JUANIS 1:4 - Tanou Moonsoi Timugon

⁴ Ragu ti noyo puun ru ngaangai' kaayagan, am kaayagan ti mampakasinda ra ulun.

JUANIS 1:4 Iomraidhean Croise

MAZMUR 49:6

Kalo malaa' aku makauma' ra kapaganan, paat ra aku liniputan ru pantula',

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MATIUS 4:16

Ulun ondo' soroi ralalom kalandaman makakito ra sinda matawang. Ra ondo' mayan ra intok kapatayan silawon ilo ra binusasal.”

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

JUANIS 11:25

Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.

JUANIS 12:35

Indagu i Jisus, “Kalo boo mabuoi sinda no mayan ramuyun. Tungguli' noyo pangkiralanan min buoi ru sinda no soroi ramuyun, koson kalo maliputan kau ru kalandaman. Ulun ondo' mangkiralan ra kalandaman kalo mapandayan no ati kaangayan.

JUANIS 12:46

Aku minatong ra tana' ti koson ra sinda, maa' raginio moonong ulun ondo' mangintopot Raki' kalo boo mayan ra kalandaman.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 3:19

Gitio noyo ukuman ti: sinda no nakaratong noyo ra tana' ti, kaa' ulun masaga' poyo ra kalandaman intor ra sinda sabap ra ondo' baalon nilai malaat.

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

JUANIS 5:26

Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

JUANIS 9:5

Buoi Aku soroi poyo ra giti, Aku no mampakasinda ra ulun ru tana' ti.”

RINALATAN 26:23

Mamamayag ondo' sinusub ri Aki Kapuuno' musiti' imboloon am Io no ulun kasaa' ondo' maayag saguli' intor ra kapatayan; maa' raginio mampabala' Io ra pamayagan ra ulun ru Jaudi am niayuk ulun intor ra ngaangai' bansa'. Pamayagan ti koson ra silau risilo.”

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

KOLOSI 3:4

Ginio nai ra i Kristus noyo puun ru kaayagan bagu mino. Am paat ra Io paintalangon saguli', makapasimpung kau Riso ra katulayan Nano.

1 JUANIS 1:1

Manulis akai ramuyun intor ra Ragu ru Tuhan ondo' mangani' ra kaayagan. Ragu ru Tuhan mokoondo' noyo intor ra talimpuun i. Norongog am nakito mai noyo galama' am naguut ru kalindu' mai.

1 JUANIS 1:2

Paat ra kaayagan no pinabala', nakakito akai Riso. Ginio nai ra akai mantunung ra ondo' nakito mai intor Riso, koson ra kaayagan mantilayun ondo' soroi nabaya' ri Ama', am ondo' pinabala' ramon.

1 JUANIS 5:11

Gitio noyo kaintutunan i: nangani' noyo i Aki Kapuuno' ritakau ra kaayagan motopot am mantilayun am Anak Nano puun ru kaayagan ti.

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”