JOSUA 9:1 - Tanou Moonsoi Timugon

¹ Tanou ra namanangan ru ulun ru Israil norongog ru ngaangai' raja' ru pagun tampilon ra kalasaan ru Sungoi Jordan: giu' ra kabuluran, giu' ra ragana' ru bulur, am giu' ra igig ru tampilon ra nagas ru Raat Tanga', saboi ra Libanon giu' tampilon ra ralayo. Ilo noyo raja' ru ulun ru Git, Amori, Kanaan, Piris, Giwi am Jibusi.

JOSUA 9:1 Iomraidhean Croise

2 SAMUIL 24:7

Intor ra giu' no minongoi ilo ra rabugus, minongoi ra Tirus, bandar ondo' mokoondo' ra kubu no. Tunggul no minongoi ilo ra ngaangai' bandar ru ulun ru Giwi am ulun ru Kanaan, am pupus no minongoi ra Birsyiba, giu' ra tampilon ra rabugus ru Jiuda.

KAINGKUALAN 23:23

Sumigulu malaikat Kuno ramuyun am niayuk magibit ramuyun mongoi ra pagun ru ulun ru Amori, Git, Piris, Kanaan, Giwi am Jibusi; pusoon Ku ilo.

KAINGKUALAN 23:31

Aruon Ku balitan ru pagun min intor ra Teluk Akaba mongoi ra Sungoi Iprat, am intor ra Raat Tanga' polos ra tana' kaagisan. Mangani' Aku ramuyun ra kuasa' ra mamagun ru pagun no, am pagiruon min ilo ra akau jumalai.

KAINGKUALAN 3:17

Napatas Ku noyo magibit risilo mingkual intor ra Misir, intok ilo inimbolo', am magibit risilo mongoi ra rondo' tana' ondo' langkaya' am malabung, iono pagun ru ulun ru Kanaan, Git, Amori, Piris, Giwi am Jibusi.

KAINGKUALAN 34:11

Gagayaa' noyo ukum ondo' taakin Kuno ramuyun ra orou raiti'. Pagiruon Ku ulun ru Amori, Kanaan, Git, Piris, Giwi am Jibusi paat ra akau mongoi ra giu'.

UNTABAN 13:29

Minayan ulun ru Amalik ra tampilon rabugus ru tana' no; ulun ru Git, ulun ru Jibusi am ulun ru Amori minayan tampilon ra kabuluran; ulun ru Kanaan minayan tampilon ra nagas ru Raat Tanga' am giu' ra gawar ru Sungoi Jordan.”

UNTABAN 34:6

“Balitan tampilon ra kalasaan iono Raat Tanga'.

SAGULION 1:7

Raino puwo' pangkiman mino, am ongoi ra intok kabuluran ru ulun ru Amori am giu' ra titikop libung ra liliut no: giu' ra Limayak Jordan, giu' ra intok kabuluran am tana' marata' magana', giu' ra libung tampilon rabugus, am giu' ra nagas ru Raat Tanga'. Ongoi noyo ra tana' ru Kanaan am giu' ra Kagunungan Libanon saboi ra Sungoi Iprat, sungoi ondo' maayo no.

SAGULION 3:25

Iou Tuhan, iowo' aku noyo lumaup ra Sungoi Jordan am magilong ra tana' ondo' malabung giu' ra sandaup, intok kabuluran ondo' moonsoi am Kagunungan Libanon.’

SAGULION 4:49

am niayuk nakasimpung titikop libung giu' ra tampilon sirangon ru Sungoi Jordan saboi ra Raat Matoi giu' ra tampilon rabugus, am giu' ra pipilon ru Gunung Pisga giu' ra tampilon sirangon.

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

JOSUA 1:15

saboi magaau nilo tana' tampilon ra kalasaan ru Sungoi Jordan, ondo' pataakon ru Tuhan i Aki Kapuuno' min risilo. Makapangani' Io ra kamiaan ra ngaangai' bansa' ru Israil, bagu no makasaguli' kau am lumayun ra tana' min galama', tana' tampilon ra sirangon ru Sungoi Jordan ondo' pataakon ri Musa, ulipon ru Tuhan no ramuyun.”

