Biblia Todo Logo
Bìoball air-loidhne

- Sanasan -




JUNUS 1:3 - Tanou Moonsoi Timugon

3 Kaa minongoi i Junus ra intok ru bokon koson minggalur ra Tuhan. Minongoi i Junus ra Jopi, am nakainamot ra kapal ondo' mongoi ra Sipanyol. Pakapambayar ra tambang, sakoi i Junus ra kapal; nasundoi io nababaya' ra ulun-ulun ru kapal mongoi ra Sipanyol, maa' raginio makainggalur io intor ra Tuhan.

Faic an caibideil Dèan lethbhreac




JUNUS 1:3
35 Iomraidhean Croise  

Paat ra mamai', nakaining ilo ra Tuhan i Aki Kapuuno' minugar ra ralalom ru taman am pansibuni ilo ra lolot ru puun-puun am kalo boo makito ilo ru Tuhan.


Ugar boo i Kain intor ra saang ru Tuhan am ayan io giu' ra tana' ondo' ininggalanan ra “Tanggawan” giu' ra tampilon sirangon ru Idin.


Nalaa' i Ilia, io pana am ulipon nano nagiru' minongoi ra Birsyiba giu' ra Jiuda. Tatango' ri Ilia ulipon nano ra giu' no,


Giu' no nombolong io ra rondom giu' ralalom ru rondo' luang batu. Kopongo raginio indagu Tuhan riso, “Ilia, atan kia baalon muno ragiti?”


Ginio ra atari' noyo gandum, barli, wain am umau jaitun ramon koson ra binantu' muli.


Tagaron mai tataun sidar giu' ra kagunungan Libanon ra kinasuang ondo' kitaakon muno. Bongkoson mai tataun-tataun balak no masauk ra rakit, am abason ginio giu' ra raat saboi ra Jopi. Intor ra giu' no maibit mu ginilo ra Jirusalim.”


Raja' Salomo mokoondo' ra masuang kapal maayo ondo' masundoi giu' ra raat malangka' mababaya' ra kapal-kapal ru Raja' Giram. Igondo' ralalom ru talu ngambilor, kapal-kapal ru Raja' Salomo minuli' nagibit ra mas, pirok, gading, gabuk am susuit tuou.


Mamagun nanaak ra ruit koson pambayar ra gaji' ru ulun manukang ra batu am ulun manukang ra tataun. Ilo niayuk nangator ra akanon, inumon am umau jaitun giu' ra bandar Tirus am Sidon koson aligin ra tataun sidar intor ra Libanon. Tataun no inibit ra Japo pinaaya' ra raat. Ngaangai' kandoi no binaal ra pangiawan intor ra Raja' Koris, raja' ru Pirsia.


Indagu boo Tuhan ri Manusuk, “Iou noyo, baalo' atan ayuk ra ngaangai' longgom nano, ondo' ak am kalo luuson mu i Ayup.” Ugar boo i Manusuk intor ra saang ru Tuhan.


Kopongo raginio i Manusuk nangiruan ra Tuhan, am naparatong ra talipos ri Ayup intor ra pampalar ru kalayam saboi ra taur ru ulu nano.


Mokoondo' niayuk nasundoi ra kapal, maguyum ra rapu' giu' ra raat ondo' malangka'.


Kaa' niayuk ngaangai' kapal ra mangaayo am mongoonsoi polosoron No.


Gitio noyo tanou ru Tuhan intor ra Tirus. Panulaboi kano, alii ra ulun-ulun mapaugar ra kapal raat ru Sipanyol giu' ra raat! Bandar mino giu' ra Tirus binunsag noyo. Baloi am papararalan ra kapal napuut. Morongog min bulintok akau mintor ra Siprus.


Ongoi kau pagitatanom, alii ra namagun ru Sipanyol! Kolondo' osoi-osoi pana boo mangampin ramuyun.


Panulaboi noyo am pagiru' noyo ra Sipanyol, alii ra namagun ra libung ru nagas!


Ginio noyo kapal-kapal ondo' magibit muli' ulun ri Aki Kapuuno' intor ra pagun-pagun maalur. Pirok am mas inibit nilo koson mapatulai ra inggalan ru Tuhan, i Aki Kapuuno' min, i Aki Kapuuno' ru Israil, i Aki Kapuuno' ondo' matulai ondo' nangkinibit ra bansa'-bansa' mangurumat ra ulun Nano.


Sinungkalalaing nilo inangkupan ra pirok intor ra Sipanyol, am inangkupan ra mas intor ra Upas; ngaangai' no binaal ru ulun manukang. Bayang ru sinungkalalaing intor ra konoon matanggilung ra molondom am matanggilung ra mabubula', binaal ru ilo ondo' mapandai toojo mambaal ra konoon.


Okou ulun ondo' mapandai matoi, rongogo' ragu Kutu. Pai' no guor koson risilo. Gaalo' kabang muno am akano' atan ondo' pataakon kutu.”


“Mantalan kou giu' ra Sipanyol am nangapu ra pirok, basi', timah mapulak am timah maitom koson ra pangalig ra bayaran ru kuliamos muno ondo' masuang no.


Kuasa' ru Tuhan rumatong raki' ra mapuor, am paat ra aku kinayang am inibit ru Ambiluo Nano, malimanan ku maruol guang am sumangit.


I Junus pana nantunung boo ra io ti nagiru' intor ra Tuhan. Korongog ragu raginii, malaa' boo ngaangai' ulun ru kapal, am mindagu riso, “Binaal muno makalalaa' kaga'!”


Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.


Taam i Jisus, “Ulun ondo' tumalimpuun mamparadu' am magail ayuk mangkaili ra talikuron, kalo maaya' masauk ra ulun ri Aki Kapuuno'.”


kaa' kalo iniou io ri Paulus, sabap ra nangiruan i Markus risilo ragili giu' ra Pampilia, am kalo kinai' no kandoi nilai.


“Raja' Agripa, ginio puun ra aku ti mapirot toojo sumugut ra pagilangan no ondo' pinakito ri Aki Kapuuno' raki'.


Giu' ra Jopi mokoondo' poyo sangulun ruandu' makainggalan ri Tabita. Nangintopot io ri Jisus. (Inggalan nano ralalom ragu ru Junani am i Dorkas ondo' makaarati' “Tambang”.) Masalok moonsoi baalon nano am mangindangan io niayuk ra ulun musikin.


Jopi ti kalo maalur intor ra Lida. Paat ra ulun nangintopot ri Jisus intor ra Jopi nokorongog ra i Pitrus soroi ra Lida, pambilin ilo ra ruo ngaulun intor risilo mongoi ri Pitrus. Pambala' ilo riso, konilai, “Ribaki' noyo am ratong ra Jopi.”


Tanou raginio nakatabual ra ngaangai' intok giu' ra Jopi, saboi masuang ulun nangintopot ra Tuhan.


Minayan i Pitrus ra kukula' ngoorou poyo ra Jopi, giu' ra baloi ri Simon, io ti sangulun mambaal ra kuliamos intor ra kungkung ru bibiag.


Kalo maaya' aku lumimbau amon ru mampabala' aku ra Tanou Moonsoi, sabap ra aku ti sinusub ri Aki Kapuuno'. Mapara' boo usung kuno amon ru kalo mampatanou aku ra Tanou Moonsoi no.


Ukumin ilo ra kapatayan mantilayun, pasuayon ilo intor ra Tuhan am intor ra kuasa' matulai Nano.


Mi-Jarkon am niayuk Rakon, am niayuk intok giu' ra liliut ru Jopi.


Lean sinn:

Sanasan


Sanasan