JOSUA 6:1 - Tanou Moonsoi Timugon

¹ Kulobon garabang ru bandar Jiriko inalungan am inangaban maa' raginio ulun ru Israil kalo makaumpos. Kolondo' sangulun pana makaumpos kapoam makaingkual intor ra bandar no.

JOSUA 6:1 Iomraidhean Croise

2 SAMUIL 10:5

Ngaangai' ulun sinusub no mauyu' kaga' koson muli'. Paat ra baal raginio pinabala' ra Raja' Daut, pangator io ra bilin koson ulun-ulun sinusub no mayan ra Jiriko saboi ra jangut nilo tumuu' saguli'.

2 RAJA'-RAJA' 17:4

Kaa' rondo' bulintok no, nangator Raja' Gosia ra kukula' ngaulun sinusub nano ra Raja' So, raja' ru Misir koson makiindangan riso. Kopongo raginio Raja' Gosia liminonggo' nambayar ra cukai kabilaran ra raja' ru Asyur. Kapandayi' ru Raja' Salmanisir ginio, rokopo' no Raja' Gosia am aputo' no ra lamin pangaputan.

2 RAJA'-RAJA' 2:4

I Ilia pana mindagu boo ri Ilisa, “Soroi ayuk ragiti; Tuhan no nanusub noyo raki' mongoi ra Jiriko.” Kaa' taam i Ilisa, “Magibot aku sabap ra gagaya' kuno ra Tuhan ondo' maayag am okou ra kalo iruanin tokou.” Ginio ra ilo ruo minongoi ra Jiriko.

MAZMUR 127:1

Rimbai ru ratangan ri Raja' Salomo. Amon ru sala' ka Tuhan no mambaal ra baloi, banangan ayuk kandoi ru ulun-ulun mangngandoi; amon ru sala' ka Tuhan no manindung ra bandar, banangan ayuk ru ulun-ulun mantatamung no mangandoi.

JOSUA 16:7

Balitan raginio pana tumuun intor ra Janoa mongoi ra Atarot am Nagarat, saboi ra Jiriko am polos no giu' ra Sungoi Jordan.

JOSUA 18:21

Ngaangai' bandar ondo' linonggom ru ngaangai' sasambaloi ralalom bansa' ru Binjamin iono Jiriko, Bit-Golga, Imik-Kijis,

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

JOSUA 2:24

Indagu ilo boo, “Mangintopot akai ra manaak Tuhan ritakau ra titikop ru pagun no. Ngaangai' mamagun ru pagun no malaa' ritakau.”

JOSUA 2:7

Pakaingkual ayuk ulun-ulun sinusub ru raja' intor ra bandar, inangaban kulobon garabang. Naguyum ilo ra ulun-ulun pansigo no saboi ra intok laupan ru Sungoi Jordan.

JOSUA 5:15

Indagu panglima saujor ru Tuhan, “Paguso' kasut muno, sabap intok binigaran muno matulai.” Paguso' boo ri Josua kasut nano.

JOSUA 6:2

Indagu Tuhan ri Josua, “Pataakon Ku rirun Jiriko am raja' nano am ngaangai' saujor nano ondo' mangapanggol.