JUANIS 4:9 - Tanou Moonsoi Timugon

⁹ Kaa' taamo' Io ru ruandu' no, “Okou ulun ru Jaudi am aku ulun ru Samaria; kua pakitaak Kou raki' ra inumon?” (Ulun ru Jaudi kalo lumatok ra ulun ru Samaria.)

JUANIS 4:9 Iomraidhean Croise

MATIUS 10:5

Susubo' ri Jisus mopor am ruo ngaulun rasul no am pambilin Io risilo koson ragitio: “Pai' kano ongoi ra libung ru ulun sala' ka Jaudi kapoam pekan ru ulun ru Samaria.

LUKAS 10:33

Kaa' mokoondo' sangulun intor ra libung ru Samaria nansail ra giu' i. Kakito no ulun i, makaasi' io kaga' riso.

JUANIS 4:27

Paat ragili maamaya' ri Jisus siminaguli'. Nangimuag ilo nakakito ri Jisus nakimansunur ra sangulun ruandu'. Kaa' kolondo' sangulun pana intor risilo nangkuot ra ruandu' i ra, “Atan kia kasaga' muno?” kapoam nangkuot ri Jisus ra, “Kua pakimansunur Kou riso?”

JUANIS 8:48

Taam ilo Riso, “Motopot ragu mai ra Okou ti noyo ulun ru Samaria ondo' sinubol ru riwato.”

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 10:28

Indagu i Pitrus risilo, “Akau galama' nakapandai ra maya' ra kaulayan ru ugama Jaudi, ulun ru Jaudi kalo makasubol ra baloi ru ulun sala' ka Jaudi kapoam kumubayau risilo. Kaa' i Aki Kapuuno' nampakito noyo raki' ra kalo noyo karaan ku ra ulun bokon malaat kapoam majamol.

RINALATAN 10:32

Panusub ra ulun mongoi ra Jopi koson mampiau ra sangulun ungkuyon ondo' makainggalan ri Simon Pitrus. Minayan io ra sangulun ondo' makainggalan ri Simon niayuk; ondo' kandoi nano mambaal ra kuliamos intor ra kungkung maayag am baloi nano ra kiing ru raat.’