JOSUA 7:1 - Tanou Moonsoi Timugon

¹ Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 7:1 Iomraidhean Croise

KASAUKAN 34:27

Kopongo namatayan no, ratong poyo anak-anak ungkuyon ri Jakub ra bokon am ingkauto' ondo' soroi ra bandar koson nansuli' ilo ra nanauyuan ra boborok nilono.

2 SAMUIL 24:1

Siminangit poyo Tuhan ra ulun ru Israil, am nanusub Io ra Raja' Daut koson mamparatong ra kapaganan ra ulun raginio. Indagu Tuhan ra Raja' Daut, “Paugaro' manguntob ra mamagun ru Israil am Jiuda.”

2 RAJA'-RAJA' 5:24

Paat ra ilo nakasaboi giu' ra bulur intok inayanan ri Ilisa, inalap i Gigaji ruo kantungan no am ibito' no minumpos ra baloi. Kopongo raginio panusub io ra ulipon-ulipon ri Naaman no minuli'.

1 TUNUNG RU BANSA' ISRAIL 21:7

Siminangit i Aki Kapuuno' sabap ra atan ondo' nasauk, Io pana nangukum ra ulun ru Israil.

2 TUNUNG RU BANSA' ISRAIL 24:18

Ginio ra mamagun kalo boo sumambayang giu' ra Baloi ru Tuhan, i Aki Kapuuno' ru kinamatuaan nilo. Tumalimpuun ilo boo sumamba ra sinungkalalaing am sinungkalalaing ru Dewi Asyira. Tula nilono nangkinibit ra Tuhan siminangit ra Jiuda am Jirusalim.

IJRA 9:6

Indagu aku, “Iou i Aki Kapuuno' kuno, mauyu' aku kaga' tumungar ra saang Muno. Tula mai nansusunu' giu' ra rasawat ru ulu saboi ra limbowon.

AYUP 35:8

Rangan-rangan rondo' guang rirun ondo' maimbolo' kinibit ru kalaatan muno, am ilo niayuk ondo' maulian sabap ra kinoonsoi muno.

MAMPATANOU 9:18

Kapintaran moonsoi poyo intor ra kinandoi pangayawan, kaa' sangulun makatula nampalunsai ra masuang baal ondo' moonsoi.

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

IMAMAT 10:6

Kopongo raginio indagu i Musa ri Arun am anak-anak nano, i Iliajar am i Itamar, “Pai' polosoo' masasung abuk mino, am pai' rilako' bayang mino koson tatandu' ra mangulir. Amon ru baalon min ginio, matoi kau am sumangit Tuhan ra ngaangai' ulun ti. Kaa' ngaangai' ulun ru Israil ra bokon no makapangulir ra pinatayan nilo ruo; minatoi ilo sabap natiu' ra apui ondo' pinatuun ru Tuhan.

JUNUS 1:7

Kopongo raginio, nagaloi boo i Junus am kaptin ru kapal giu' rasawat, ngaangai' ulun ru kapal nagindagu ilo-ilo galama', “Ibok takau ngai' magugundi' takau maa' raginio makapandai takau osoi makasala, saboi nalumpa' takau ru karaat ti!” Pagugundi' ilo am kaundi' i Junus.

JOSUA 22:16

Tayar ra bala ru ngaangai' ulun ru Tuhan, indagu ilo, “Kua kia pambaal kau ra baal ondo' malaat ti ri Aki Kapuuno' ru ulun ru Israil? Binaal altar raginio, giminuor kau ra Tuhan! Kalo boo maya' kau Riso!

JOSUA 22:18

Masaga' kau kia mangiruan ra Tuhan raino? Amon ru orou raiti' gumuor kau Riso, susuab no sumangit Io ra moonong ulun ru Israil.

JOSUA 22:20

Karaa' noyo atan koson i Akgan anak ri Jirag minanggal ra susuban pasal ra kuliamos ondo' musiti' pusoon. Kinibit no, ngaangai' ulun ru Israil inukum; sala' ka ayuk i Akgan sangulun ondo' minatoi sabap ra tula nali.”