JOSUA 7:21 - Tanou Moonsoi Timugon

²¹ Kakito ku rondo' sukub ondo' moonsoi binaal ru Babilonia, pirok ra bagat no maar ruo ngakilogram, am santaun mas ondo' bagat no satanga kilogram intor ra ngaangai' kuliamos ginaau no. Malaai aku kaga' ra kuliamos raginio saboi inalap ku. Kuliamos raginio natanom ra tana' giu' ralalom ru kim kuno; pirok no nakaralalom toojo.”

JOSUA 7:21 Iomraidhean Croise

KASAUKAN 10:10

Pamarintaan galing ri Nimrod nakaaya' Babil, Irik am Akad. Katatalu no ralalom ru pagun Babilonia.

KASAUKAN 3:6

Nakito ru ruandu' no ra puun raginio moonsoi kaga' am kawa' no pana maamis kaga' akanon. Mangkara' io ra mapara' bonsoi amon ru mapintar io. Ginio ra pangupu' io ra kawa' no am akano' no. Io pana nantayar niayuk ra ralaki nano am ralaki nano pana nangakan ra kawa' no.

KASAUKAN 34:27

Kopongo namatayan no, ratong poyo anak-anak ungkuyon ri Jakub ra bokon am ingkauto' ondo' soroi ra bandar koson nansuli' ilo ra nanauyuan ra boborok nilono.

KASAUKAN 6:2

ulun ru tana' ti magilong ra ralaa-ralaa ti mangantalur. Ginio boo ra anduon nilo ralaa-ralaa ra kasagaan nilo.

2 SAMUIL 11:2

Paat ra samai', kalupus Raja' Daut siminukal ra nombolong, minongoi io ugar-ugar ra taap ru istana ondo' marata'. Intor ra giu' no naimpal no sangulun ruandu' tatanga' mariu', am mantalur kaga' ruandu' no.

2 RAJA'-RAJA' 7:8

Pakasaboi apat ngaulun no giu' ra kiing ru pangkiman, umpos ilo ra rondo' ra kim no. Akano' am inumo' nilo atan ayuk ondo' soroi ra giu' no. Nangalap ilo ra pirok, mas am bayang ondo' nauliat nilo. Binuni nilo kuliamos-kuliamos raginio, am umpos poyo ra kim ra bokon no; binaal nilo baal ra nogondo'.

AYUP 31:1

Nabaya' ra ibot aku nabantu', kalo suminto ra ralaa mamulok.

MAZMUR 119:37

Pai' aku polosoo' mampaguang ra kandoi-kandoi ra kolondo' onong; anii' aku ra bayag sumugut ra kasagaan Muno.

KAINGKUALAN 20:17

“Pai' kalaai ra ondo' tagamin ru bokon: baloi nano, andu' nano, ulipon nano, bibiag tinambiag nano, kaladai nano kapoam atan pana soroi riso no.”

AMSAL 1:19

Ulun ondo' maguyum ra akanon ralalom kalaatan bayarin niayuk ra painawo nilo galama'.

AMSAL 23:31

Pai' polosoo' wain mangambi' ramuyun, kabalu' pana batik nano makabunduk, am makito makapiniat ralalom ru sangkir, am maamis ra inumon.

AMSAL 28:22

Ulun makalit mampaguang ra mataki' lumangkaya'. Kalo malimanan no ra kamusikinan mataki' makalumpa' riso.

AMSAL 4:23

Totomolo' noyo atan karaan mino, sabap ra pangkaraan mino mangatang ra kaayagan mino.

JISAYA 28:15

Ragu mino masawat, ra nangatang kau kunu' ra nabantuan ra kapatayan am pangiawan ra pagun ru ulun minatoi. Malansan kau ra karaat kalo makalumpa' ramuyun sabap ra lumansan kau ra abau am pamparuungan koson mangampin ra inan mino.

JISAYA 29:15

Aibui boo ra ulun mompogogot mapasibuni ra pangatangan nilono intor ra Tuhan! Kalinuos nilo ayuk mimbuor am indoson kolondo' makakito kapoam makapandai ra atan baalon nilono.

ABAKUK 2:9

Aibui boo ramuyun! Napalangkaya' kau ra sasambaloi min ra atan ondo' noowot min ra kalaatan. Nanambaloi kau ra mapiot koson manindung ra sasambaloi min intor ra karaat.

LUKAS 12:15

Indagu poyo i Jisus risilo ngaangai', “Karaa' min, am ilalain kalit mino. Sabap ra sotopot no, sala' ka kuliamos ondo' maatang ra kaayagan ru ulun, kabalu' pana langkaya' io kakaga'.”

LUKAS 12:2

Atan ondo' nolopot bungkalaron am moonong ondo' kalo igondo' pinabala' pasalulaan.

IPISUS 5:3

Akau ti noyo ulun ri Aki Kapuuno'. Ginio ra atan ayuk baal ru pansasawaan, baal makauyuyu' kapoam mangangkum, kalo masauk ra tatanga' min.

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JAKUBUS 1:15

Bagu, paat ra kasagaan malaat ru guang imayaan ru sasangulun, makatula io; am amon ru kalo lumonggo' io mambaal ra tula, ginio boo magibit riso ra kapatayan.

JOSUA 7:20

Taam i Akgan, “Sotopot no natulaan aku ra Tuhan i Aki Kapuuno' ru Israil. Gitio noyo binaal kuli.

JOSUA 7:22

I Josua pana nanusub ra kukula' ngaulun nasimbul mongoi ra kim no. Kapandayi' nilo ra kuliamos inulas no totopot natanom ra giu' no, am pirok nakaralalom toojo.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.