JUNUS 4:2 - Tanou Moonsoi Timugon

² Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

JUNUS 4:2 Iomraidhean Croise

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

MAZMUR 103:8

Tuhan motogom am maupus, maawar orot ru guang, am napanu' ra togom.

MAZMUR 145:8

Tuhan no motogom am makaasi', moorot no sangit Nano am natikop ra togom.

MAZMUR 78:38

Kaa' makaasi' i Aki Kapuuno' ra ulun Nano. Ampunon No tula nilono am kalo mamuso risilo. Masalok Io mongorot ra sangit Nano, am kalo paabuson no sangit Nano.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

MAZMUR 90:13

Iou Tuhan, sanggilan pupus ru sangit Muno? Saguli' no am pakaasi' no ra ulipon-ulipon Muno.

KAINGKUALAN 32:14

Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.

JIRIMIA 18:8

kaa' bansa' no pana tumalikur intor ra malaat, am Aku pana mampalugut ra baalon Kuno.

JIRIMIA 20:7

Iou Tuhan, rinuung Mu aku, am naruung aku. Maikang Kou intor raki' am nangala raki'. Iniis aku ru moonong ulun, inasaban intor ra susuab ti saboi ra mamai'.

JIRIMIA 26:13

Ginio ra musiti' kau mangulau ra kaayagan am binaal min; gagaya' kano ra Tuhan, i Aki Kapuuno' min, maa' raginio kalo suguton No inatangan Nano koson mampalumpa' ra karaat no ramuyun.

JIRIMIA 42:10

‘Amon ru masaga' kau mamagun ra pagun ti, pasingkoton Takamin am kalo mamuso ramuyun. Potolorogon Takamin am kalo mamparanga' ramuyun. Kapusaan ondo' palumpaan Kuno ramuyun mangkinibit Raki' mangiluk kaga' guang.

AMOS 7:3

Nangulau Tuhan ra guang Nano am indagu, “Baal ondo' nakito mino kalo masauk.”

AMOS 7:6

Nangulau Tuhan ra guang Nano poyo am indagu, “Baal ragitio pana kalo masauk.”

JUNUS 1:3

Kaa minongoi i Junus ra intok ru bokon koson minggalur ra Tuhan. Minongoi i Junus ra Jopi, am nakainamot ra kapal ondo' mongoi ra Sipanyol. Pakapambayar ra tambang, sakoi i Junus ra kapal; nasundoi io nababaya' ra ulun-ulun ru kapal mongoi ra Sipanyol, maa' raginio makainggalur io intor ra Tuhan.

JUNUS 3:10

Nakito ri Aki Kapuuno' binaal nilo; nakito No ra ilo kalo boo nambaal ra malaat. Ginio ra nangulau Io ra guang Nano am kalo boo sinugut ukuman ondo' inatang Nano risilo.

JUNUS 3:9

Maaru' lair kulawon ri Aki Kapuuno' ginuang Nano am kalo boo sumangit, am itakau pana kalo mapuso!”

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

LUKAS 10:29

Kaa' mangingila' ra Ukum ri Musa no masaga' mampakito ra io motopot. Pangkuot io, “Osoi ulun ra bokon ondo' tagamin kuno?”

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.