KAINGKUALAN 10:3 - Tanou Moonsoi Timugon

³ Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 10:3 Iomraidhean Croise

1 RAJA'-RAJA' 18:21

Tingkuang i Ilia ra ulun-ulun no am indagu, “Saboi sanggilan kia magulayun karuoon min guang? Amon ru Tuhan no i Aki Kapuuno', sambaa' noyo Tuhan; kaa' amon ru Baal no i Aki Kapuuno', sambaa' noyo Baal!” Kaa' ulun-ulun no kalo naguta'.

1 RAJA'-RAJA' 21:29

“Nakito mu kia ra Raja' Agab minggana' guang ra saang Kuno? Sabap ra nambaal io koon raginio, kalo maparatong Aku ra karaat no riso paat ra io maayag no. Maparatong Aku ra karaat no ra sasambaloi nano paat ra anak nano maayag.”

2 RAJA'-RAJA' 22:19

am okou pana timinalikur intor ra tula am mininggana' kou ra saang Kuno. Rinilak mu bayang muno am niayuk nantangi' paat ra okou nangkirongog ra lolob Kuno ra Jirusalim am mamagun nano. Mangukum Aku ra Jirusalim ra masaran saboi inggalan nano masauk ra rondo' ulas, kaa' nokorongog Aku noyo ra pakiasian muno.

2 TUNUNG RU BANSA' ISRAIL 33:12

Ralalom ru kaimbalaan nano Raja' Manasi mininggana' guang, am siminaguli' ra Tuhan, i Aki Kapuuno' nano, am nakiasi' ra nakiindangan Riso.

2 TUNUNG RU BANSA' ISRAIL 33:19

Pakiasian ru raja' am taaman ri Aki Kapuuno' ra pakiasian no, tula ru raja' ra io kalo poyo timinalikur intor ra tula, binaal nano ondo' malaat, intok sambaan ra sinungkalalaing am tatandu'-tatandu' ru Dewi Asyira ondo' binaal nano, am niayuk sinungkalalaing ondo' sinamba nano, tinulisan giu' ra ralalom ru kitab Sejarah Nabi-Nabi.

2 TUNUNG RU BANSA' ISRAIL 34:27

am timinalikur kono intor ra tula am niayuk minggana' guang ra saang Kuno. Rinilak mu bayang am niayuk nantangi' paat ra okou nokorongog ra lolob Kuno koson mangukum ra Jirusalim am mamagun nano. Nokorongog Aku ra pakiasian muno,

2 TUNUNG RU BANSA' ISRAIL 7:14

kaa' amon kalo makiasi' ilo Raki' am tumalikur intor ra tula am lumonggo' mambaal ra malaat, am intor ra suruga' mangkirongog Aku risilo, am mangampun ra tula nilo, am niayuk mampasauk ra pagun nilo langkaya' saguli'.

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

KAINGKUALAN 10:4

Amon ru lakat poyo marara' kou, ra susuab no maparatong Aku ra gapu' ra pagun muno.

KAINGKUALAN 16:28

Indagu boo Tuhan ri Musa, “Kula' poyo buoi min kalo gumagaya' ra susuban Kuno?

KAINGKUALAN 4:23

Nanusub Aku noyo rirun ra makataak ra anak Kuno mugar maa' raginio makasamba io Raki', kaa' marara' kou. Raino potoyon Ku anak ungkuyon katuaan muno.’ ”

KAINGKUALAN 5:1

Ongoi boo tuum i Musa am i Arun ra raja' ru Misir am indagu, “Koson ragitio ragu ru Tuhan i Aki Kapuuno' ru ulun ru Israil, ‘Paugaro' noyo ulun Kuno maa' raginio makasambayang ilo Raki' giu' ra tana' kaagisan.’ ”

KAINGKUALAN 9:17

Kaa' lakat kou poyo lumimbau am kalo mapaugar ra ulun Kuno.

AMSAL 1:22

“Alii ra ulun budu! Kula' poyo buoi ra akau masauk ra budu? Kula' poyo buoi ra akau magasab ra katutunan? Sanggilan akau migigila'?

AMSAL 1:24

Piawon takamin rumatong kaa' kalo mangkirongog kau. Kalo lioon min aku.

AMSAL 18:12

Ulun ondo' minggana' guang urumaton; ulun malilimbau maaru' iono mapuso.

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JIRIMIA 13:10

Bansa' ondo' malaat ti marara' gumagaya' Raki'. Lakat ilo poyo bambalingatan am malaat koson ragili. Sumambayang ilo am mangandoi ayuk ra tuhan-tuhan ra bokon. Ginio noyo sabap ra ilo masauk koson ra tapi' mariwa' ondo' kolondo' onong no.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

YEHEZKIEL 5:6

Kaa' Jirusalim giminuor ra susuban Kuno, am nasingkual ra malaat poyo intor ra bansa'-bansa' ra bokon, mulu' poyo kalo gumagaya' intor ra pagun-pagun ra libung nano. Minanggal Jirusalim ra susuban Kuno am kalo gumagaya' ra ukum Kuno.

DANIL 5:22

“Kaa' okou galama', anak ungkuyon nano, kalo minggana' inan, kabalu' pana makapandai kou ra ngaangai' baal raginio.

UNTABAN 14:27

“Saboi sanggilan kia ulun mangalaat ti mambutok Raki'? Norongog Ku noyo ngaangai' butok nilo!

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

JAKUBUS 4:10

Paingganaa' noyo guang mino ra saang ru Tuhan, am painsawaton kau boo ru Tuhan.

1 PITRUS 5:6

Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano.