JOSUA 9:9 - Tanou Moonsoi Timugon

⁹ Ilo pana nantunung ragitio, “Tuan, intor akai ti ra pagun ondo' maalur kaga'. Minatong akai sabap nokorongog ra Tuhan i Aki Kapuuno' muno. Nokorongog akai ra ngaangai' ondo' binaal Nano giu' ra Misir,

JOSUA 9:9 Iomraidhean Croise

1 RAJA'-RAJA' 8:41

“Paat ra sangulun bansa' ru bokon ondo' minayan giu' ra pagun maalur nokorongog ra kinaayo Muno, am niayuk intor ra kaimuagan-kaimuagan ondo' binaal Muno ra ulun Muno, am matong sumamba Rirun am makiasi' ra Baloi ti,

NIGIMIA 9:5

Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”

MAZMUR 148:13

Ilo ngaangai' no musiti' mongompor ra inggalan ru Tuhan! Matulai poyo Io ka bokon no; maayo poyo kuasa' Nano kaa' ngaangai' soroi ra tana' ti am suruga'.

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

MAZMUR 78:12

Ra saang ru kinamatuaan nilai, napatalang i Aki Kapuuno' ra baal kaimuagan giu' ra tana' marata' ru Joan ra pagun ru Misir.

MAZMUR 83:18

Polosoo' ilo kalaan am malaa' ra sabuoi-buoi no; polosoo' ilo matoi ra asabin!

KAINGKUALAN 15:14

Bansa'-bansa' ondo' mangining raginio monontol ra laa', ulun ru Palistin pinaliman ra monontol.

KAINGKUALAN 9:16

Kaa' polosoon Tokou maayag koson mapakito rirun ra kuasa' Kuno, maa' raginio inggalan Kuno mauligan toojo ra titikop ru tana' ti.

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

UNTABAN 14:15

Amon ru mamatoi kou ra ngaangai' ulun Muno raino, bansa' ra igondo' nokorongog ra inggalan maayo Muno mindagu

UNTABAN 20:14

Panusub boo i Musa ra ulun-ulun sinusub intor ra Kadis mongoi uma' ra raja' Idom. Indagu ulun-ulun sinusub no, “Akai ngaangai' intor ra bansa'-bansa' ru Israil ondo' lakat poyo makapabukatan rirun. Nakapandai kou ra kapaganan ondo' nakalumpa' ramon.

RINALATAN 8:7

Sabap ra masuang riwato ondo' siminubol ra ulun miningkual intor risilo liliwa' gogolok am masuang niayuk ulun kalo makalulu' am kimpo' nababas.

SAGULION 20:11

Amon mangukab ilo ra kulobon garabang am mitaak ra inan, masauk ilo ra ulipon min am mambaal ra kandoi pajajalon.

SAGULION 20:15

Koson raginio noyo pamakuan mino ra bandar-bandar ondo' maalur intor ra tana' ondo' ayanin min.

JOSUA 9:10

am atan ondo' binaal Nano ra ruo ngaulun raja' ru Amori tampilon ra sirangon ru Sungoi Jordan: Raja' Sigon namarinta ra Gisybon am Raja' Og namarinta ra Basan ondo' minayan giu' ra Asytarot.

JOSUA 9:16

Talu ngoorou nalupus binaal nabantuan no, nakapandai ulun ru Israil ra ngaangai' ru ulun no sotopot no minayan kalo maalur intor ra giu' no.

JOSUA 9:17

Ginio ra ugar ulun ru Israil am nalupus talu ngoorou nakasaboi ilo ra bandar ru ngaangai' ulun no: bandar Gibion, Kipira, Biirot am Kiryat-Jiarim.

JOSUA 9:24

Taam ulun Gibion, “Tuan, binaal mai koson raginio sabap nokorongog akai ra sotopot no Tuhan i Aki Kapuuno' muno namarinta ra ulipon nano i Musa koson manaak ra ngaangai' tana' ti rirun, am niayuk mamatoi ra mamagun nano paat okou mangayou. Binaal mai koson raginio sabap malaa' akai rirun; malaa' akai potoyon.