JUNUS 2:2 - Tanou Moonsoi Timugon

² “Iou Tuhan, ralalom ru kapaganan kuno mampiau aku Rirun, am tumaam Kou raki'. Intor ra intok ru ulun minatoi makiindangan aku, norongog am lioon Mu kitaakon kuno.

JUNUS 2:2 Iomraidhean Croise

2 TUNUNG RU BANSA' ISRAIL 33:12

Ralalom ru kaimbalaan nano Raja' Manasi mininggana' guang, am siminaguli' ra Tuhan, i Aki Kapuuno' nano, am nakiasi' ra nakiindangan Riso.

MAZMUR 116:3

Kapatayan liminibung raki'; am lobong ra makalalaa' liminiput raki'; malaa' aku kaga' am magalabo.

MAZMUR 120:1

Rimbai ru ratangan. Bulintok ra aku makakapaganan, mampiau aku ra Tuhan, am iowon No pakiasian kuno.

MAZMUR 16:10

sabap ra kalo polosoon Mu aku matoi; ulun ondo' tagamin Muno kalo polosoon Mu mapuso.

MAZMUR 22:24

Koompor noyo Io, akau ngaangai' ulun mangintopot ra Tuhan! urumato' min Io, akau ngaangai' papag ri Jakub; sambaa' min Io, akau ngaangai' ulun ru Israil!

MAZMUR 34:6

Ulun ondo' inimpayan magilong Riso am maansukan; kalo igogondo' pana mangkaus guang nilo.

MAZMUR 4:1

Ra tingganai santimungan maririmbai. Ondo' sumbayaan ru jitor. Mazmur ri Daut.

MAZMUR 61:2

Rongogo' noyo pampiawan kuno, iou Aki Kapuuno', rongogo' noyo pakiasian kuno!

MAZMUR 65:2

Sotopot no giu' ra Sion, akai mongompor Rirun, iou Aki Kapuuno' am bayaan mai bantu' maili Rirun,

MAZMUR 86:13

Mapara' gayo ru togom Muno raki'; pinalabus Mu aku intor ra luang ru lobong.

JISAYA 14:9

Tana' ru ulun minatoi nakatampos noyo koson mangapu ra raja' ru Babilonia. Ulun minatoi ondo' makakuasa' ra tana' ti ra galing i nakaliman am raja'-raja' ra minatoi siminukal intor ra panturungan nilono.

SULABOI 3:55

“Iou Tuhan, intor ra lonor ru luang ondo' malandom no mompogolok aku Rirun.

YEHEZKIEL 26:20

Atarin Tokou ra intok ru ulun minatoi maa' raginio mayan kou masimpung ra ulun ra galing i. Polosoon Tokou lumayun ra intok ru ulun minatoi, giu' ra tanga' ru nalunsai ondo' mantilayun, mabaya' ra ulun minatoi. Tana' muno pana kalo boo ayanin ru ulun, am kalo makasimpung kou ra gino ngai' ru ulun maayag.

YEHEZKIEL 31:14

Ginio ra intor raino, kolondo' boo puun tataun ondo' tumuu' koson ra sawat raginio kapoam mokoondo' ra untu ondo' makasaboi ra gaun kabalu' pana mokoowot ra timug masuang. Ngaangai' no musiti' matoi koson ra ulun mapandai matoi am tumimung mabaya' ra ulun ondo' timinuun ra intok ru ulun minatoi.”

MATIUS 12:40

Koson ri Junus minayan talu ngoorou am talu ngorondom ralalom tinai' ru papait maayo, mogondo' niayuk ra Anak ru Ulun mayan talu ngoorou am talu ngorondom ralalom tana'.

LUKAS 11:10

Sabap ra moonong ulun ondo' makitaak makaalap, ondo' maguyum makatuum am kulobon ukabin ra ulun ondo' manitik.

LUKAS 22:44

Maimbolo' Io tojojo am mapirot Io poyo nakiasi', saboi rasang Nano koson ra raraa' momosok ra tana'.

RINALATAN 2:27

sabap ra Okou kalo mangiruan raki' ralalom intok ru ulun namagatoi. Kalo mompoloso Kou ra inan ru ulipon Muno ondo' gumagaya' Rirun no mapasa'.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.

1 SAMUIL 1:16

Pai' pangkara' ra aku ti ruandu' jajajou. Makiasi' aku koson ragitio sabap ra mangiluk kaga' guang kutu.”

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.