JOSUA 7:19 - Tanou Moonsoi Timugon

¹⁹ Indagu i Josua riso, “Okou anak kuno, raguo' noyo ra motopot ra saang ru Tuhan i Aki Kapuuno' ru Israil am pangiou noyo. Raino pambala' raki' ra atan binaal muno. Pai' bunio' baal raginio intor raki'.”

JOSUA 7:19 Iomraidhean Croise

2 RAJA'-RAJA' 20:15

“Atan kia ondo' ilain nilo ra istana?” “Magilong ilo ra ngaangai' no. Kolondo' rondo' pana giu' ra lamin pambulian ondo' kalo pinakito ku risilo,” taam ru Raja' Gijkia.

2 TUNUNG RU BANSA' ISRAIL 30:22

Nongompor Raja' Gijkia ra ulun ru Liwi ra katasikan nilo maningganai ra sambayang ra Tuhan. Kopongo tulu' ngoorou ilo nakasia' ra akanon ru pangiantakan am niayuk nampataak ra taak simbalui koson maringkuanang ra Tuhan, i Aki Kapuuno' nilo,

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

MAZMUR 51:3

Pakaasi' no raki', iou Aki Kapuuno', sabap ra togom Muno; pusoo' noyo tula kuno, sabap ra asi' Muno ramon maayo kaga'.

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

JISAYA 13:12

Ulun ra naayag intor ra karaat no kalo kukula', masuang poyo mas kopoyo ra untobon.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

DANIL 9:4

Pakiasi' aku ra Tuhan, i Aki Kapuuno' kuno, am nangiou ra tula ru bansa' kuno ra saang Nano. Indagu aku, “Iou Tuhan, i Aki Kapuuno', Okou maayo, am mangurumat akai Rirun. Manugut Kou ra nabantuan Muno, am magail Kou motogom ra ulun ondo' motogom Rirun am ondo' gumagaya' ra susuban Muno.

LUKAS 17:18

Kua ulun bansa' ru bokon ti ayuk siminaguli' mongompor ri Aki Kapuuno'?”

JUANIS 9:24

Piawo' nilo poyo ulun binabas ni am konilo riso, “Pagibot no ralalom inggalan ri Aki Kapuuno' ra mindagu kou ra motopot! Nakapandai akai noyo ra ondo' namabas rirun i ulun makatula.”

ROMA 10:10

Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon.

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

TITUS 2:2

Ragui' noyo ungkuyon matutuo maa' raginio mapintar, tumanda' am mongorot. Musiti' ilo ti mangintopot ra Kristus, motogom am poyo mataan guang.

JAKUBUS 1:20

Ulun ondo' mataki' malasu' guang, kalo noyo makapambaal ra atan ondo' mapabansuk ra guang ri Aki Kapuuno'.

JOSUA 7:20

Taam i Akgan, “Sotopot no natulaan aku ra Tuhan i Aki Kapuuno' ru Israil. Gitio noyo binaal kuli.

PINAINTALANG 16:9

Maumpo ulun ra kinalasu' no am magulas ilo ra inggalan ri Aki Kapuuno', ondo' manguasa' ra ngaangai' karaat. Kaa' ilo ti kalo tumalikur intor ra tula nilo am kalo masaga' mongompor ra kuasa' ri Aki Kapuuno'.

1 SAMUIL 14:43

Nangkuot Raja' Saul ri Jonatan, “Atan kia boo binaal muni?” Taam i Jonatan, “Inakan ku sanganu ruu' maningot ondo' inalap ku ra pompor ru jujuga' kuni. Nakatampos aku ra matoi.”

1 SAMUIL 6:5

Musiti' takau mambaal ra binaal-baal intor ra lanit-lanit am tikus ondo' tatanga' kumokot malarom ra pagun minti. Koon raginio noyo akau manaak ra pangurumatan ri Aki Kapuuno' ru Israil. Maaru' lair lumonggo' Io mangukum ramuyun, dewa am tana' mino.