JUANIS 13:8 - Tanou Moonsoi Timugon

⁸ Indagu i Pitrus Riso, “Kalo Tuhan, kalo noyo pabaguin ku kalayam kutu Rirun!” Kaa' kon ri Jisus, “Amon ru kalo baguin tokou, kalo boo karaan kou ra maamaya' Kuno.”

JUANIS 13:8 Iomraidhean Croise

KASAUKAN 42:38

Kaa' indagu i Jakub, “Kalo paayaan ku rirun anak kuno. Pagaka' nano minatoi noyo am raino io ayuk soroi. Maaru' makakalaatan masauk riso ra pangkiralanan. Aku ti matutuo noyo am kangilukan porotongon min raki' mangkinibit ra patayan kuno.”

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

1 RAJA'-RAJA' 12:16

Paat ra mamagun no nakaliman ra kalo masaga' raja' no mangiou ra kitaakon nilo, golok ilo, “Pai' lioo' Raja' Daut am sasambaloi nano? Kalo igondo' ilo pambaal ra atan-atan ritakau! Ngaangai' ulun ru Israil, ibok kano uli' takau! Polosoon noyo Raja' Rigabiam migalung galama' ra inan nano!” Ginio ra gumuor ulun ru Israil,

MAZMUR 51:2

paat ra io sinawai ru Nabi Natan sabap ra nansawa' io ri Batsyiba.

MAZMUR 51:7

Malaat aku no intor poyo ra aku inanak; makatula aku no intor poyo ra aku tininai'.

JISAYA 4:4

Ralalom ru kuasa' Nano Tuhan mangakim am mamasau ra bansa' raginio. Pusoon No kasalaan ru Jirusalim am kapasawon no intor ra raraa' ondo' pinasasar ra giu' no.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

MATIUS 16:22

Ibito' ri Pitrus i Jisus ra sangkiingan am sawayo' no. Kono, “I Aki Kapuuno' mapainggalur ra baal raginio, Tuhan! Kalo masauk baal raginio Rirun Tuhan!”

MATIUS 21:29

‘Marara' aku,’ taam ru anak ni. Kaa' kabuoi raginio pampaguang io saguli' am ongoi pangandoi ra umo i.

MATIUS 26:33

Kon ri Pitrus ri Jisus, “Iou pana ngaangai' ra bokon no manatang Rirun, kaa' aku kalo.”

MATIUS 26:35

Taam i Pitrus, “Ati kulaan mindagu aku ra kalo nakaulig Rirun? Matoi aku pana marumar ayuk Rirun.” Ngaangai' maamaya' ra bokon pana minindagu koson ragino.

JUANIS 13:6

Pakasuku' i Jisus ri Simon Pitrus, kon ri Simon, “Tuhan, topot-topot Kou mambagu' ra kalayam kutu?”

JUANIS 13:9

Kon ri Simon Pitrus, “Tuhan, amon ru koson poyo raginio, sala' ka kalayam kutu ayuk baguin Muno, kaa' kalindu' am ulu kutu pana.”

JUANIS 3:5

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon ulun no intor ra timug am Ambiluo ri Aki Kapuuno'.

RINALATAN 22:16

Raino, pai' no boo paginaa. Kaa' sukal am pakiriu' kou no. Pakiasi' no ra Tuhan maa' raginio palabuson kou intor ra ngaangai' tula muno.’ ”

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

IPISUS 5:26

Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

KOLOSI 2:23

Motopot ra pangilaan ti ilain ayuk ra moonsoi, koson mampajajal ra ulun sumamba ra malaikat, migiangku minggana' guang am migimbolo'. Kaa' sotopot no ngaangai' ru gitio kolondo' onong mongorot ra kasagaan malaat ru guang galama'.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.