JOSUA 8:8 - Tanou Moonsoi Timugon

⁸ Mopongo min magaau bandar no, solobo' bandar no nontopot ra susuban ru Tuhan. Ginio noyo susuban ramuyun.”

JOSUA 8:8 Iomraidhean Croise

2 SAMUIL 13:28

Nanusub i Absalom ra ulipon-ulipon nano, “Ilai' min toojo, amon ru nagauk noyo i Amnon sabap ra manginum ra wain, mangani' aku ra pulanu, am potoyo' io. Pai' kalaa'. Aku mansaan ra baal raginio. Baalo' noyo ra baani am pai' pagantangan!”

SAGULION 20:16

Kaa' paat ra akau mampagaau ra bandar-bandar giu' ra pagun ondo' pataakin ramuyun ru Tuhan i Aki Kapuuno' min, potoyo' noyo ngaangai' ulun ra giu' no.

JOSUA 1:16

Indagu ilo ri Josua, “Baalon mai ngaangai' ondo' rinagu muno, am mongoi ra ati ayuk panusuban muno ramon mongoi.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

JOSUA 6:24

Bagu solobo' nilo bandar no am ngaangai' ondo' soroi ra giu' no saboi mapuso, ondo' ayuk am kuliamos ondo' binaal intor ra mas, pirok, gangsa' am basi'. Nangalap ilo ngaangai' ra kuliamos raginio am inibit ra intok pambulian ra rapu' ru Tuhan.

JOSUA 8:13

Saujor no sinusub mangayou maya' ra tinampos ragitio: pulalai maatang soroi ra tampilon ralayo ru bandar am ondo' bokon no giu' ra tampilon kalasaan. I Josua galama' nombolong rondom raginio giu' ra limayak no.

JOSUA 8:2

Baalo' bandar Ai am raja' nano koson ra pinamakuan min ra bandar Jiriko am raja' nano, kaa' raino ti makaalap kau ra rapu' am tinambiag no tayar min galama'. Tampos noyo mongoi bulunsar ra bandar no ra mamulali' intor ra tinaulian.”

JOSUA 8:22

Ulun ru Israil ondo' giu' ra bandar no pana minatong am minaya' niayuk pamulunsar risilo. Ginio ra ulun ru Ai inawangan ru ulun ru Israil, am ngaangai' ulun Ai pinatoi. Kolondo' sangulun pana nakapagiru' am kolondo' osoi pana naayag

JOSUA 8:28

Nonolob i Josua ra bandar Ai am nompoloso raginio nasauk nangatuyas. Baal ru bandar no lakat poyo koson raginio saboi ra orou raiti'.

JOSUA 8:7

Paat raginio musiti' kau mingkual intor ra pansibunian am mampagaau ra bandar no. Manaak Tuhan i Aki Kapuuno' min ra bandar raginio ramuyun.

JOSUA 8:9

I Josua pana nanusub risilo mugar; ongoi ilo ra intok pansibunian am naginaa ra giu' no. Intok no giu' ra tampilon kalasaan ru Ai, nangkilolot ra Ai am Bitil. Nombolong i Josua rondom raginio giu' ra pangkiman.

TINGGANAI RU BANSA' 4:6

Sangarawan raginio, nanusub i Dibora ra ulun nampiau ri Barak anak ri Abinoam intor ra bandar Kidis giu' ra wilayah Naptali. Indagu i Dibora riso, “Tuhan i Aki Kapuuno' ru Israil nanaak noyo ra susuban ti rirun, ‘Timungo' mopor ngaribu ngaulun intor ra bansa' ru Naptali am bansa' ru Jibulon, am tingganayo' ilo mongoi ra Gunung Tabor.