JUANIS 4:6 - Tanou Moonsoi Timugon

^6-8 Giu' i makatulubong ondo' binaal ri Jakub ra galing i. Paat ra tanga' ru orou, panturung i Jisus ra kiing ru tulubong i sabap ra naagui Io ra pangkiralanan. Maamaya' Nano minongoi pambali ra akanon giu' ra pekan. Ratong boo sangulun ruandu' Samaria mongoi sagou am indagu i Jisus riso, “Anii' Aku ra inumon.”

JUANIS 4:6 Iomraidhean Croise

MATIUS 27:45

Paat ra tanga' ru orou, buoi talu nganjam pagun no liminondom.

MATIUS 4:2

Kopongo i Jisus nampali buoi apat ngoopor ngoorou am apat ngoopor ngorondom, naitilan Io.

MATIUS 8:24

Namulali' bagiu' mapuor kaga' no ra tasik saboi nototop parau i ra timug. Paat ragili nombolong i Jisus.

LUKAS 2:7

Naganak io ra sangulun lalagang ungkuyon. Gitio anak nano ra katuaan. Kusibi' no lalagang no ra konoon am palangano' ralalom rondo' papaakanan ra bibiag sabap ra kolondo' intok pambalangan natuum nilo ra giu'.

LUKAS 9:58

Taam i Jisus, “Munin mokoondo' ra luang no galama' am susuit ra bunsut no galama', kaa' Anak ru Ulun kolondo' intok luyaan am tangusan.”

JUANIS 11:9

Indagu i Jisus, “Orou ti matawang mopor am ruo nganjam. Amon ru sasangulun no mugar ra matawang, kalo makasaru io, sabap ra makito no ralan.

JUANIS 4:12

Kinamatuaan maili, i Jakub, nangani' ramon ra tulubong ti am io, anak am niayuk bibiag nano nanginum ra timug ragitio. Maatang Kou po kia intor ri Jakub?”

JUANIS 4:5

Pakasuku' Io ra pekan Sikar, giu' ra libung ru Samaria, mamaar ra sampila' tana' ondo' pinataakan ri Jakub ra anak nali i Jusup ra galing i.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.