JUANIS 13:5 - Tanou Moonsoi Timugon

⁵ Suangi' ri Jisus rondo' bisin ra timug am tumalimpuun mambagu' ra kalayam ru maamaya' Nano. Kabagui' raiti, piiri' No boo ra tiwala' pinabangkos No ra awak Nali.

JUANIS 13:5 Iomraidhean Croise

KASAUKAN 18:4

Moonsoi mangalap aku ra timug pambaguan ra kalayam mino. Pantingangus kau ra saau ru puun ti.

KASAUKAN 19:2

am indagu, “Tuan, apit kau poyo ra baloi kuno. Makapambagu' kau ra kalayam am makakaalangan kau. Susuab no, rumondom kau sukal am rayusin min boo pangkiralanan min.” Kaa' taam ilo, “Kalo pana, mombolong akai ayuk ragiti padang ru bandar ti.”

KASAUKAN 43:24

Ibito' ru ulipon no ilo mumpos ra baloi. Pangani' io risilo ra timug pambaguan ra kalayam nilono am pamakan io ra kaladai nilono.

2 RAJA'-RAJA' 3:11

Pangkuot Raja' Josapat, “Mokoondo' kia ra sangulun nabi ragiti, maa' raginio makitulu' takau intor ra Tuhan?” Taam sangulun pagawai ru saujor ru Raja' Joram no, “I Ilisa anak ri Sapat soroi ragiti. Ragili io mangindangan ri Ilia.”

MAZMUR 51:2

paat ra io sinawai ru Nabi Natan sabap ra nansawa' io ri Batsyiba.

KAINGKUALAN 29:4

“Ibito' i Arun am anak-anak nano ra kulobon ru Kim Kuno am paugaro' upacara pambaguan ra inan risilo.

JISAYA 1:16

Kapasawo' min inan mino. Langgai' min ngaangai' kalaatan ondo' binaal min ra saang Kuno. Pai' kano boo pambaal ra malaat,

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

IMAMAT 14:8

Ulun ondo' nakatanou noyo ra mapasau no musiti' mampupu' ra bayang nano, kaurin no ngaangai' abuk nano, am mariu'; am mapasau io boo. Makaumpos io ralalom ru pangkiman, kaa' musiti' io mayan ra liwar ru kim nano buoi katuluan.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

LUKAS 7:38

Bigor io ra bakulung ri Jisus, mamaar ra kalayam Nano, am pantangi' io saboi naasa' kalayam ri Jisus ra lomou nali. Bagu piiri' no kapuaa' kalayam ri Jisus ra abuk nali, alaki' no kalayam Nano am buuri' no ra umau maamis owou i.

LUKAS 7:44

Tantangi' ri Jisus ruandu' no am indagu ri Simon, “Ilai' ruandu' ti! Ratong Aku ra baloi mutu am kalo nangani' kou Raki' ra timug pambaguan ra kalayam Kutu. Kaa' binaguan ru ruandu' ti kalayam Kutu ra lomou nano am piniiran no ra abuk nano.

JUANIS 13:10

Indagu i Jisus riso, “Osoi ayuk nakapariu', mapasau noyo ngaangai' inan nano; am kalayam nano ayuk boo baguin. Mapasau kano, kaa' sala' ka akau ngai'.” (

JUANIS 13:6

Pakasuku' i Jisus ri Simon Pitrus, kon ri Simon, “Tuhan, topot-topot Kou mambagu' ra kalayam kutu?”

JUANIS 13:8

Indagu i Pitrus Riso, “Kalo Tuhan, kalo noyo pabaguin ku kalayam kutu Rirun!” Kaa' kon ri Jisus, “Amon ru kalo baguin tokou, kalo boo karaan kou ra maamaya' Kuno.”

JUANIS 19:34

Kaa' turaa' ru sangulun saujor tiagang Nano; am paat ragili niayuk antis boo raraa' am timug. (

RINALATAN 22:16

Raino, pai' no boo paginaa. Kaa' sukal am pakiriu' kou no. Pakiasi' no ra Tuhan maa' raginio palabuson kou intor ra ngaangai' tula muno.’ ”

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

IPISUS 5:26

Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.

1 JUANIS 5:6

I Jisus Kristus noyo ondo' minatong ra tana' ti nabaya' ra timug pinampariu' Riso am raraa' ru pinatayan Nali. Minatong Io sala' ka nabaya' ra timug, kaa' nabaya' ra timug am raraa'. Ambiluo ri Aki Kapuuno' galama' mapaintutun ragitio motopot, sabap ra Ambiluo raginio niayuk motopot.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.

TINGGANAI RU BANSA' 19:21

Io pana nagibit boo risilo ra baloi nano am nampakan ra kaladai nilo. Kopongo tambului nano nambagu' ra kalayam, pangakan am panginum ilo.

1 SAMUIL 25:41

Ingkakat i Abigail am igulatur am indagu, “Aku ti ulipon ri Daut. Nakatampos aku no mambagu' ra kalayam ru ulipon-ulipon nano.”