JUANIS 16:2 - Tanou Moonsoi Timugon

² Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

JUANIS 16:2 Iomraidhean Croise

JISAYA 65:5

Kopongo raginio mindagu ilo, ‘Inggalur no ramon. Pai' kambong ramon sabap ra akai ti mapasau kaga' ramuyun!’ Masisang Aku ra ulun makapaliso koson raginio. Sangit Kuno risilo koson ra apui ondo' kalo igondo' kalasa'.

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

DANIL 11:33

Tingganai ru mamagun ondo' mapintar mangindangan ra masuang ulun mokoowot ra pangaratian, kaa' koson kukula' buoi raino ti kukula' ngaulun risilo matoi giu' ra intok pampatayan kapoam solobon saboi matoi. Mokoondo' poyo takawin am saukon ra ulun rinakop.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MATIUS 24:9

“Akau pana rokopon boo am imboloon am potoyon. Ngaangai' ru ulun masisang ramuyun sabap ra akau maya' Raki'.

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

JUANIS 12:42

Kabalu' pana raginio, masuang niayuk tingganai ru ulun ru Jaudi nangintopot ri Jisus. Kaa' kalo makakau' ilo mangiou raginio, sabap ra malaa' ilo mapandayan ru ulun ru Parisi am inggalarin ilo mumpos ra baloi sambayangan.

JUANIS 16:25

“Ngaangai' ti rinagu Ku ramuyun ra abig. Kaa' masaboi paat no ra kalo boo raguon Ku ramuyun ra abig, kaa' mambala' Aku toojo ramuyun ra ati kulaan i Ama' Kuno.

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

JUANIS 4:21

Indagu i Jisus ra ruandu' no, “Pangintopot no Raki', ra sangarawan kalo boo sambaan i Ama' ra bulur ti kapoam giu' ra Jirusalim.

JUANIS 4:23

Raino ti nasuku' noyo paat no, mansail ra indangan ru Ambiluo ri Aki Kapuuno' ulun sumamba ri Ama', ioginio i Aki Kapuuno' ondo' motopot, sabap raginio noyo kasagaan ri Ama'.

JUANIS 9:22

Matuo nano minindagu koson raginio sabap ra nalaa' ilo ra tingganai ru ulun ru Jaudi no, sabap ra nakapaguguum ilo noyo ra osoi ayuk mangiou ra i Jisus noyo Mamamayag ondo' sinusub ri Aki Kapuuno', inggalarin ulun no mumpos ra baloi sambayangan.

JUANIS 9:34

Konilo riso, “Okou ti makatula noyo intor ra okou inanak ayuk poyo; am mangila' kou boo kia ramon?” Ininggalaran nilo boo io mumpos ra baloi sambayangan i.

RINALATAN 5:33

Pakaining ulun-ulun ru Majlis Ugama ra ragu ni, siminangit ilo toojo saboi masaga' ilo ra rasul-rasul no ukumin ra potoyon.

RINALATAN 7:56

Indagu io, “Ilai', nakito ku suruga' no naukab am Anak ru Ulun minigor ra tampilon pamiris ri Aki Kapuuno'!”

1 KORINTUS 4:13

paat ra akai uwin, ruliin mai ra ragu moonsoi. Saboi raino akai koson ra ginsamol ru tana' ti; akai noyo nasauk koson ra jamol ra pagilangan ru ulun.

PILIPI 3:6

Gitio noyo nangkinibit ra aku nangimbolo' ra ulun-ulun Kristian no. Am intor ra katapatan poyo, ioginio ati kulaan aku giminagaya' ra susuban ru Ukum ri Musa, kalo igondo' aku pakasala.

PINAINTALANG 6:9

Lungkabo' boo ru Anak Domba no segel kalimo am kakito ku mamaar ra altar no mokoondo' ambiluo ru ulun pinatoi. Ilo ti pinatoi sabap ra nampatanou ra bala' ri Aki Kapuuno' am sabap ra kaintutunan nilono.

TINGGANAI RU BANSA' 6:30

Indagu ilo boo ri Joas, “Ibito' noyo anak muno ragiti maa' raginio mapatoi mai io! Linunsai no altar ru Baal am namuut ra lugu' tatandu' ru Dewi Asyira ondo' giu' ra sapapa' ru altar no.”