangiantakan ra Ruti' Kalo Linatakan ra Ragi. Koson ra nanusuban Kuno ramuyun, pangakan ra ruti' kalo linatakan ra ragi buoi katuluan ra bulan Abib, sabap ra bulan raginio akau nangiruan ra Misir.

JISAYA 1:13

Banangan min ayuk magibit ra taak mino. Jumool painawan kuno makaalok ra kaminyan ondo' solobon mino. Kalo boo matipagilong Aku ra akau mangiantak ra Sila' Bagu, orou Sabat am pantutuuman min ralalom sambayang. Ngaangai' no jinamalan ru tula mino.

IMAMAT 23:21

Paat ra orou raginio pai' baalo' kandoi moonong orou, kaa' timung no ra sumambayang. Musiti' aturan ti gagayaan ru papag mino ra sabubuoi no, ra ati ayuk inayanan nilono.

IMAMAT 23:35

Paat ra orou kasaa' ru pangiantakan no, musiti' kau tumimung sumambayang. Pai' baalo' kandoi moonong orou paat orou raginio.

UNTABAN 28:18

Paat ra orou kasaa' ru pangiantakan no, akau musiti' tumimung am sumambayang; pai' pangandoi ra maagat.

UNTABAN 28:25

Paat ra orou katulu', akau musiti' tumimung koson sumambayang; pai' pangandoi ra maagat.

UNTABAN 28:26

Paat ra orou kasaa' ru Pangiantakan Napangaan Nangkumos, paat ra akau mapataak ra Tuhan ra gandum ondo' bagu, akau musiti' tumimung koson sumambayang; pai' pangandoi ra maagat.

UNTABAN 29:1

Paat ra orou kasaa' ra sila' katulu', akau musiti' tumimung ra sumambayang; pai' noyo pangandoi ra maagat. Paat ra orou raginio bujung-bujung musiti' samputin.

UNTABAN 29:12

Paat ra orou koopor am limo sila' katulu', akau musiti' tumimung ra sumambayang am pai' pangandoi. Akau musiti' mangiantak ra pangiantakan raginio buoi katuluan koson mangurumat ra Tuhan.

JUANIS 19:31

Orou ragili orou kalimo, orou Tampasan ra Pangiantakan ra Paska. Tingganai ru ulun ru Jaudi no marara' mompoloso ra baangkai nilai ra salip paat ra orou Sabat, sabap ra minggu' ragili orou Sabat i maatang kaga'. Ginio ra nakitaak ilo ri Pilatus ra kalayam ru ulun-ulun sinalip no pandakon, am baangkai nilai patuunon intor ra salip.

SAGULION 16:8

Buoi onom ngoorou, musiti' kau mangakan ra ruti' kalo linatakan ra ragi, am paat ra orou katulu' musiti' kau tumimung koson sumambayang ra Tuhan i Aki Kapuuno' min. Pai' pangandoi paat orou raginio.”