JUANIS 13:1 - Tanou Moonsoi Timugon

¹ Songorou poyo am tumalimpuun Pangiantakan ra Paska. Nakapandai i Jisus ra masaboi noyo paat Nano mangiruan ra tana' ti sumaguli' ra Ama' Nano. Masalok Io monogom ra maamaya' Nano, am tinagaman No ilo saboi ra pupus.

JUANIS 13:1 Iomraidhean Croise

AMSAL 8:31

Maansukan aku ra tana' Nano, am niayuk kinoonsoi ru ulun namagun no.

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

MATIUS 26:45

Saguli' poyo i Jisus ra maamaya'-maamaya' Nano am indagu, “Lakat kapo kia mombolong am tumangus? Ilai' min! Nasuku' noyo paat ra Anak ru Ulun ti pataakin ra kuasa' ra ulun makatula.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

LUKAS 22:53

Moonong orou soroi Aku giu' ra Baloi Tuhan mabaya' ramuyun am kalo rinakop min Aku. Kaa' gitio noyo kaluagan min, paat ra kuasa' ru molondom mamarinta.”

LUKAS 9:51

Paat ra mamaar noyo pangakatan ri Jisus mongoi ra suruga', aruo' No ra mongoi Io ra Jirusalim.

JUANIS 11:55

Paat ragili Pangiantakan ra Paska mamaar noyo, am masuang ulun intor ra moonong pamagunan minongoi ra Jirusalim. Maya' ilo ra kaulayan pambaguan ra kalo poyo masaboi pangiantakan no.

JUANIS 12:23

Indagu i Jisus risilo, “Nasuku' noyo orou ra Anak ru Ulun katulayon.

JUANIS 13:29

Sabap ri Judas ti mampaguut ra ruit nilai, ginio ra kukula' intor risilo nangkara' ra sinusub io ri Jisus mambali ra atan ondo' maatang ra pangiantakan, kapoam mantayar ra ruit no ra ulun musikin.

JUANIS 13:3

Nakapandai i Jisus ra ngaangai' kuasa' pinataak noyo ri Ama' Riso. Nakapandai Io niayuk ra minatong Io intor ri Aki Kapuuno' am sumaguli' poyo Riso.

JUANIS 13:34

Gitio noyo panusuban bagu ondo' raguon Kutu ramuyun; Kotogom kano ra rondo' am bokon. Koson ra Aku motogom ramuyun, akau niayuk musiti' motogom ra rondo' am bokon.

JUANIS 14:28

Nokorongog kano ra ragu Kuli, ‘Mugar Aku, kaa' sumaguli' Aku poyo ramuyun.’ Amon ru motogom kau Raki', akau pana maansukan ra Aku mongoi ri Ama', sabap ra maatang poyo i Ama' ka Aku.

JUANIS 14:31

Kaa' suguton Ku ngaangai' nanusuban ri Ama', maa' raginio ulun ru tana' ti makapandai ra motogom Aku ri Ama'. Ibok am iruani' takano intok ti.”

JUANIS 16:28

Aku ti intor ri Ama' am nakaratong noyo ra tana' ti, kaa' raino iruanin Ku tana' ti am sumaguli' Aku Riso.”

JUANIS 17:1

Kopongo i Jisus minindagu raginio, pantingaa' Io ra limbowon am indagu, “Ama', raino nasuku' noyo paat ra ondo' inaru' no. Katulayo' Anak Mutu, maa' raginio Anak mampatulai Rirun.

JUANIS 17:16

Koson ra Aku kalo mogondo' ra ulun ru tana' ti, ilo pana kalo mogondo' ra ulun ra tana' ti.

JUANIS 17:26

Pinaintutun Tokou no risilo, am rayuson Ku poyo ginio; maa' raginio rumondon risilo togom Muno Raki' am Aku pana masimpung risilo.”

JUANIS 17:5

Ama', raino ti katulayo' Aku noyo, mogondo' ra katulayan Tali paat ra tana' ti kalo poyo biningkal.

JUANIS 18:4

Nakapandai i Jisus ra ngaangai' ondo' masauk Riso no. Ginio ra inggaari' No ilo am pangkuot, “Osoi uyumon min?”

JUANIS 19:28

Napandayan ri Jisus ra raino ngaangai' nopongo noyo, am maa' raginio masugut ondo' tinulisan ra Buuk Kitab, indagu Io, “Pinaason Aku.”

JUANIS 2:13

Maar noyo masuku' Pangiantakan ra Paska, ginio ra i Jisus minongoi ra Jirusalim.

JUANIS 6:4

Paat ragili maar noyo Pangiantakan ra Paska.

JUANIS 7:30

Ginio ra nangkinam ilo pamparakop Riso, kaa' kolondo' sangulun pana makakau' mampaguut Riso, sabap ra kalo poyo nasuku' orou inaru' no.

JUANIS 7:6

Indagu boo i Jisus risilo, “Kalo poyo nasuku' orou inaru' Raki', kaa' akau sasanggilan ayuk.

JUANIS 8:20

Ngaangai' ti rinagu ri Jisus paat ra Io nangila' giu' ra Baloi Tuhan, maar ra kaban papataakan no. Kaa' kolondo' sangulun pana namparakop Riso, sabap ra kalo poyo nasuku' orou Nano.

ROMA 8:37

Kaa' ralalom ru ngaangai' baal raginio kamanangan moowot takano maayo, sabap ra motogom i Kristus ritakau.

1 KORINTUS 1:8

Io noyo galama' mampaikang ramuyun saboi ra orou pupus, maa' raginio akau kalo mauwan ra makasala ra orou ratangan Nano.

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

IBRANI 6:11

Maayo guang mai ra akau sigagama' mirot pangindangan saboi ra pupus, suku' moowot min lalansanin mini.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

1 JUANIS 4:19

Mokotogom takau sabap ra i Aki Kapuuno' nakapagulu motogom ritakau.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.