KAINGKUALAN 1:12 - Tanou Moonsoi Timugon

¹² Kaa' gumaai ingkotog ru ulun ru Misir mangimbolo' ra ulun ru Israil, gumaai poyo suang ru ulun ru Israil am nokopolos ngai' ra titikop ru pagun no, saboi mangalaa' ulun ru Misir risilo.

KAINGKUALAN 1:12 Iomraidhean Croise

KASAUKAN 46:3

Kono, “Aku noyo i Aki Kapuuno' sambaan ri ama' muli, pai' kalaa' mongoi ra Misir. Saukon Ku papag muno rondo' bansa' maayo ra giu' no.

NIGIMIA 9:23

Nangani' Kou risilo ra masuang anak koson ra kinasuang ru butitin giu' ra limbowon, am nompoloso risilo nanguasa' ra tana', ondo' binantu' Mu noyo ra kinamatuaan nilo.

AYUP 5:2

Ulun sasambungon matoi sabap ra maruol guang, ulun iisan matoi sabap ra mangusolon.

MAZMUR 105:24

Sinauk ru Tuhan ulun Nano riminuang-ruang, saboi ilo maikang poyo ka pantula'.

MAZMUR 107:38

Inasian No ulun Nano ra anak masuang, am magalung ra tambiag nilo saboi mansasayat.

KAINGKUALAN 1:20

Nambarakat i Aki Kapuuno' ra ulun-ulun mampaanak no am nanaak risilo ra papag, sabap ra malaa' ilo ri Aki Kapuuno'. Ulun ru Israil pana riminuang poyo am maikang.

KAINGKUALAN 1:7

Kaa' papag nilo iono ulun ru Israil, makaanak ra masuang. Siminuang ilo kaga' am suang nilo giminaai toojo ra mataki' saboi pagun ru Misir natikop nilo.

KAINGKUALAN 1:9

Indagu raja' no ra mamagun nano, “Makalalaa' ulun ru Israil ritakau, sabap ra masuang kaga' ilo am maikang poyo intor ritakau.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

AMSAL 27:4

Sangit no malaat kaga' am niayuk makatutuk, kaa' kolondo' sangulun pana makatingkuang ra kaingatan.

JUANIS 12:19

Ulun-ulun ru Parisi nagindagu ra rondo' am bokon, konilo, “Ilai', ngaangai' ulun ru tana' ti maya' boo Riso. Banangan takau ayuk!”

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

SAGULION 26:5

Giu' boo ra saang ru Tuhan i Aki Kapuuno' min, akau musiti' mindagu ra ragu ragitio: ‘Kinamatuaan kuli sangulun Aram ondo' timinanggau. Nagibit io ra sasambaloi nano minongoi ra Misir am minayan ra giu' koson ulun bansa' ru bokon. Paat ra ilo minongoi ra giu' no, sanganu suang nilo, kaa' nasauk ilo boo ra rondo' bansa' ondo' maayo am maikang.