JOSUA 4:10 - Tanou Moonsoi Timugon

¹⁰ Imam-imam minigor ra tatanga' ru Sungoi Jordan saboi ngaangai' ondo' nanusuban ru Tuhan ri Josua nabaal ru ulun raginio. Ginio noyo ondo' nanusuban ri Musa ri Josua. Liminaup ulun ru Israil ra sungoi ra mataki'

JOSUA 4:10 Iomraidhean Croise

MAZMUR 119:60

Maringkaagou aku am kalo maginaa koson mapaugar ra panusuban Muno.

KAINGKUALAN 12:39

Nangansak ilo ra ruti' kalo linatakan ra ragi intor ra ruti' makata' ondo' inibit nilo intor ra Misir. Pinagiru' ilo intor ra giu' no ra namulali', saboi kalo nakapanampos ra lutu' kapoam nakapangansak ra ruti' kalo linatakan ra ragi.

AMSAL 27:1

Pai' pamanggo atan kasaukan ra susuab, sabap ra kalo poyo natutunan min atan kasaukan no.

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

2 KORINTUS 6:2

Kon ri Aki Kapuuno' ralalom Buuk Kitab, “Paat ra naaru' noyo, rinongog tokou, am ra io orou pamayagan, nangindangan Aku no rirun.” Rongogo' min, raino noyo paat inaru' no, am raiti' niayuk orou pamayagan!

SAGULION 31:9

I Musa pana nanulis boo ra Ukum ri Aki Kapuuno' no am taaki' no ra imam-imam Liwi ondo' nanalingapu ra Kaban Nabantuan ru Tuhan am ra tingganai-tingganai ru ulun ru Israil.

JOSUA 24:11

Liminaup kau ra Sungoi Jordan am nakasaboi giu' ra bandar Jiriko. Mamagun ru Jiriko nangayou ramuyun; koson niayuk ra ulun ru Amori, Piris, Kanaan, Git, Girgasi, Giwi am Jibusi. Kaa' nanaak Aku ramuyun ra kamanangan risilo ngai'.

JOSUA 3:13

Paat ra imam-imam ondo' nansaan ra Kaban Nabantuan ru Tuhan mapatapung ra kalayam ralalom timug, muog Sungoi Jordan ra tumilis; timug ondo' tumilis intor ra ralayo moombon giu' ra rondo' intok.”

JOSUA 4:11

am paat ra ilo ngaangai' nakasaboi ra sandaup, imam-imam ondo' nansaan ra Kaban Nabantuan ru Tuhan minugar ra saang nilo.

JOSUA 4:9

Pinatampas niayuk ri Josua mopor am ruo batu giu' ra tatanga' ru Sungoi Jordan, intok binigaran ru imam-imam no. (Soroi poyo batu-batu ra giu' no saboi raino).