JUANIS 10:1 - Tanou Moonsoi Timugon

¹ “Balain takamin toojo: Ulun ondo' sumubol ra kandang ru domba kalo maya' ra kulobon, kaa' mangkiwa' ayuk ra timbok, io no sangulun mantatakou am mampapagaau.

JUANIS 10:1 Iomraidhean Croise

JIRIMIA 14:15

Nabi-nabi minindagu ralalom inggalan Kuno ra pagun ti kalo malumpa' ru pangayawan kapoam bitilan, sotopot no kalo nanusub Aku risilo mindagu raginio. Aku, Tuhan nambala' rirun, atan ondo' baalon Kuno ra nabi-nabi no. Potoyon Ku ilo ra pangayawan am bitilan.

JIRIMIA 23:21

Indagu Tuhan, “Kalo manusub Aku ra nabi-nabi no, kaa' minugar ilo niayuk. Kalo nangani' Aku ra tanou risilo, kaa' mindagu ilo ralalom ru inggalan Kuno.

JIRIMIA 23:32

Aku, Tuhan minindagu; rongogo' noyo! Anggalon Ku nabi-nabi ondo' nampasaboi ra inupi ondo' nakai' ra abau. Nantunung ilo ra inupi-inupi am nampalayau ra ulun Kuno ra abau am ragu lumimbau nilo. Kalo nanusub kapoam nangani' ra susuban ra nabi-nabi no. Ilo topot-topot kolondo' onong ra ulun Kuno. Aku, Tuhan, nakaindagu noyo.”

JOIL 2:9

Gapu' mamulunsar ra bandar, masimbul giu' ra rasawat ru timbok ru bandar, mangkiwa' ra baloi-baloi, am sumubol maya' ra gigimpalan koson ra ulun mantatakou.

MATIUS 7:15

“Ilalai' min ulun-ulun ondo' migiangku ra nabi. Rumatong ilo ramuyun tumilu ra domba, kaa' sotopot no ilo ti koson ra taani masangit.

JUANIS 10:7

Ginio ra indagu poyo i Jisus, “Balain takamin toojo: Aku noyo kulobon ru domba.

JUANIS 3:3

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon io saguli'.”

ROMA 10:15

Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

TITUS 1:11

Moonsoi sonsongon kabang nilai no, sabap ra mampakalayau ilo ra sasambaloi ra pangilaan nilai ra kalo motopot ti. Baal nilo ti makauyuyu' toojo sabap ra maguyum ilo ayuk ra panginduitan galama'.

IBRANI 5:4

Kolondo' sangulun galama' mampili' sumauk ra Tingganai Maayo Imam, kaa' piawon io ri Aki Kapuuno', koson i Arun piniau ra galing i.

1 PITRUS 1:10

Pamayagan ragitio noyo ondo' inintutunan am inimumuyan toojo ru nabi-nabi, am nambala' ilo poyo ra ati kulaan kataawan ri Aki Kapuuno' no ramuyun.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.