JOSUA 6:2 - Tanou Moonsoi Timugon

² Indagu Tuhan ri Josua, “Pataakon Ku rirun Jiriko am raja' nano am ngaangai' saujor nano ondo' mangapanggol.

JOSUA 6:2 Iomraidhean Croise

2 SAMUIL 5:19

Pangkuot Raja' Daut ra Tuhan, “Musiti' ku kia bulunsaron ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Mangani' Aku rirun ra kamanangan.”

NIGIMIA 9:24

Inayanan nilo pagun ru Kanaan; kinala Mu mamagun ru pagun raginio. Nangani' Kou ra ulun Muno ra kuasa' koson pamakuan ra mamagun am raja'-raja' ru Kanaan maya' ra kasagaan ru guang.

DANIL 2:21

Io no manguasa' ra bulintok am jam; Io mampasauk am mopolonggo' ra raja'; Io no mangani' ra kapintaran am pangaratian.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

SAGULION 7:24

Mapataak Io ra raja' nilono ramuyun. Potoyon min ilo, am lilianin ilo ru ulun. Kolondo' sangulun pana makapanginga' ramuyun; mamuso kau ra moonong ulun.

JOSUA 12:9

Ulun ru Israil nangala ra raja'-raja' intor ra bandar-bandar ragitio: Jiriko, Ai (maar ra Bitil)

JOSUA 2:24

Indagu ilo boo, “Mangintopot akai ra manaak Tuhan ritakau ra titikop ru pagun no. Ngaangai' mamagun ru pagun no malaa' ritakau.”

JOSUA 2:9

am indagu risilo, “Nakapandai aku ra nanaak noyo Tuhan ramuyun ra tana' ragitio. Ngaangai' ulun ra pagun ti malaa' ramuyun.

JOSUA 20:1

Tuhan pana nanusub ri Josua

JOSUA 6:1

Kulobon garabang ru bandar Jiriko inalungan am inangaban maa' raginio ulun ru Israil kalo makaumpos. Kolondo' sangulun pana makaumpos kapoam makaingkual intor ra bandar no.

JOSUA 6:3

Okou am saujor-saujor muno musiti' mugar lumiput ra bandar no igondo' songorou buoi onom ngoorou.

JOSUA 8:1

Indagu Tuhan ri Josua, “Ibito' noyo ngaangai' saujor am ongoi ra bandar Ai. Pai' kalaa' kapoam mapalo guang. Taakin Ku ramuyun kamanangan ra raja' Ai; mamagun, bandar am tana' nano masauk ra akau tatangan.

TINGGANAI RU BANSA' 11:21

Kaa' Tuhan i Aki Kapuuno' ru Israil napataak ra Raja' Sigon am pulalai ru saujor nano ra ulun ru Israil. Koson raginio noyo naalapan ru ulun ru Israil ra ngaangai' tana' ru ulun ru Amori ondo' minayan ra pagun ti.

TINGGANAI RU BANSA' 11:24

Masaga' kou kia gaawon saguli'? Alapo' noyo atan ondo' tinaakan ri Kamos, dewa muno. Kaa' akai mampaguut ra ngaangai' ondo' tinaakan ramon ru Tuhan, i Aki Kapuuno' mai.