JOSUA 7:26 - Tanou Moonsoi Timugon

²⁶ Pumpuni' nilo boo ra batu saboi nasauk rondo' pumpun ondo' maayo. Pumpun ru batu no lakat poyo soroi saboi ra orou raiti'. Ginio sabap ra intok no lakat poyo ininggalanan ra Limayak Kapaganan. Kopongo raginio kalo boo siminangit Tuhan.

JOSUA 7:26 Iomraidhean Croise

2 SAMUIL 18:17

Kopongo raginio alapo' nilo baangkai ri Absalom am papatiro' ra ralalom ru tulubong ondo' malandom giu' ra kataunan. Pinumpunan nilo tulubong no ra batu saboi masawat. Ngaangai' ulun ru Israil nagiru', am uli' ra baloi ru sigagama'.

2 SAMUIL 21:14

Kopongo raginio bungul-bungul ru Raja' Saul am i Jonatan, am niayuk bungul-bungul ru tulu' ngaulun no linobong giu' ra kalabangan ri Kis, ama' ru Raja' Saul, giu' ra Jila ralalom ru wilayah Binjamin, koson ra ondo' nanusuban ru raja'. Kopongo raginio bagu no nangiou i Aki Kapuuno' ra pakiasian nilo tayar ru pagun no.

2 TUNUNG RU BANSA' ISRAIL 29:10

“Raino aruon ku koson mambaal ra nabantuan ra Tuhan, i Aki Kapuuno' ru Israil, maa' raginio Io kalo boo sumangit ritakau.

IJRA 10:14

Iowo' noyo tingganai-tingganai maino mayan giu' ra Jirusalim koson manalingapu ra baal ragitio. Kopongo raginio moonong ulun ondo' makaandu' ra bansa' ra bokon musiti' matong ra giu' no ra paat inaru' noyo, am mongoi mababaya' ra tingganai am akim ru bandar ru sigagama'. Koon ra ralan raginio i Aki Kapuuno' kalo boo sumangit ritakau sabap ra baal raginio.”

MAZMUR 85:4

Kalo boo sumangit Kou risilo, am inorot Mu sangit Muno ra bibilak no.

KAINGKUALAN 32:12

Amon ru pusoon Mu ilo, mindagu boo ulun ru Misir ra inibit Mu ilo miningkual intor ra Misir koson mamatoi risilo giu' ra kagunungan am mamuso lingon risilo. Pai' boo sangit, kulawo' ginuang Muno am pai' palumpaa' karaat ti ra ulun Muno.

JISAYA 40:2

“Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

JISAYA 65:10

Sumamba ilo Raki', am maningganai ra tambiag nilo mongoi ra Dataran Saron tampilon ra kalasaan, am giu' ra Limayak Akor tampilon ra sirangon.

SULABOI 3:53

Namatir ilo raki' ra naayag ayuk poyo ra ralalom ru luang ondo' malandom, am tinauban luang no ra batu.

GOSIA 2:15

Sabiton no boo Aku ra ralaki nano, am sala' ka boo Baal nano.

GOSIA 2:17

Paat raginio mambaal Aku ra nabantuan ra ngaangai' bibiag masigo am susuit, maa' raginio kalo rualin nilo ulun Kuno. Patirin Ku ngaangai' kinandoi ru pamulunsaran intor ra pagun no, ngaangai' ilang am busur, maa' raginio ulun Kuno maayag ra kaansayan.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

JOIL 2:18

Tuhan pana nanulu' ra Io mampalio ra tana' Nano; makaasi' Io ra ulun Nano.

JUNUS 1:15

Kopongo raginio, pinatiran nilo i Junus ra ralalom ru raat, am bagiu' mapuor i limininos ra namulali'.

JAKARIA 6:8

Kopongo raginio golok malaikat no raki', “Kuda ondo' minongoi ra Babilonia giu' ra ralayo nampalinos ra sangit ri Aki Kapuuno'.”

UNTABAN 25:8

am nangilou ra ungkuyon am ruandu' no giu' ralalom ru kim; tinobok no karuruo no ra tutura'. Koon raginio noyo maruol tumapik ondo' tatanga' mamuso ra ulun ru Israil no timinaru'.

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 13:18

Mambaal Io baal raginio amon gumagaya' kau ra susuban Nano ondo' tinaakan ku noyo ramuyun ra orou raiti', am mambaal kau ra atan ondo' kasagaan Nano.”

JOSUA 10:27

Paat ra tumolop mato ru orou, nanusub i Josua koson patuunon baangkai-baangkai no am ngaangai' patirin ra ralalom ru luang batu intok nansibunian ru raja'-raja' no ragili. Batu mangaayo pinabanta' ra kabang ru luang batu no; batu-batu no lakat poyo soroi ra giu' no saboi raino.

JOSUA 7:24

I Josua am ngaangai' ulun ru Israil namparakop ri Akgan am nangalap ra pirok, sukub am mas no, rinakop nilo niayuk anak-anak nano ra ungkuyon am ruandu' am nangalap ra sapi', kaladai, domba, kim am ngaangai' rapu' nano am ngaangai' no inibit mongoi ra Limayak Kapaganan.

JOSUA 8:29

I Josua nampatair ra raja' ru Ai ra sampuun tataun am baangkai no pinoloso ra giu' no saboi mamai'. Paat tumolop mato ru orou, nanusub i Josua ra ulun koson napatuun ra baangkai no am namatir raginio giu' ra saang ru kulobon garabang ru bandar. Pinumpunan nilo baangkai no ra batu saboi nasauk ra rondo' pumpun maayo; batu-batu no lakat poyo soroi ra giu' no saboi ra orou raiti'.