JUANIS 1:12 - Tanou Moonsoi Timugon

¹² Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

JUANIS 1:12 Iomraidhean Croise

2 SAMUIL 7:24

Sinauk Mu Israil ra ulun Muno ra sabuoi-buoi no. Okou, iou Tuhan, nasauk noyo ri Aki Kapuuno' nilo.

JISAYA 56:5

inggalan muno pana karaan ra ralalom ru Baloi Kuno am ginio ngai' ru bansa' Kuno. Ginio moonsoi poyo ka makaanak ra ungkuyon am ruandu'. Inggalanin Takamin ra mantilayun ondo' kalo lilianin.”

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

MATIUS 10:40

“Osoi ayuk ondo' mangapu ramuyun, Aku niayuk apuon no, am osoi ayuk ondo' mangapu Raki', Io ondo' nanusub Raki' ti noyo ondo' apuon nano.

MATIUS 12:21

am ngaangai' bansa' malansan Riso.”

MATIUS 18:5

Osoi ayuk mangapu ra lalaing ti sabap ra mangintopot io Raki', Aku niayuk apuon no.”

JUANIS 1:11

Minatong Io ra intok Nano galama', kaa' bansa' Nano galama' kalo nangapu Riso.

JUANIS 1:7

Io ti minatong mampabala' ra sinda no ra ulun, koson ngaangai' ulun mangintopot ra pambalaan nano.

JUANIS 11:52

Sala' ka kaatangan ra ulun ru Jaudi ayuk, kaa' koson manimung ra ngaangai' anak ri Aki Kapuuno' ondo' nantutuliar.

JUANIS 2:23

Paat ri Jisus soroi ra Jirusalim ra Pangiantakan ra Paska, masuang ulun nangintopot Riso, sabap ra nakakito ilo ra kaimuagan ondo' binaal Nano.

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 3:18

Osoi ayuk mangintopot ra Anak no kalo ukumin. Kaa' osoi ayuk kalo mangintopot Riso, inukum noyo sabap ra kalo nangintopot io ra Anak Langkuir ri Aki Kapuuno'.

RINALATAN 3:16

Ra kuasa' ri Jisus ulun kalo makalulu' ti pinaligag. Atan ondo' makito am matainuan min nasauk sabap ra nangintopot io ri Jisus am kuasa' Nano. Sabap ra ulun ti nangintopot ri Jisus, nababas io, koson ra nakito min galama'.

ROMA 8:14

Ngaangai' ulun ondo' tingganayon ru Ambiluo ri Aki Kapuuno', ilo no anak ri Aki Kapuuno'.

ROMA 8:16

Intor raginio Ambiluo ri Aki Kapuuno' mabaya' ra guang takau mindagu ra itakau noyo anak ri Aki Kapuuno'.

ROMA 8:19

Ra ngaangai' ondo' pinasauk ri Aki Kapuuno' maginaa ra guang moondom paat ri Aki Kapuuno' mampatalang osoi anak Nano.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

GALATIA 4:6

Sabap ra totopot anak kau ri Aki Kapuuno', ginio ra nanusub Io ra Ambiluo ru Anak Nano, sumoroi ra guang takau, koson mampiau, “Ama', Ama' kuno.”

KOLOSI 2:6

Inapu min noyo i Jisus Kristus koson ra Tuhan min. Ginio ra kaayag kano sumimpung mabaya' Riso.

2 PITRUS 1:4

Ginio noyo ralan ri Aki Kapuuno' mangani' ritakau ra barakat ondo' maayo am ondo' kaansayin takau, sumugut ra bantu' Nano. Ralalom ru barakat ti noyo makapagiru' takau intor ra kalaayan malaat ra tana' ti am mokopogondo' boo paliso takau ri Aki Kapuuno'.

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

1 JUANIS 3:23

Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.