JOSUA 7:25 - Tanou Moonsoi Timugon

²⁵ Indagu boo i Josua, “Ilai' noyo kapaganan ondo' pinaratong muno ramon! Raino Tuhan pana mamparatong ra kapaganan rirun!” Ngaangai' ulun ru Israil pana nomobol ri Akgan saboi minatoi. Nomobol ilo niayuk am nonolob ra sasambaloi nano am ngaangai' rapu' nano.

JOSUA 7:25 Iomraidhean Croise

KASAUKAN 34:30

Indagu i Jakub ri Simion am i Liwi, “Napakapagon kau raki'. Raino ulun ru Kanaan, ulun ru Piris am ngaangai' mamagun ru pagun ragitio mangasisang raki'. Ulun takati kalo masuang, amon pantutuluk mamagun no koson gula' am bulunsar raki', itakau sasambaloi ti maluus.”

KASAUKAN 38:24

Olo'-olo' talu ngambulan raginio, mokoondo' sangulun nambala' ri Jiuda, “I Tamar, anak mangiwan muno narulug ra sangulun ungkuyon am raino maapang io.” Panusub i Jiuda, “Paingkualo' io am solobo' io saboi matoi.”

1 TUNUNG RU BANSA' ISRAIL 2:7

I Akgan anak ri Karmi, sangulun intor ra papag ri Jirag, namparatong ra karaat ra ulun ru Israil sabap ra nambuli io ra kuliamos ginaau ondo' patimpokon ri Aki Kapuuno'.

AMSAL 1:19

Ulun ondo' maguyum ra akanon ralalom kalaatan bayarin niayuk ra painawo nilo galama'.

AMSAL 15:27

Ulun maguyum ra mauli' kaa' ralalom ralan kalo matanda', mapakapagon risilo sambaloi. Ulun ra kalo maambi' maawar painawo.

IMAMAT 20:14

Amon ru sangulun ungkuyon maguot ra sangulun ruandu' am ina' ru ruandu' no niayuk, musiti' ilo tatalu no solobon saboi matoi, sabap ra binaal nilono makauyuyu'. Binaal koson raginio kalo iowon ra popolos mino.

IMAMAT 20:2

mambala' ra ulun ru Israil, “Osoi ayuk ra popolos mino, kapoam ulun bansa' ru bokon ra popolos mino, ondo' mapataak ra anak nano koson ra taak simbalui ra Dewa Molok, musiti' bobolon saboi matoi ru ngaangai' mamagun.

IMAMAT 21:9

Amon ru anak ruandu' ru sangulun imam masauk ra ruandu' mantalan ra inan, magasab io ra ama' nano; musiti' ruandu' no solobon saboi matoi.

IMAMAT 24:14

“Ibito' noyo ulun no giu' ra liwar ru pangkiman. Polosoon noyo moonong ulun ondo' nakaining riso nagulas ri Aki Kapuuno', mapabanta' ra kalindu' ra tampak ru ulu ru ulun no ra mangani' ra kaintutunan ra makasala io. Mopongo raginio musiti' ngaangai' ulun ru Israil momobol riso saboi matoi.

GALATIA 5:12

Malansan aku ra ulun ondo' mampajajou ramuyun no, polosoon ilo manunat ra inan nilo saboi intaliin ilo galama'.

SAGULION 13:10

Bobolo' noyo io saboi matoi! Kuminam io mapainggalur rirun intor ra Tuhan i Aki Kapuuno' min, ondo' namayag noyo ramuyun intor ra Misir, intok min inulipon ragili.

SAGULION 13:11

Kopongo raginio ngaangai' ulun ru Israil mokorongog ra baal ondo' masauk, am mangalaa' ilo. Sangulun pana kalo boo mambaal ra koson kinalaat raginio.

SAGULION 17:5

ibito' noyo ulun raginio giu' ra liwar ru bandar am bobolon ra batu saboi io matoi.

SAGULION 21:21

Kopongo raginio bala ru ungkuyon giu' ra bandar no musiti' momobol ra anak no saboi matoi. Koson raginio, namuso kau ra kalaatan no. Moonong ulun giu' ra Israil mokorongog ra sauk raginio am malaa'.”

2 TISALONIKA 1:6

Mabanis baalon ri Aki Kapuuno'. Mambalos Io ra ulun ondo' mangimbolo' ramuyun no.

IBRANI 12:15

Ilalai' noyo ra kolondo' sangulun pana tumalikur ra kataawan ri Aki Kapuuno', maa' raginio kolondo' sangulun pana mantipagon ra bokon mogondo' ra tutuu' makatuwo ondo' makaanit ra ulun.

JOSUA 6:18

Kalo pangalapon kau ra atan pana ondo' musiti' pusoon. Amon ru mangalap kau raginio, maparatong kau ra kapaganan am kapusaan ra pangkiman ru Israil.

JOSUA 7:15

Ulun ondo' mapandayan nambuli ra kuliamos ra inggalarin no solobon, pabayaan ra sasambaloi nano am ngaangai' rapu' nano sabap nanauyu' io ra Israil am minanggal ra nabantuan Kuno.”

1 SAMUIL 14:29

Taam i Jonatan, “Mapara' boo najanjayan binaal ru ama' kuno ra bansa' takati! Ilai' noyo, baal ku raino ti moonsoi poyo nalupus ra aku nangakan ra sanganu ruu' maningot.