JOSUA 1:4

Balitan ru wilayah min tumalimpuun intor ra tana' kaagisan tampilon ra rabugus saboi ra Kagunungan Libanon tampilon ra ralayo; intor ra sungoi ondo' maayo, iono Sungoi Iprat tampilon ra sirangon am titikop pagun ru ulun ru Git, saboi ra Raat Tanga' tampilon ra kalasaan.

JOSUA 10:23

Luang batu no inukab am raja' ru bandar Jirusalim, Gibron, Jarmut, Lakgis am Iglon inibit miningkual,

JOSUA 11:17

Wilayah no malangka' intor ra Gunung Galak giu' ra rabugus, maar ra Idom, saboi giu' ra Baal-Gad giu' ra ralayo giu' ra limayak ru pagun Libanon, giu' ra tampilon rabugus ru Gunung Girmon. Nabuoi kaga' i Josua nangayou ra raja' ru wilayah raginio, kaa' rinakop am pinatoi no ilo ngaangai'.

JOSUA 13:5

tana' ru ulun ru Gibal; titikop intok ru Libanon giu' ra tampilon sirangon no, intor ra Baal-Gad giu' ra tampilon rabugus ru Gunung Girmon saboi ra Ginting Gamat;

JOSUA 15:12

ondo' nasauk ra balitan giu' ra tampilon kalasaan. Sasambaloi ru bansa' ru Jiuda minayan ra wilayah raginio.

JOSUA 22:4

Raino, koson ra binantu' Nano, Tuhan i Aki Kapuuno' min nanaak noyo ramuyun ra kamiaan ra gino ngai' min ulun ru Israil. Ginio ra, ruli' noyo ra pagun longgom muno, tana' tampilon ra sirangon ru Sungoi Jordan ondo' tinaakan ri Musa, ulipon ru Tuhan ramuyun.

JOSUA 23:4

Tinayar-tayar ku noyo tana' ru bansa'-bansa' ragitio ra bansa' min koson ra longgom min, iou pana tana' ondo' kalo poyo nagaau am ra tana' ondo' nagaau noyo, tumalimpuun intor ra Sungoi Jordan giu' ra tampilon sirangon saboi ra Raat Tanga' giu' ra tampilon kalasaan.

JOSUA 24:11

Liminaup kau ra Sungoi Jordan am nakasaboi giu' ra bandar Jiriko. Mamagun ru Jiriko nangayou ramuyun; koson niayuk ra ulun ru Amori, Piris, Kanaan, Git, Girgasi, Giwi am Jibusi. Kaa' nanaak Aku ramuyun ra kamanangan risilo ngai'.

JOSUA 3:10

Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min

JOSUA 3:17

Buoi ru ulun ru Israil mugar ra lonor ru sungoi ondo' mapua', imam-imam ondo' nansaan ra Kaban Nabantuan migor ra tatanga' ru lonor ru sungoi ondo' mapua' no, saboi ngaangai' ulun makasaboi ra sandaup.

JOSUA 5:1

Ngaangai' raja' ru ulun ru Amori tampilon ra kalasaan ru Sungoi Jordan am ngaangai' raja' ru ulun ru Kanaan ra sisil ru nagas Raat Tanga' nokorongog ra kinapua' ru Tuhan Sungoi Jordan saboi ulun ru Israil nakalaup. Raja'-raja' no nalaa' am malawo guang sabap ra ulun ru Israil.

JOSUA 6:27

Tuhan mabaya' ri Josua am masauk io ra mauligan kaga' ra titikop ru pagun no.

JOSUA 9:7

Kaa' indagu ulun ru Israil, “Kua pambaal akai ra nabantuan ramuyun? Maaru' lair ru minayan kau ra mamaar ti!”