KAINGKUALAN 12:12 - Tanou Moonsoi Timugon

¹² Paat ra rondom raginio ongoyon Ku liputo' titikop ru pagun ru Misir, am mamatoi ra moonong anak ungkuyon katuaan, am niayuk moonong anak ungkuyon katuaan ru bibiag. Mangukum Aku ra ngaangai' dewa ra Misir; Aku noyo Tuhan.

KAINGKUALAN 12:12 Iomraidhean Croise

1 TUNUNG RU BANSA' ISRAIL 14:12

Paat ra saujor ru Palistin nagigiru', iniruanan nilo sinungkalalaing sambaan nilono. Nanusub Raja' Daut koson monolob ra sinungkalalaing raginio.

MAZMUR 135:8

Giu' ra Misir ngaangai' ru anak ra katuaan ru ulun pinatoi No am ngaangai' ru anak katuaan ru bibiag.

MAZMUR 82:1

Mazmur ri Asap. I Aki Kapuuno' maningganai ra pansusunuran maatang ra suruga'; saang ru ngaangai' ondo' maayag ra suruga' manaak Io ra pamatasan Nano,

MAZMUR 82:6

Mindagu Aku ra akau noyo ulun mapasau guang, ra akau ngaangai' anak ru Io Ondo' Masawat Kaga'.

MAZMUR 91:7

Saribu ngaulun maaru' lair maratu' matoi ra kiing muno, kapoam mopor ngaribu ra libung muno, kaa' okou kalo majamaran.

MAZMUR 95:3

Tuhan raginio noyo i Aki Kapuuno' ondo' mangunguasa', raja' maikang ondo' mangunguasa' ra ngaangai' dewa.

KAINGKUALAN 12:23

Paat ra liputon ru Tuhan titikop ru pagun ru Misir koson mamatoi ra ulun ru Misir, makito ru Tuhan raraa' ra lugu' ru kulobon am angob ru kulobon ru baloi min, sumail Io am kalo mangiou ra Malaikat ru Kapatayan mumpos ra baloi mino koson mamatoi ramuyun.

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

KAINGKUALAN 21:6

musiti' tuan nano magibit riso ra intok sambayangan. Giu' no susubon ulipon no migor am sumandig ra kulobon kapoam lugu' ru kulobon, musiti' tibakin ru tuan nano talingo ru ulipon no. Koon raginio boo masauk ulipon no ra ulipon ru tuan nano saboi matoi.

KAINGKUALAN 22:28

“Pai' ibati' i Aki Kapuuno', am pai' pagulas ra tingganai mino.

KAINGKUALAN 6:2

Indagu i Aki Kapuuno' ri Musa, “Aku noyo Tuhan.

KAINGKUALAN 9:6

Paat ra suabon no nambaal Tuhan koson ra rinagu Nali, am ngaangai' bibiag tinambiag ru ulun ru Misir namagatoi, kaa' bibiag tinambiag ru ulun ru Israil kolondo' minatoi.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JIRIMIA 43:12

Solobon Ku kuil-kuil ru dewa Misir, am raja' ru Babilonia pana monolob ra dewa-dewa nilo kapoam ibiton ngaangai' no ra intok ra bokon. Koson ra sangulun magagalung mamasau ra bayang nano intor ra kutu, koon raginio niayuk ra raja' ru Babilonia mamasau ra Misir am mugar mabaya' ra kamanangan.

JIRIMIA 43:13

Lunsayon no batu pangkaraan ru sinungkalalaing giu' ra Giliopolis, giu' ra Misir, am monolob ra kuil-kuil ru dewa ra Misir.”

JIRIMIA 46:25

Tuhan Ondo' Maayo Kaga' Kuasa', i Aki Kapuuno' ru Israil minindagu, “Mangukum Aku ra Amon, dewa ru bandar Tibi mababaya' ra Misir am dewa-dewa am niayuk raja'-raja'. Alapon Ku raja' ru Misir am ngaangai' ondo' liminansan riso,

YEHEZKIEL 12:16

Polosoon Ku santayaran boborok intor risilo maayag intor ra pangayawan, bitilan am maruol tumapik maa' raginio giu' ra gino ngai' ru bansa'-bansa' ra bokon no, makaliman ilo ra mapara' laat ru binaal nilo, am mangiou boo ra Aku noyo Tuhan.”

AMOS 5:17

Ulun manulaboi giu' ra ngaangai' umo ru anggur sabap ra matong Aku koson mangukum ramuyun.” Gini noyo ragu ru Tuhan.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

UNTABAN 33:4

ondo' paat raginio tatanga' mompolobong ra anak ungkuyon katuaan nilo ondo' pinatoi ru Tuhan. Koson raginio noyo Tuhan nanulu' ra makakuasa' Io poyo intor ra tuhan-tuhan ru ulun ru Misir.

1 SAMUIL 5:3

Suabon no ra iosusuab, paat mamagun ru Asdod minongoi ra kuil no, nakito nilo sinungkalalaing Dagon nakakubu ra tana' giu' ra saang ru Kaban Nabantuan ru Tuhan. Kopongo raginio kinayang nilo sinungkalalaing no am pinasaguli' ra intok nano.

1 SAMUIL 6:5

Musiti' takau mambaal ra binaal-baal intor ra lanit-lanit am tikus ondo' tatanga' kumokot malarom ra pagun minti. Koon raginio noyo akau manaak ra pangurumatan ri Aki Kapuuno' ru Israil. Maaru' lair lumonggo' Io mangukum ramuyun, dewa am tana' mino.