JOSUA 3:8 - Tanou Moonsoi Timugon

⁸ Susubo' imam-imam ondo' nagibit ra Kaban Nabantuan no maa' raginio tumapung ra sungoi ra ilo makasaboi ayuk ra giu' no, am migor maar ra kiing no.”

JOSUA 3:8 Iomraidhean Croise

2 RAJA'-RAJA' 2:6

I Ilia pana mindagu boo ri Ilisa, “Soroi ayuk ragiti; Tuhan no nanusub noyo raki' mongoi ra Sungoi Jordan.” Kaa' taam i Ilisa, “Magibot aku sabap ra gagaya' kuno ra Tuhan ondo' maayag am okou ra kalo iruanin tokou.” Ginio ra rinayus nilo pangkiralanan.

2 TUNUNG RU BANSA' ISRAIL 29:15

Pinatimung nilo ulun ru Liwi intor ra bansa' ru sigagama', am ilo ngaangai' pana namasau ra inan. Koson ra ondo' rinagu ru raja', namasau ilo ra Baloi ru Tuhan sumugut ra Ukum ru Tuhan.

2 TUNUNG RU BANSA' ISRAIL 29:27

Nanusub Raja' Gijkia maa' raginio taak simbalui koson mapabansuk ra guang ru Tuhan pataakon. Liliwa' taak simbalui pataakon, mamagun narimbai ra rimbai pangamparan ra Tuhan, am ulun-ulun mangkuli ra miujik pana tumalimpuun manamput ra bujung am mangkuli ra kuliamos miujik ra bokon.

2 TUNUNG RU BANSA' ISRAIL 29:30

Raja' am tingganai-tingganai ru bansa' nanusub ra ulun-ulun ru Liwi marimbai ra rimbai pangamparan ra Tuhan, rimbai ondo' sinulabit ru Raja' Daut am Nabi Asap. Ngaangai' boo ru ulun narimbai ra naansukan liliwa' migulatur am samba ri Aki Kapuuno'.

2 TUNUNG RU BANSA' ISRAIL 30:12

Giu' ra Jiuda, i Aki Kapuuno' pana miningkuor am noporondo' ra guang ru mamagun maa' raginio totopot gumagaya' ra kasagaan Nano, saboi ilo masaga' gumagaya' ra susuban ru raja' am pagawai-pagawai nano.

NIGIMIA 13:22

Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat. Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.

NIGIMIA 13:28

I Joyada iono anak ru Tingganai Maayo Imam Ilyasib, kaa' sangulun intor ra anak ri Joyada nagandu' ra anak ruandu' ri Sanbalat intor ra bandar Bit-Oron. Ginio ra nanusub aku ri Joyada nangiruan ra Jirusalim.

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

SULABOI 3:26

Ginio ra moonsoi inaani' takau Io ra tumaan guang, saboi Io mamayag ritakau.

JOSUA 3:17

Buoi ru ulun ru Israil mugar ra lonor ru sungoi ondo' mapua', imam-imam ondo' nansaan ra Kaban Nabantuan migor ra tatanga' ru lonor ru sungoi ondo' mapua' no, saboi ngaangai' ulun makasaboi ra sandaup.

JOSUA 3:3

am indagu ra ulun ru Israil, “Paat ra akau makakito ra imam-imam magibit ra Kaban Nabantuan ru Tuhan i Aki Kapuuno' min, ugar noyo am baya' noyo risilo.

JOSUA 3:7

Indagu Tuhan ri Josua, “Atan ondo' baalon Kuno ra orou raiti' mangkinibit ra ulun ru Israil mangurumat toojo Raki'. Makaliman ilo ra mabaya' Aku rirun koson Aku nabaya' ri Musa.

JOSUA 3:9

I Josua pana mindagu ra ulun raginio, “Ibok, rongogo' ragu ru Tuhan i Aki Kapuuno' min.

JOSUA 4:11

am paat ra ilo ngaangai' nakasaboi ra sandaup, imam-imam ondo' nansaan ra Kaban Nabantuan ru Tuhan minugar ra saang nilo.