KAINGKUALAN 1:20 - Tanou Moonsoi Timugon

^20-21 Nambarakat i Aki Kapuuno' ra ulun-ulun mampaanak no am nanaak risilo ra papag, sabap ra malaa' ilo ri Aki Kapuuno'. Ulun ru Israil pana riminuang poyo am maikang.

KAINGKUALAN 1:20 Iomraidhean Croise

MAZMUR 103:11

Kaa' koson ra kinasawat ru limbowon intor ra tana' ti, kinasawat raginio niayuk togom Nano ra ulun ondo' mangurumat Riso.

MAZMUR 111:5

Ulun ondo' mangurumat Riso aniin No ra akanon; kalo igondo' Io pampalilian ra bantu' Nano.

MAZMUR 145:19

Tomposon No ngaangai' kasagaan ru ulun ondo' mangurumat Riso; rongogon No pampiawan nilono am mamayag risilo.

MAZMUR 61:5

Polosoo' aku mayan ra kim Muno buoi ra aku maayag; maa' raginio mabayag aku ra saau ru kawo Muno.

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

KAINGKUALAN 1:12

Kaa' gumaai ingkotog ru ulun ru Misir mangimbolo' ra ulun ru Israil, gumaai poyo suang ru ulun ru Israil am nokopolos ngai' ra titikop ru pagun no, saboi mangalaa' ulun ru Misir risilo.

KAINGKUALAN 1:19

Taam ilo, “Ruandu' ru Ibrani kalo mogondo' ra ruandu' ru Misir; ruandu' ru Ibrani maluoi maganak. Kalo poyo makaratong mampaanak, naanak noyo lalagang.”

KAINGKUALAN 1:7

Kaa' papag nilo iono ulun ru Israil, makaanak ra masuang. Siminuang ilo kaga' am suang nilo giminaai toojo ra mataki' saboi pagun ru Misir natikop nilo.

AMSAL 11:18

Ulun malaat kalo makaalap ra kaulian ra sotopot no; kaa' ulun mambaal ra moonsoi kaulian nano motopot.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

MATIUS 10:42

Balain takamin: Osoi ayuk mampainum ra santiib timug ayuk pana ra sangulun ondo' kalo umparaan ru ulun sabap ra maamaya' Ku io, totopot niayuk makaalap ulun no ra ampos nano.”

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.