KAINGKUALAN 11:1 - Tanou Moonsoi Timugon

¹ Indagu boo Tuhan ri Musa, “Mangukum Aku rondo' ayuk boo ukuman ra raja' ru Misir am mamagun nano. Mopongo raginio, mapaugar io boo ramuyun. Akau niayuk poyo pagiruon no intor ragiti.

KAINGKUALAN 11:1 Iomraidhean Croise

KASAUKAN 15:14

Kaa' ukumin Ku mamagun ondo' mangulipon risilo, am paat ilo mangiruan ra pagun raginio, magibit ilo ra masuang kaga' kuliamos.

AYUP 10:17

Masalok Kou mokoondo' ra sasi' ondo' manggal raki'; sangit Muno raki' gumaai-gaai; masalok Kou mangatang ra pamulunsaran bagu.

KAINGKUALAN 12:29

Paat ra tanga' rondom raginio pinatoi ru Tuhan ngaangai' anak ungkuyon katuaan giu' ra Misir, inintaran ra anak ungkuyon ru raja' ondo' manungkus ra kurisi' pamarintaan polos ra anak ungkuyon katuaan ru ulun inaput ralalom pangaputan ragana' ru tana'. Ngaangai' anak ungkuyon katuaan ru bibiag pana pinatoi.

KAINGKUALAN 3:20

Kaa' mamakai Aku ra kuasa' Kuno am mangukum ra ulun ru Misir am mambaal ra sauk ondo' makalalaa' ra giu' no. Mopongo raginio paugaron no akau.

KAINGKUALAN 6:1

Indagu Tuhan ri Musa, “Raino makakito kou ra atan ondo' baalon Kuno ra raja' ru Misir. Jajalin Ku io mapaugar ra ulun Kuno. Sotopot no mampajajal Aku riso mapagiru' risilo mingkual intor ra pagun nano.”

KAINGKUALAN 9:14

Raino ti mangukum Aku sala' ka ayuk ra pagawai muno am mamagun muno, kaa' okou niayuk, maa' raginio makapandai kou ra kolondo' osoi pana ondo' koson Raki' ra titikop ru tana' ti.

IMAMAT 26:21

Amon ru lakat kau niayuk manggal Raki' am kalo gumagaya' Raki', ruangin Ku ukuman no intulu' ruli' poyo.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

PINAINTALANG 16:9

Maumpo ulun ra kinalasu' no am magulas ilo ra inggalan ri Aki Kapuuno', ondo' manguasa' ra ngaangai' karaat. Kaa' ilo ti kalo tumalikur intor ra tula nilo am kalo masaga' mongompor ra kuasa' ri Aki Kapuuno'.

1 SAMUIL 6:4

Pangkuot poyo ulun ru Palistin, “Taak ra atan kinua' ondo' moonsoi pootoron takau?” Taam ilo, “Atari' min limo lanit ra binaal-baal intor ra mas am niayuk limo tikus binaal-baal intor ra mas, nogondo' ra suang ru raja' ru Palistin. Baal makalalaa' ondo' nogondo' nakalumpa' noyo ramuyun ngaangai', iou ra mamagun am poyo ra raja'.