JOSUA 8:10 - Tanou Moonsoi Timugon

¹⁰ Orou ra suabon no, i Josua kiminarat mataki' am nampiau ra saujor timinimung. I Josua pana am tingganai-tingganai ru ulun ru Israil naningganai ra pulalai ru saujor no mongoi ra bandar Ai.

JOSUA 8:10 Iomraidhean Croise

KASAUKAN 22:3

Paat ra suabon no, rinondom ri Abragam nampalapak ra luton koson ponolob ra taak simbalui am pobongkoso' no ra kaladai nano. Ugar io nabaya' ri Isak am karuo ngaulun ulipon nano ra intok ondo' rinagu ri Aki Kapuuno' riso i.

MAZMUR 119:60

Maringkaagou aku am kalo maginaa koson mapaugar ra panusuban Muno.

JOSUA 3:1

Tawang ra suabon no, kiminarat mataki' i Josua am ngaangai' ulun ru Israil. Nangiruan ilo ra pangkiman giu' ra Sitim, am ongoi ra Sungoi Jordan. Nangkim ilo ra giu' no liliwa' naginaa koson lumaup ra sungoi no.

JOSUA 6:12

Suabon no, riminondom i Josua kiminarat, am koson ra kainduo ru imam-imam am saujor-saujor lumiput ra bandar no maya' ra tinampos paat ra orou kalo poyo raginio: talimpuun no, magalung ra saang; am tulu' ngaulun imam ondo' manamput ra bujung; am imam-imam ondo' nansaan ra Kaban Nabantuan ru Tuhan; am pupus toojo magalung ra tinaulian. Narayus sinamput bujung no.

JOSUA 7:16

Suabon no, i Josua kiminarat mataki' am paumaa' no ulun ru Israil ra Tuhan, bansa' am bansa', am bansa' ru Jiuda tinulu'.

JOSUA 8:11

Saujor-saujor ondo' nabaya' ri Josua minongoi ra kulobon garabang ru bandar am nangkim tampilon ra ralayo; mokoondo' limayak nangkilolot risilo am bandar Ai.

JOSUA 8:9

I Josua pana nanusub risilo mugar; ongoi ilo ra intok pansibunian am naginaa ra giu' no. Intok no giu' ra tampilon kalasaan ru Ai, nangkilolot ra Ai am Bitil. Nombolong i Josua rondom raginio giu' ra pangkiman.