JOSUA 8:2 - Tanou Moonsoi Timugon

² Baalo' bandar Ai am raja' nano koson ra pinamakuan min ra bandar Jiriko am raja' nano, kaa' raino ti makaalap kau ra rapu' am tinambiag no tayar min galama'. Tampos noyo mongoi bulunsar ra bandar no ra mamulali' intor ra tinaulian.”

JOSUA 8:2 Iomraidhean Croise

2 TUNUNG RU BANSA' ISRAIL 13:13

Liliwa' raginio, Raja' Jirobiam nangator ra santayaran intor ra saujor nano koson magawang ra saujor ru Jiuda intor ra talikuron, am ondo' bokon muma' risilo intor ra saang.

2 TUNUNG RU BANSA' ISRAIL 20:22

Paat ra ilo tumalimpuun marimbai, napatabual Tuhan ra kajajawan giu' ra tatanga' ru pantula' ondo' mamulunsar risilo.

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

AMSAL 13:22

Ulun moonsoi patungkuson no rapu' nano ra anak am akupu, kaa' rapu' ru ulun makatula patungkuson ra ulun ondo' mabanis guang.

AMSAL 28:20

Ulun mabanis guang barakaton io ru Tuhan, kaa' ulun ondo' mataki' lumangkaya', kalo makalabus io ra ukumin.

JIRIMIA 17:11

Koson ra susuit nangamut ra talu' ondo' sala' ka io tangan, koson raginio noyo ulun ondo' kalo mabanis guang mokoowot ra rapu'. Paat ra umur lakat poyo mamulok matatakan io ra ngaangai' rapu' nano. Paat ra pupus ru bayag nano mainono' ra io ulun ondo' sasambungon kaga'.

JIRIMIA 51:12

Pangani' ra pulanu koson mamulunsar ra timbok ru bandar Babil. Kapioto' pagalungan! Posoroyo' saujor-saujor giu' ra intok ru sigagama'! Awangi' pantula'!” Nambaal Tuhan ra atan ondo' rinagu Nano intor ra ulun ru Babilonia.

SAGULION 2:35

Inalap takau bibiag tinambiag am ginaau takau bandar nilo.

SAGULION 20:14

Iowon kau mangalap ra ruandu'-ruandu', lalaing-lalaing, bibiag tinambiag am ngaangai' ondo' soroi ra ralalom ru bandar no. Iowon kau mamakai ra ngaangai' rapu' ru pantula' min. Nanaak noyo Tuhan ra ngaangai' no ramuyun.

SAGULION 3:2

Kaa' indagu Tuhan raki', ‘Pai' kalaa' riso. Pataakon Ku io, saujor nano am titikop wilayah nano ramuyun. Pamakuan riso no koson ra pinamakuan muno ri Sigon, raja' ru ulun ru Amori, ondo' namarinta ra Gisybon.’

JOSUA 10:1

Raja' Adoni-Jidik, namarinta ra Jirusalim, nokorongog ra i Josua nampagaau noyo ra Ai am liningon lunsayo' bandar no, am ra io namatoi ra raja' ru Ai koson ondo' binaal nano ra bandar Jiriko am raja' nano. Nokorongog raja' no ra nambaal ulun ru Gibion ra nabantuan pabansayan am ulun ru Israil am raino minayan ulun ru Gibion nasimpung ra ulun ru Israil.

JOSUA 10:28

I Josua namulunsar ra bandar Makida am ginaau no paat orou raginio. Namatoi io ra raja' no am ngaangai' ulun giu' ra bandar no. Kolondo' sangulun pana ondo' natatang, ngaangai' no pinatoi. Pinamakuan ri Josua ra raja' ru bandar Makida koson ra pinamakuan no ra raja' ru bandar Jiriko.

JOSUA 11:14

Ulun Israil nangalap ra ngaangai' rapu' am bibiag tinambiag intor ra bandar-bandar, kaa' namatoi ilo ra ngaangai' mamagun no. Kolondo' sangulun pana pinoloso naayag.

JOSUA 6:21

Ra ilang, namatoi ilo ra moonong ulun ralalom ru bandar no, ungkuyon am ruandu', ondo' mamulok am ondo' matutuo. Namatoi ilo niayuk ra sapi', domba am kaladai.

JOSUA 8:12

Nagibit i Josua olo'-olo' 5,000 ngaulun am nanusub risilo nansibuni tampilon ra kalasaan ru bandar no, nangkilolot ra Ai am Bitil.

JOSUA 8:14

Paat ra raja' ru bandar Ai nakakito ra saujor-saujor ri Josua, imbuor io ra mataki'. Raja' am ngaangai' ulun nano minongoi ra tampilon Limayak Jordan koson mangayou ra saujor ru Israil giu' ra intok nangayawan ragili. Kalo nakapandai raja' ra bulunsaron io intor ra tinaulian.

JOSUA 8:19

Pakakakat ayuk ri Josua kalindu' nano, saujor-saujor ondo' nansibuni mataki' miningkakat, am pasimbul minongoi ra bandar no am pamulunsar. Ginaau nilo bandar no am rayuso' nonolob raginio.

JOSUA 8:24

Ngaangai' ulun ru Israil namatoi ra ngaangai' pantula' nilo giu' ra tana' mapua'. Ulun ru Israil pana siminaguli' ra bandar Ai am namatoi ra ngaangai' ulun ra giu' no.

JOSUA 8:3

Ginio ra timinampos i Josua am ngaangai' saujor nano koson mongoi ra bandar Ai. Nampili' i Josua ra 30,000 ngaulun intor ra saujor nano ondo' moonsoi kaga' am nanusub risilo mongoi ra rondom ti.

JOSUA 8:7

Paat raginio musiti' kau mingkual intor ra pansibunian am mampagaau ra bandar no. Manaak Tuhan i Aki Kapuuno' min ra bandar raginio ramuyun.

JOSUA 8:8

Mopongo min magaau bandar no, solobo' bandar no nontopot ra susuban ru Tuhan. Ginio noyo susuban ramuyun.”

JOSUA 8:9

I Josua pana nanusub risilo mugar; ongoi ilo ra intok pansibunian am naginaa ra giu' no. Intok no giu' ra tampilon kalasaan ru Ai, nangkilolot ra Ai am Bitil. Nombolong i Josua rondom raginio giu' ra pangkiman.

JOSUA 9:3

Kaa' mamagun ru Gibion, iono ulun ru Giwi, nokorongog ra atan ondo' binaal ri Josua ra bandar Jiriko am Ai.