JUANIS 5:5 - Tanou Moonsoi Timugon

⁵ Giu' i mokoondo' sangulun ungkuyon ondo' talu ngoopor am balu' ngambilor noyo marualan.

JUANIS 5:5 Iomraidhean Croise

MARKUS 9:21

Pangkuot i Jisus ra ama' ru lalaing no, “Kula' noyo buoi io koson raginio?” Taam ama' ru lalaing i, “Intor ayuk poyo ra io boborok!

LUKAS 13:16

Ilai' ruandu' papag ri Abragam ti, binangkil io ru Tingganai ru riwato buoi mopor am balu' ngambilor. Kalo kia bugalon babangkil nano paat ra orou Sabat?”

LUKAS 8:43

Mokoondo' intor risilo i sangulun ruandu' ondo' mopor am ruo ngambilor noyo buoi no makamaruol ra liniuran. Kinai' no ngaangai' longgom nano koson makibabas ra duktur, kaa' maruol nano kalo naalap kababas.

JUANIS 5:14

Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”

JUANIS 5:4

Sabap ra sanganuan, tumuun malaikat ru Tuhan ra kulam no mampalinggan ra timug. Makalinggan timug no, ulun marualan ondo' makapagulu tumolop ra kulam mapali' intor ra atan ayuk pana maruol nali.]

JUANIS 5:6

Kakito ri Jisus ra parilangan io ra giu' i, am napandayan No ra ulun no nabuoi noyo narualan; kuati' ri Jisus ulun i, “Masaga' kou kia mapali'?”

JUANIS 9:1

Paat ri Jisus nangkiralan, nakito No sangulun ondo' noolou intor io inanak.

JUANIS 9:21

Kaa' kalo nakapandai akai ati kulaan io makakito raino, kapoam osoi namabas ra mato nano. Moonsoi kuatin min ayuk io, nasukor io no; io galama' makapambala' ramuyun.”

RINALATAN 14:8

Giu' ra Listra mokoondo' sangulun ungkuyon ondo' kalo makalulu' intor ra io inanak am kalo igondo' makapantana'.

RINALATAN 3:2

Giu' ra tuma' ru Baloi Tuhan, mamaar ra subalan ondo' sabiton ra ‘Kulobon Garabang Moonsoi’, mokoondo' sangulun ungkuyon ondo' kalo makalulu' intor ra io inanak. Moonong orou io ibiton ra giu' no koson makitaak ra ulun ondo' sumubol ra Baloi Tuhan.

RINALATAN 4:22

Ulun ondo' nababas ra kaimuagan i nasailan noyo apat ngoopor ngambilor.

RINALATAN 9:33

Giu' i nakatuum io ra sangulun ungkuyon makainggalan ri Inias, ondo' kalo makalulu' am lumuya' ayuk ra kaalangan nali buoi balu' ngambilor noyo.