JOSUA 6:5 - Tanou Moonsoi Timugon

⁵ Mopongo raginio ilo musiti' manamput ra bujung ra bolos ondo' maawar, am morongog min ayuk ginio, ngaangai' ulun musiti' gumolok ra mosongou, am mapuut boo timbok ru bandar no. Paat raginio ngaangai' saujor muno musiti' marayus mumpos ra bandar no.”

JOSUA 6:5 Iomraidhean Croise

KAINGKUALAN 19:19

Bolos ru bujung sumongou poyo. Mindagu i Musa ri Aki Kapuuno' am tumaam Io ra tingkalur.

JISAYA 25:12

Lunsayon ri Aki Kapuuno' kubu ampin ru bandar Moab; timbok no ra masawat gabaan saboi matutuk koson ra kaau.

JISAYA 30:25

Kubu-kubu ru pantula' mino mapuut, am potoyon ilo. Paat ra orou raginio sungoi-sungoi boborok tumilis intor ra moonong gunung am bulur.

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

IBRANI 11:30

Sabap ra pangintapatan noyo, timbok ru bandar Jiriko nalunsai, nalupus ulun ru Israil liminiput ra intok ti buoi natuluan.

JOSUA 6:16

Paat ra kaintulu', paat imam-imam no nanamput ra bujung, nanusub i Josua ra ulun nano gumolok am indagu io, “Pinataak noyo ru Tuhan bandar ti ramuyun!

JOSUA 6:20

Imam-imam no pana nanamput ra bujung. Kaining ayuk ru saujor-saujor ginio, golok ilo ra mosongou, am napuut timbok ru bandar Jiriko. Ngaangai' pulalai ru saujor pana narayus nagaloi ra bandar no, am namulunsar am nampagaau raginio.

JOSUA 6:4

Tulu' ngaulun imam ondo' sigagama' magibit ra rondo' bujung musiti' mugar giu' ra saang ru Kaban Nabantuan. Paat orou Katulu', okou am saujor-saujor muno musiti' mugar lumiput ra bandar no intulu', liliwa' imam-imam manamput ra bujung.

JOSUA 6:6

Nampiau i Josua ra imam-imam am indagu risilo, “Saani' noyo Kaban Nabantuan, am tulu' ngaulun ramuyun musiti' mugar giu' ra saang no magibit ra bujung.”

TINGGANAI RU BANSA' 20:37

Saujor-saujor ondo' nansibuni no nagindibok siminubol ra bandar Gibia am namatoi ra ngaangai' ulun ondo' soroi ra bandar no.

1 SAMUIL 17:20

Suabon no ra iosusuab ayuk poyo, timinirong i Daut am timinampos. Nanusub io ra ulun bokon magalung ra domba. Io pana nagibit ra akanon no am minugar koson ra nanusuban ri Isai. Nakasaboi io ra pangkiman nakainamot ra ulun ru Israil tatanga' baris liliwa' mompogolok ra pulanu ru pangayawan.

1 SAMUIL 17:52

Gogolos ulun ru Israil am ulun ru Jiuda, am nangilou risilo saboi ra Gat am kulobon garabang ru Ikron. Ulun ru Palistin ondo' nangapilat rumumpalangan ra galur ru ralan mongoi ra Saaraim, saboi ra Gat am Ikron.

1 SAMUIL 4:5

Paat ra Kaban Nabantuan no nakasaboi ra pangkiman, noloos saujor ru Israil ra mapuor kaga' sabap ra naansukan, saboi tana' ti mapuyu'.