JOSUA 5:10 - Tanou Moonsoi Timugon

¹⁰ Paat ra ulun ru Israil nangkim giu' ra Gilgal giu' ra tana' marata' maar ra bandar Jiriko, nangiantak ilo ra Paska paat ra palunggai', paat orou koopor am apat sila' raginio.

JOSUA 5:10 Iomraidhean Croise

2 SAMUIL 15:28

Liliwa' raginio maginaa aku mamaar ra intok laupan ru sungoi giu' ra tana' kaagisan saboi makaapu ra tanou intor rirun.”

KAINGKUALAN 12:11

Paat mangakan, musiti' kau makapambayang noyo ra bayang koson mugar; mangkasut kau noyo am mampaguut ra jujuga'. Musiti' kau magindibok mangakan. Ginio noyo pangiantakan Paska koson mangurumat Raki', Tuhan.

KAINGKUALAN 12:18

Musiti' kau mangakan ra ruti' kalo linatakan ra ragi, intoron ra rondom ru orou ra koopor am apat sila' kasaa' saboi ra rondom ru orou ra karuo ngoopor am rondo'.

KAINGKUALAN 12:6

Musiti' min alungin bibiag no saboi orou ra koopor am apat sila' raginio. Tampilon ra mai' ti orou raginio, ngaangai' ulun ru Israil manimbalui ra bibiag raginio.

JIRIMIA 39:5

Kaa' saujor ru Babilonia nangilou risilo am namparakop ra Raja' Jidikia giu' ra pipit mamaar ra Jiriko. Inibit nilo io minuma' ra Raja' Nibukadnijar ondo' paat raginio soroi giu' ra bandar Ribla giu' ra libung Gamat. Giu' no nangukuman ru Raja' Nibukadnijar riso.

YEHEZKIEL 12:3

Ginio ra, okou ulun mapandai matoi, kumoso' kuliamos muno ralalom rondo' kuntil koson ondo' binaal ru sangulun nagiru', am ugar no ra kalo poyo molondom. Polosoo' ulun makakito rirun mangiruan ra bandar am mongoi ra intok ra bokon. Maaru' lair ulun-ulun gumuor no makakito rirun.

IMAMAT 23:5

Pangiantakan Paska, ondo' iantakon koson mangurumat ra Tuhan, intor ra paat mato ru orou tumolop, paat ra orou koopor am apat sila' kasaa'.

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

JOSUA 4:19

Ulun ru Israil liminaup ra sungoi no paat ra orou Koopor sila' kasaa', am nangkim ilo giu' ra Gilgal, tampilon ra sirangon ru bandar Jiriko.

JOSUA 5:11

Suabon no, koson ra kainsaa' ilo mangakan ra ampos tinanom giu' ra Kanaan: kaunaran sininggala' am ruti' kalo linatakan ra ragi.

JOSUA 9:6

Ongoi ilo boo ra pangkiman giu' ra Gilgal am minindagu ri Josua am niayuk ulun ru Israil, “Minatong akai intor ra pagun maalur. Pambaal noyo ra nabantuan ramon.”

1 SAMUIL 7:16

Moonong bilor ongoyon no liputo' Bitil, Gilgal am Mijpa. Giu' no nanalasai io ra baal-baal ru pansangaran.