JUANIS 13:3 - Tanou Moonsoi Timugon

³ Nakapandai i Jisus ra ngaangai' kuasa' pinataak noyo ri Ama' Riso. Nakapandai Io niayuk ra minatong Io intor ri Aki Kapuuno' am sumaguli' poyo Riso.

JUANIS 13:3 Iomraidhean Croise

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 13:1

Songorou poyo am tumalimpuun Pangiantakan ra Paska. Nakapandai i Jisus ra masaboi noyo paat Nano mangiruan ra tana' ti sumaguli' ra Ama' Nano. Masalok Io monogom ra maamaya' Nano, am tinagaman No ilo saboi ra pupus.

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

JUANIS 3:13

Kolondo' sangulun pana nakaaloi ra suruga', suai Anak ru Ulun ayuk, ondo' timinuun intor ra suruga'.

JUANIS 3:35

Ama' no motogom ra Anak Nano, am nangani' ra ngaangai' kuasa' Nano Riso.

JUANIS 7:29

Aku makaulig Riso, sabap ra Io noyo ondo' nanusub Raki' am Aku ti minatong intor Riso.”

JUANIS 7:33

Kaa' indagu i Jisus, “Kalo boo mabuoi Aku soroi ramuyun am sumaguli' Aku Riso ondo' nanusub Raki'.

JUANIS 8:14

Taam i Jisus risilo, “Kabalu' pana mampaintutun Aku ra baal Kuno galama', ginio motopot, sabap ra nakapandai Aku ra intor Kuno am angayan Kuno, kaa' akau kalo makapandai ra intor kapoam angayan Kuno.

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

RINALATAN 2:36

“Ginio ra ngaangai' ulun ru Israil musiti' makapandai ra i Jisus ondo' sinalip mini, Io noyo ondo' sinauk ri Aki Kapuuno' ra Tuhan am Mamamayag!”

1 KORINTUS 15:27

Sabap ra mokoondo' tinulisan ra Buuk Kitab, “Ngaangai' ulun pinatinduku' noyo ri Aki Kapuuno' Riso.” Kaa' i Aki Kapuuno' galama' kalo tuminduku' ri Kristus, sabap ra Io no ondo' mapatinduku' ra ngaangai' ulun Riso.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.