JOSUA 9:14 - Tanou Moonsoi Timugon

¹⁴ Inapu ru ulun ru Israil akanon ondo' pinataak nilo, kaa' kalo nakitaak ra panuluan intor ra Tuhan.

JOSUA 9:14 Iomraidhean Croise

2 SAMUIL 2:1

Kopongo raginio pangkuot i Daut ra Tuhan, “Masaga' kia Tuhan ra ongoyon ku kuasaa' rondo' ra bandar giu' ra Jiuda no?” Taam Tuhan, “Iou.” Pangkuot i Daut, “Ati kia ra bandar?” Taam Tuhan, “Gibron.”

2 SAMUIL 5:19

Pangkuot Raja' Daut ra Tuhan, “Musiti' ku kia bulunsaron ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Mangani' Aku rirun ra kamanangan.”

IJRA 8:21

Kopongo raginio, giu' ra igig ru Sungoi Agawa, nampatanou aku ra musiti' akai mampali am minggana' guang ra saang ri Aki Kapuuno'. Makiasi' akai maa' raginio maningganai Io ramon ralalom pangkiralanan am manindung ramon, anak-anak maino, am ngaangai' longgom maino.

KAINGKUALAN 28:30

Pabulio' Urim am Tumim ralalom ru utau no maa' raginio maibit ri Arun paat ra io matong ra saang Kuno ondo' matulai. Paat ra koson raginio musiti' io magail magutau raginio koson makapandai ra kasagaan Kuno ra ulun ru Israil.”

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JOSUA 9:13

Paat mai sinuangan kantungan-kantungan ru kungkung, ngaangai' lakat poyo baguon. Kaa' raino ilai' noyo! Ngaangai' no nangarilak noyo. Bayang am kasut mai pana mangalaat noyo sabap ra pangkiralanan ondo' maalur.”

TINGGANAI RU BANSA' 1:1

Kopongo i Josua minatoi, pangkuot ulun ru Israil ra Tuhan, “Iou Tuhan, ati kia ra bansa' ondo' musiti' kasaa' mongoi bulunsar ra ulun ru Kanaan?”

TINGGANAI RU BANSA' 20:18

Ongoi ulun ru Israil ra intok sambayangan giu' ra Bitil am pangkuot ri Aki Kapuuno', “Ati ra bansa' ondo' musiti' no kasaa' mamulunsar ra ulun ru Binjamin?” Taam Tuhan, “Bansa' ru Jiuda.”

1 SAMUIL 22:10

Nakitulu' i Agimilik intor ra Tuhan intor ra atan musiti' baalon ri Daut. Kopongo raginio linutuan ri Agimilik i Daut ra akanon am nangani' riso ra ilang ri Goliat, ulun ru Palistin no.”