JOSUA 7:6 - Tanou Moonsoi Timugon

⁶ Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.

JOSUA 7:6 Iomraidhean Croise

KASAUKAN 37:29

Paat ri Rubin siminaguli' ra tulubong no, am ilai' no kalio i Jusup ra giu' no, rilako' no boo bayang nano sabap ra mangiluk guang.

KASAUKAN 37:34

Rilako' ri Jakub bayang nano sabap ra mangiluk guang am pambayang ra bayang mangulir. Nabuoi no binaal ginio sabap pinatayan ru anak nali.

2 SAMUIL 1:11

Pokorongog raginio, rinilak ri Daut bayang nano ra mangiluk guang. Ngaangai' ru ulun nano nambaal niayuk raginio.

2 SAMUIL 1:12

Nanulaboi ilo, nangulir ilo, am nampali ilo buoi songorou ra tayar ru Raja' Saul am i Jonatan, am tayar ru Israil ulun ru Tuhan, sabap ra masuang kaga' ulun minatoi ralalom pangayawan.

2 SAMUIL 1:2

Suabon no, minatong sangulun ungkuyon mamulok intor ra pangkiman ru Raja' Saul. Koson tatandu' ru mangulir, rinilak ru ungkuyon mamulok no bayang nano am tinaukan ulu nano ra tana'. Ratong io ri Daut am igulatur koson mangurumat riso.

2 SAMUIL 12:16

Pakiasi' Raja' Daut ri Aki Kapuuno' koson mababas anak raginio. Nampali Raja' Daut am moonong rondom lumuya' io ra sulig ru lamin nano sorondom.

2 SAMUIL 13:19

Patauko' ri Tamar kaau ra rasawat ru ulu nano, namparilak ra bayang nano, am ugar liliwa' nanili ra bulos nano ra karuruo kalindu' am niayuk pantangi' ra mangiluk.

2 SAMUIL 13:31

Tirong Raja' Daut, pamparilak-rilak ra bayang nano sabap ra mangiluk guang, am langan ra sulig. Ngaangai' ru pagawai nano minaya' pamparilak ra bayang.

2 RAJA'-RAJA' 22:11

Pokorongog raja' ra suang ru kitab no, rinilak no bayang nano sabap ra mangiluk.

2 TUNUNG RU BANSA' ISRAIL 34:19

Pakaining raja' ra suang ru kitab no, rilako' no bayang nano sabap ra mangiluk guang.

IJRA 10:1

Liliwa' nantangi' igulatur i Ijra koson makiasi' am mangiou ra saang ru Baloi ru Tuhan. Liliwa' raginio masuang ulun ru Israil – ungkuyon, ruandu' am lalaing – minatong timinimung limpu riso; ilo niayuk sasisikok nantangi'.

NIGIMIA 9:1

Paat ra orou karuo ngoopor am apat ra sila' raginio niayuk, ulun ru Israil timinimung. Nampali ilo koson mampakito ra pansagulian ilo ra tula nilo. Timinuliar ilo intor ra ngaangai' ulun bansa' ra bokon. Nambayang ilo ra konoon karung am ulu tinaukan ra kaau koson tatandu' mangiluk guang. Kopongo raginio bigor ilo am nangiou ra ngaangai' tula nilo am tula ru kinamatuaan nilo.

ESTER 4:1

Pokorongog i Mordikai ra ngaangai' ondo' nasauk noyo, rinilak no bayang nano koson ra tatandu' mangiluk. Nambayang io ra konoon karung, tinaukan ulu nano ra kaau, am minugar-ugar giu' ra bandar liliwa' nantangi' ra matangil am malumpus.

ESTER 4:3

Giu' ra moonong wilayah, ra ati ayuk ragu ru raja' no binasa', ulun ru Jaudi manulaboi am malumpus. Nampali ilo, nantangi' am nampalaa; am masuang ra gino ngai' ilo ondo' nambayang ra karung am liminangan ra rasawat ru kaau.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

AYUP 2:12

Paat ra ilo lakat poyo intor ra maalur, nakakito ilo ri Ayup, kaa' kalo nakaulig riso. Pakaliman ilo ra ulun no i Ayup, nantangi' ilo ra bolos matangil. Rinilak nilo bayang sabap ra mangiluk guang, am nampatauk ra kaau ra rasawat am ra ulu nilo.

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

SULABOI 2:10

Ulun matutuo giu' ra Jirusalim nanturung mongkoror ra tana', kaau pinatauk ra ulu am nambayang ra konoon karung. Ralaa-ralaa nampakuku' ra ulu saboi ra tana'.

UNTABAN 14:6

Ruo ngaulun intor ra ulun pansigo no, i Josua anak ri Nun am i Kalib anak ri Jipuni, naparilak ra bayang nilo ra tayar ru tatandu' mangiluk guang.

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 16:45

“Lugut intor ra ngaangai' ulun ti sabap ra masaga' Aku mamatoi risilo ra intok raginio niayuk!” Kubu ilo ruo,

RINALATAN 14:14

Paat ri Barnabas am i Paulus nokorongog ra kasagaan nilai, rilako' nilo bayang nilai am pasimbul ilo ra tatanga' ru ulun masuang am pompogolok,

JOSUA 7:7

Indagu i Josua, “Iou Tuhan Raja', kua kia pagibit Kou ramon lumaup ra Sungoi Jordan? Masaga' Kou kia mapataak ramon ra ulun ru Amori maa' raginio pusoon nilo? Kua pai' Mu polosoon akai mayan ayuk giu' ra sandaup ru sungoi no?

PINAINTALANG 18:19

Patauko' nilo boo kaau ra ulu nilai koson tatandu' ra ilo ti mangulir, pantangi' am pompogolok ilo, “Aibui, bandar ondo' nauligan toojo ru ulun. Akai tatangan ra kapal-kapal liminangkaya' intor ra kalangkayaan ru bandar ni. Kaa' ralalom sanjam ayuk matatakan mamagun ru bandar no ra ngaangai'.”

TINGGANAI RU BANSA' 11:35

Paat nakito ri Jipta anak nano, rinilak-rilak no bayang nano sabap mangiluk guang. Kono, “Alii ra anak kuno, natutuk guang kutu! Kua kia ra anak kutu ondo' maparuol ra guang kutu? Nagibot aku noyo ra Tuhan am kalo malugut ku bantu' kuno!”

TINGGANAI RU BANSA' 20:26

Igondo' poyo ulun ru Israil minongoi ra Bitil am nantangi' ra saang ru Tuhan. Nampali ilo ra giu' no saboi ra rondom. Napataak ilo ra taak simbalui koson makibarakat ra Tuhan am taak simbalui koson mapabansuk ra guang ru Tuhan.

TINGGANAI RU BANSA' 21:2

Raino minongoi ulun ru Israil ra Bitil am panturung ra saang ri Aki Kapuuno' saboi ra rondom. Nantangi' ilo am nampiau,

1 SAMUIL 4:12

Sangulun intor ra bansa' ru Binjamin nagiru' intor ra intok pangayawan no am ongoi ra Silo. Nakasaboi io ra Silo ra orou raginio niayuk. Rinilak-rilak no noyo bayang nano am pinatauk tana' ra ulu koson ra tatandu' mangiluk guang.