JUANIS 5:9 - Tanou Moonsoi Timugon

⁹ Paat ragili niayuk napali' boo ulun i. Kayango' no apin nali am magigugar io boo. Ginio nasauk ra orou Sabat.

JUANIS 5:9 Iomraidhean Croise

JISAYA 35:6

Ulun kalo makaugar tumindak koson ra tambang, am bungangang magilakup makaansuk. Taur ru timug tumampusis giu' ra tana' kaagisan, am sungoi tumilis ra tana' kataunan.

JIRIMIA 17:21

Indagu koson ragitio, ‘Amon ru marara' kou matoi, pai' pangkayang ra maagat paat ra orou Sabat, kapoam magibit raginio mumpos mansail ra kulobon-kulobon garabang ru Jirusalim.

MARKUS 1:31

Ongoi Io ra intok ru ruandu' no, guuto' No kalindu' nano am sukalo' No. Kairu' boo salom nali am kalo nabuoi minongoi io pansulung risilo.

MARKUS 1:42

Paat ragili niayuk maruol nano nairu' am ulun no nababas noyo.

MARKUS 10:52

Indagu i Jisus, “Ugar no, sabap ra mangintopot kou Raki' mababas kou noyo.” Paat ragili niayuk makakito boo ulun no. Baya' io boo ri Jisus nangkiralan.

MARKUS 5:29

Kombongo' no am sangkinolor ragili niayuk taru' boo raraa' nano, am malimanan no ra napali' io noyo intor ra maruol nali.

JUANIS 5:14

Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”

JUANIS 7:23

Amon ru sunatin min lalaing ungkuyon paat ra orou Sabat am gitio kalo manggal ra Ukum ri Musa, kolondo' sasaban sumangit Raki' sabap ra kinapali' Ku ngaangai' ra sangulun paat ra orou Sabat?